Síðasta helgi var mesta prófkjörshelgin í aðdraganda kosninganna 25. apríl og liggur nú nokkuð ljóst fyrir hverjir munu skipa efstu sætin á mörgum framboðslistum þeirra flokka sem nú eiga sæti á Alþingi. Eitt prófkjör er þó eftir og það sem e.t.v. er beðið með hvað mestri spennu. Það er prófkjör sjálfstæðismanna hér í Norðvesturkjördæmi, þar sem sautján frambjóðendur eru í boði og sex af þeim kljást um oddvitasætið. Prófkjörið fer fram á laugardag og talningin hefst á sunnudagsmorgun....
Meira

Líkt og víðar snjóar heldur betur inn á undirvefinn Sjónarmið / Aðsent efni hér á vef Reykhólahrepps um þessar mundir (valmyndin hér vinstra megin á síðunni). Dregur þar einkum tvennt til: Síðasta prófkjörið fyrir komandi þingkosningar verður núna á laugardaginn og síðan eru kosningarnar sjálfar eftir rúman mánuð. Atkvæðagreiðsla utan kjörfundar er raunar þegar hafin eins og hér hefur verið greint frá.

...
Meira

„Það er rétt að þetta var djöfulleg útkoma. Það eru sjálfsagt nokkrar ástæður sem virka á þennan veg. Það má segja að allt hafi lagst gegn mér í þessu prófkjöri", segir Kristinn H. Gunnarsson alþingismaður, sem bauð sig fram í 1. sæti á lista Framsóknarflokksins í NV-kjördæmi en hlaut afleitar viðtökur. „Ég kom mjög seint til leiks og hafði því lítið ráðrúm til að safna liði eða ræða við fólk. Aðrir frambjóðendur voru þá búnir að fá stuðning frá öðrum flokksmönnum."...
Meira

Það er stundum sagt um eyjuna Flatey á Breiðafirði að þar standi tíminn kyrr. Það er að ýmsu leyti rétt ... Á síðari árum hefur þó orðið talsverð breyting á eyjunni. Gömlu húsin hafa flest fengið talsverða yfirhalningu ... af myndarskap hefur verið komið upp afar huggulegu hóteli með afbragðs veitingahúsi. Reyndar svo góðu að auðmenn með sjeika í eftirdragi trufluðu þar hljóðláta dýrðina síðustu sumur með nærveru sinni, þar sem þeir flögruðu um á þyrlum sínum....
Meira

Fiskurinn frá Fisherman á Suðureyri er töluvert ódýrari en ódýrasti ferski fiskurinn í verslunum á höfuðborgarsvæðinu samkvæmt verðkönnun Alþýðusambands Íslands. Verðlagseftirlit ASÍ gerði verðsamanburð á ferskum fiski í verslunum á höfuðborgarsvæðinu í síðustu viku. Í samanburðinum kom í ljós að ódýrasti þorskurinn, roðlaus og beinlaus, var á 890 kr/kg í Litlu fiskbúðinni í Hafnarfirði. Sama búð var líka með ódýrustu ýsuna, roðfletta og beinlausa, og er verðið það sama eða 890 kr/kg. Bæði þorskur og ýsa eru ódýrari hjá Fisherman.is, sem verðleggur frystan þorsk á 700 kr/kg og ýsuna á 610 kr/kg....
Meira

Kjördæmisþing Samfylkingarinnar í Norðvesturkjördæmi verður haldið á laugardaginn, 21. mars, í Tónbergi á Akranesi. Dagskráin hefst klukkan 13.30. Farið verður yfir stöðuna fyrir kosningar, framboðslisti verður ákveðinn og kynntur og unnið í málefnahópum. Um kvöldið er móttaka og skemmtun og matur á Safnasvæðinu að Görðum....
Meira

Atkvæðagreiðsla utan kjörfundar vegna Alþingiskosninganna 25. apríl 2009 er hafin hjá sýslumanninum á Patreksfirði. Hægt er að kjósa á skrifstofutíma á milli kl. 8:30-12 og 13-15:30 virka daga. Atkvæðagreiðsla utan kjörfundar í Reykhólahreppi verður auglýst sérstaklega á ákveðnum dögum á heimasíðu Reykhólahrepps en kosið verður á skrifstofu Reykhólahrepps.

...
Meira

Sýslumaðurinn á Patreksfirði, Úlfar Lúðvíksson, verður til viðtals á skrifstofu Reykhólahrepps við Maríutröð á Reykhólum miðvikudaginn 18. mars kl. 12-13. Notendur þessa vefjar skulu minntir á að fylgjast jafnan með tilkynningadálkinum neðst til hægri á síðunni og atburðadagatalinu efst til hægri....
Meira

Fundir til kynningar á matvælaverkefninu Veisla að vestan sem Atvinnuþróunarfélag Vestfjarða (Atvest) hefur staðið fyrir undanfarna daga hafa gengið vel og hafa um 60 manns komið á þá. Til stendur að hafa tvo slíka fundi til viðbótar á næstunni, á Reykhólum og í Árneshreppi. Hannað hefur verið merki fyrir Veislu að vestan sem notað verður í allri markaðssetningu, sem og til að merkja vestfirsk matvæli til að gera þau sýnilegri í verslunum og á veitingastöðum. Allir geta tekið þátt í verkefninu en til að nota merkið og taka þátt í sameiginlegri markaðssetningu þarf viðkomandi fyrirtæki að vera með gilt starfsleyfi frá Heilbrigðiseftirliti Vestfjarða....
Meira

Bændablaðið er nú prentað í 19 þúsund eintökum og hyggur á sókn í þéttbýlinu. Það er málgagn Bændasamtaka Íslands og fjallar að stærstum hluta um málefni bænda í landinu. Blaðinu er dreift inn á hvert lögbýli og liggur auk þess frammi í flestum þéttbýliskjörnum landsins. „Þrátt fyrir kreppuhjal og barlóm í þjóðfélaginu heldur Bændablaðið áfram að auka þjónustu sína við lesendur með því að dreifa blaðinu á ellefu nýjum stöðum. Þar er um að ræða verslanir Krónunnar, sem eru átta talsins á höfuðborgarsvæðinu, en auk þess á Akranesi, Reyðarfirði og í Vestmannaeyjum. Þar getur fólk nálgast blaðið í þar til gerðum stöndum sem minna á sveitina eins og hún var", segir í tilkynningu frá blaðinu....
Meira