Aðalsafnaðarfundur Reykhólasóknar verður haldinn í Reykhólakirkju kl. 20 í kvöld, fimmtudagskvöld.
...
Meira

Á fundi í fyrradag samþykkti stjórn Samtakanna Landsbyggðin lifi (LBL) ályktun um verð á eldsneyti. Ályktunin ásamt greinargerð fer hér á eftir. „Hátt verð á dísilolíu og bensíni er að verða meiri háttar vandamál, sérstaklega í dreifbýlinu. Leiðir til að fá þjónustu, komast í verslun eða stunda félagslíf eru langar, svo ekki sé nú minnst á það hve dýrt er að komast til höfuðstaðarins. Flutningskostnaður á vöru og þjónustu er orðinn óbærilegur fyrir byggðirnar“, segir í ályktuninni.
...
Meira

Vegurinn milli Bjarkalundar og Patreksfjarðar er í afar slæmu ástandi og nánast ekki ökuhæfur þessa dagana, segir á vef Morgunblaðsins. „Þessir malarkaflar verða afar varasamir í þessari bleytutíð. Frostið er að fara úr jörð og það er því miður fátt hægt að gera,“ segir Magnús Valur Jóhannsson, svæðisstjóri hjá Vegagerðinni. Hann segir að þetta gerist á hverju vori.
...
Meira

Félagsmálastjóri mun halda kynningu á þjónustu nýrrar Félagsþjónustu Stranda og Reykhóla í matsal Reykhólaskóla miðvikudaginn 27. apríl kl. 18.00.

...
Meira

Nýjasta mannvirkið í Reykhólahöfn var tekið í notkun á sumardaginn fyrsta. Það er nefnt Öreigaslippurinn enda líklega flest mannvirki af því tagi nú á dögum öllu veigameiri og dýrari. Þetta er stauravirki og plan, alveg innst í höfninni, sem Brynjólfur Smárason verktaki frá Borg í Reykhólasveit útbjó. Frumkvöðlarnir eru Jóhannes Haraldsson frá Kletti í Kollafirði og Bergsveinn Reynisson á Gróustöðum við Gilsfjörð og raunar var Jóhannes helsta driffjöðrin. Þeir eru báðir með á sínum vegum nokkuð stóra báta sem þarf að botnmála og einnig að bolskoða á minnst tveggja ára fresti.
...
Meira

Sr. Elína Hrund Kristjánsdóttir sóknarprestur messar í Reykhólakirkju kl. 14 á páskadag. Organisti er að venju Viðar Guðmundsson og kór Reykhólaprestakalls syngur. Myndirnar af kirkjunni og prestssetrinu á Reykhólum sem hér fylgja voru teknar í hallfleyttu skini morgunsólar núna eldsnemma að morgni páskadags 2011.

...
Meira

Bestu óskir frá Reykhólahreppi um ljúfa páskahátíð. Vonandi var dymbilvika notaleg.
...
Meira

Segja má að nánast hálf dagskráin á Barmahlíðardeginum þetta árið á sumardaginn fyrsta hafi farið fram á Dvalarheimilinu Barmahlíð á Reykhólum að viðstöddum allmörgum gestum. Nokkuð var tekið þar af myndum og fylgja hér fáeinar. Í byrjun var hlýleg helgistund sem sr. Elína Hrund Kristjánsdóttir annaðist en kirkjukórinn söng og Sóley Vilhjálmsdóttir í Nesi lék undir á gítar. Þá var bingó „eldri borgara“ sem Guðrún Guðmundsdóttir stjórnaði og loks lék kvartett nokkur létt lög fyrir mannskapinn. Kvartettinn skipuðu Hafliði Ólafsson í Garpsdal, Ásdís Jónsdóttir á Hólmavík og feðginin Jóhann Elísson og Hanna Valdís Jóhannsdóttir á Skerðingsstöðum í Dalabyggð. Ekki var dansað við þetta tækifæri nema hvað þær Lóa á Miðjanesi og Ása í Árbæ stóðust ekki fótafiðring eins og sjá má á einni myndanna.
...
Meira

Meðal atriðanna á Barmahlíðardeginum á sumardaginn fyrsta var „Ljósmyndasýning alþýðulistafólksins“ sem haldin var í íþróttahúsinu á Reykhólum. Þar sýndu fimm áhugaljósmyndarar verk sín, þau Andrea Björnsdóttir á Reykhólum, Eva Dögg Einarsdóttir frá Gufudal, Hrefna Karlsdóttir á Kambi, Sveinn Ragnarsson á Svarfhóli og Þórarinn Ólafsson í Stekkjarlundi. Vefurinn fékk tvær myndir frá hverju þeirra og birtast þær hér í tvöfaldri stafrófsröð listafólksins.
...
Meira

Stelkurinn var „fjölmennur“ á Reykhólum bæði fljúgandi og vappandi eldsnemma á lognværum morgni annars sumardags. Steinþegjandi, þessi venjulega raddhvelli og háværi fugl. Ef til vill af tillitssemi við sofandi fólk á sjálfan föstudaginn langa. Líklegra samt að hann spari róminn þangað til rétti tíminn kemur. Vissulega er stelkurinn ekki eini farfuglinn sem kominn er til leiks í fuglauðugasta héraði landsins. Oft eru þeir saman tveir og tveir á flugi. Staðfuglinn rjúpa er líka á ferð, ennþá í sínum fannhvíta vetrarbúningi og þannig auðgreind fálkanum á auðri jörð. Tveir svanir í lágflugi í austurátt.
...
Meira