Góðan dag! Vil vekja athygli á kynningarfundi á námskeiðinu Færni í ferðaþjónustu sem verður hér á Hólmavík á laugardaginn kl 13:30. Einnig á næstu námskeiðum, súpunámskeiði og skyndihjálp, sem eru að hefjast á Ströndum. Hægt er að smella á tengla hér fyrir neðan til að skrá sig.
Kveðja Kristín Sigurrós Einarsdóttir
Verkefnastjóri
Fræðslumiðstöð Vestfjarða, kt. 511199-2049
Höfðagata 3
510- Hólmavík
Sími: 451-0080
Fax: 456-5066
Netfang: kristin@frmst.is
Veffang: http://www.frmst.is/ Sjá hér að neðan:  

Námskeið skv.námskrá frá Fræðslumiðstöð atvinnulífsins.
Ætlað starfsmönnum í ferðaþjónustu eða þeim sem stefna að starfi í greininni. Fyrsti hluti námsins getur hentað fyrir nýliða eða sumarstarfsfólk. Náminu er ætlað að efla persónulega, faglega eða almenna færni til að veita gæðaþjónustu og takast á við fjölbreytt úrlausnarefni í ferðaþjonustu. Í náminu er meðal annars fjallað um gildi ferðaþjónustu, grunþætti í þjónustu, mismunandi þjonustuþarfir, þjónustulund og samskipti, vinnusiðfræði, hlutverk starfsmanna og verkferla á vinnustað. Að name loknu eiga þátttakendur að  hafa betri frosendur til að taka ða sér flóknari verkefni, vera sjálfstæðir í stafi og færari um að bera ábyrgð á eigin símenntun.

Kennslustaðir: Þróunarsetrið á Hólmavík
(fjarfundabúnaður á neðstu hæð-fjarkennt á Ísafjörð, Patreksfjörð og Hólmavík)

Leiðbeinendur: Margrét Reynisdóttir o.fl.

Lengd: 60 kennslustundir           Kennslutími: Hefst 12. mars           Verð: Kr. 9.000 á þátttakanda.

Kynningarfundur í fjarfundi 7. mars kl 13:30 í Þróunarsetrinu.  Skráðu þig núna!

Rýmingu hefur verið aflétt í Bolungarvík og á Ísafirði og mega íbúar snúa til heimila sinna.  Rýmingin nær til þéttbýlis og bæja í dreifbýli. Enn er þó viðbúnaðarstig á Norðanverðum Vestfjörðum og Veðurstofan og lögreglan fylgjast vel með gangi mála.   Snjóaeftirlitsmenn og starfmenn Vegagerðarinnar hafa staðfest að þó nokkur snjóflóð féllu í gærkveldi og nótt og sum hver á þeim stöðum þar sem rýmt var þó ekkert flóðanna næði til íbúðarbyggðar.

 

Lögreglustjórinn á Vestfjörðum

 

Hér fylgir stuttur útdráttur um fallin flóð en enn á eftir að fá staðfestingar á fleiri flóðum.

 

„Miðvikudagur 4. mars

07:10 Í Súðavíkurhlíð eru snjóflóð úr flestum farvegum hlíðinni.  Þau eru öll orðin veðurbarinn og telur vegagerðin að þau hafi fallið snemma í veðrinu. Flóð úr Djúpagili var mjög breitt en ekki mjög þykkt. Snjóflóð voru í Óshlíð, undir"Skriðum" í Kálfadal, úr giljum 5, 8, 14, 15.  Flóð yfir vegskálann í Hvanná náði útaf vegskálanum beggja vegna og er það óvanalegt.
Vegagerðin hafði frétt af flóði utan Kirkjubæjar sem fallið var í að þriðjudagskvöldið 3. mars.
Engin frekari flóð voru í Eyrarhlíðinni þegar hún var opnuð seinnipart 3. mars.
Milli Hvilftar og Eyrar var um 100 m breitt snjóflóð á Flateyrarvegi og leit það út fyrir að ver nýlegt.
Snjóflóð var í Bjarnardal í Önundarfirði.  Þar var skemmt vegrið og grjótburður á veginum en ummerki snjóflóðsins ekki lengur sýnileg.
Flóð voru í Mjóafirði, í Botnshlíð og er það sjaldgæft að snjóflóð falli þar.
Snjóflóð var í austanverðum Ísafirði í Djúpinu, það heitir einnig Eyrarhlíð utan Hestakleifar, og er það þekktur snjóflóðastaður."

Kristín Völundardóttir

sýslumaður á Ísafirði/lögreglustjóri Vestfjarða

 

Vegna slæms veðurs á Norðanverðum Vestfjörðum hefur lögreglustjóri í samráði við Veðurstofu ákveðið að hættustig vegna húsa á reit 4 í Bolungarvík (Ljósaland 2, Traðarland 18, 21, 22, og Tröð) iðnaðarhúsnæðis á reit 9 í Ísafjarðarbæ (Grænigarður og Netagerðin) og vegna einstakra bæja í dreifbýli (Geirastaðir, Bolungarvíkurkaupstað, Fremstu hús, Dýrafirði, Höfði og Kirkjubær (hesthús), Skutulsfirði, Hraun 2, Hnífsdal og Fremri-Breiðadalur, Önundarfirði) verði óbreytt þ.a. rýming er enn í gildi.  Einstaka staðir eru undir eftirliti, s.s. hesthúsin í Bolungarvík og Funi á Ísafirði.
 
Fólki sem búsett er á þessum stöðum verður tilkynnt um áframhaldandi rýmingu sem mun standa að minnsta kosti til morgundags.
 
Flestar samgönguæðar milli þéttbýlisstaða eru lokaðar og er fólki ráðlagt að vera ekki á ferðinni nema brýna nauðsyn beri til og þá í samráði við upplýsingavef  Vegagerðarinnar eða í númerið 1717.
 
Skv. spá Veðurstofunnar fyrir Bolungarvík og Ísafjörð  verður áfram hvass vindur , 13-18 m/s allt til morgundags, en fram að miðnætti í kvöld má búast við kviðum í byggð upp í 20 m/s.
 
Lögreglustjórinn á Vestfjörðum
 
Kristín Völundardóttir

Orkubú Vestfjarða hefur hækkað verðskrá sína um 13% að jafnaði. Kemur þetta fram á vef Bæjarins besta. Var hækkunin ákveðin á fundi stjórnar Orkubús Vestfjarða sl. laugardag.

Helsta breyting í uppbyggingu gjaldskrár er að tveggja þrepa verðlagningu dreifingar orkunnar er hætt og fast árlegt gjald hækkað til að mæta tekjutapi ásamt hækkun á ódýrara þrepinu sem eftir breytingu nær til allrar orku.  Tengigjöld verða hins vegar óbreytt að sinni.

...
Meira

Vegagerðin hefur ákveðið að takmarka umferð um Skutulsfjarðarbraut á Ísafirði vegna hættu á snjóflóðum úr giljunum fyrir ofan Grænagarð.  Björgunarsveitin á Ísafirði mun stýra umferðinni á Skutulsfjarðarbraut á vegakaflanum frá Brúarnesti að gatnamótum Seljalandsvegar.  Fólk er kvatt til að vera ekki á ferðinni að óþörfu.

 

Vegagerðin hefur lokað veginum um Hvilftarströnd, frá þjóðvegi 60 (Vestfjarðarvegi) út á Flateyri.

Lögreglustjóri hefur fengið beiðni frá Veðurstofunni um rýmingu á eftirfarandi bæjum:

 

Fremstu-húsum í Dýrafirði, Geirastaði í Syðridal, Höfða og Kirkjubæ í Skutulsfirði, Tankinn innan Flateyrar og Hraun í Hnífsdal.  Verið er að athuga með viðveru í Fremri- og Neðri-Breiðadal og að Kirkjubóli í Korpudal í Önundarfirði.

Lögreglustjóri, í samráði við bæjarstjóra Ísfjarðarbæjar hefur hafið rýmingu.  Ástæða  rýmingar  er vegna  þeirrar ofankomu sem átti að linna nú upp úr hádegi en ekki hefur gengið eftir. Rýming er hugsuð sem forvörn og til að tryggja öryggi íbúa  viðkomandi bæja.

Kristín Völundardóttir

sýslumaður á Ísafirði/lögreglustjóri Vestfjarða

Isafjörður:         

Veðurstofan í samráði við lögreglustjórann á Vestfjörðum hefur lýst yfir hættustigi á Ísafirði vegna reits 9 (Grænigarður og Netagerðin) og er rýming í gangi. Þarna fer fram atvinnustarfsemi og hefur lögreglan þegar haft samband og er starfsfólk á leið úr vinnu. 

Bolungarvík.

Viðbúnaður er vegna starfsmanna í húsnæði Orkubús Vestfjarða og vegna íbúa á Geirastöðum. Orkubúið er staðsett í fjallsrótinni, ekki langt frá þar sem snjóflóð féllu í gær á Hesthúsagerði.  Haft hefur verið samband við starfsmennina og íbúa Geirstaða og þeir beðnir um að hafa varann á, ekki er ástæða rýma þar að svo stöddu.

 

Lögreglustjóri beinir því til fólks að vera ekki á ferðinni að óþörfu og þurfi það að sinna brýnum erindum að hafa sérstakan vara á sér á svæðum þar sem að vitað er að snjóflóð hafa fallið.

 

Frekari upplýsingar

7:30 Lítið snjóflóð féll að stálþili í Eyrarhlíð.

8:00 Uppúr 8 þá fellur snjóflóð yfir Hnífsdalsveginn.  Staðsetning er ónákvæm en "innann brekkunnar við Hraðfrystihúsið".  Flóðið var þunnt. 

F.h. almannavarnarnefndar Bolungarvíkur og

lögreglustjórans á Vestfjörðum
Kristín Völundardóttir, lögreglustjóri

Fyrir rúmum tveimur árum réðst Atvinnuþróunarfélag Vestfjarða í að meta tækifæri

og möguleika, sem felast í því að þróa minjagripi á Vestfjörðum.

Dorothee Lubecki stýrði því verki, með tilheyrandi gagnasöfnun og fundarhöldum.

Fyrir rúmu ári hafði Ómar Smári Kristinsson samband (með tölvupósti)við nokkra aðila, sem hann vissi að hefðu áhuga á handverki. Reifaði hann þá hugmynd að sækja um styrki til að koma á fót færanlegum sölustað fyrir vestfirskt handverk, sem gæti selt á bryggjum, þegar kæmu skemmtiferðaskip og á hinum ýmsu hátíðum og uppákomum á Vestfjörðum.

Þeir, sem svöruðu honum, voru jákvæðir og með hjálp Ásgerðar Þorleifsdóttur hjá ATVEST tókst Smára að herja út styrki, nóg til að hefja aðgerðir í vetur.

Keypt var kerra frá Víkurvögnum og verið er að byggja yfir hana, þó enn vanti nokkuð upp á að peningarnir dugi til að klára.

Nú er komið að þeim tímapunkti að stofna félag og afla söluvarnings. Settar voru fjórar reglur, sem vörurnar þurfa að uppfylla, tvær eða fleiri:

 

1. Að varan sé hugverk og hönnun meðlima (grunnforsenda).

2. Að hráefnið sé svæðisbundið Vestfjörðum, a.m.k. íslenskt.

3. Að vinnslan fari fram af meðlimum sjálfum.

4. Að varan hafi einhver sérvestfirsk einkenni.

 

Þeir, sem hafa áhuga á að taka þátt í ævintýrinu, geta haft samband við Smára, Ásgerði eða undirritaðan.

 

Dalli Reykhólum

Lögreglustjórinn á Vestfjörðum bendir á meðfylgjandi frétt frá Vegagerðinni og biður fjölmiðla um að  aðvara vegfarendur.

http://www.vegagerdin.is/ 

„Aðvörun

Vegna snjóflóðahættu á Súðavíkurhlíð eru vegfarendur beðnir um að sýna aðgát og ekki vera á ferðinni að nauðsynjalausu." 

Þá má einnig sjá samskonar frétt hjá mbl.is 

http://mbl.is/mm/frettir/innlent/2009/03/02/varad_vid_snjoflodahaettu_i_sudavikurhlid/

 

Lögreglustjórinn á Vestfjörðum bendir á meðfylgjandi frétt frá Vegagerðinni og biður fjölmiðla um að  aðvara vegfarendur.

http://www.vegagerdin.is/
02.03.2009 kl. 17:23
Lokun

Vegna snjóflóða eru lokaðir vegirnir um Súðavíkurhlíð og Óshlíð.  

Með kveðju,

Kristín Völundardóttir 

sýslumaður á Ísafirði/lögreglustjóri Vestfjarða

Fréttatilkynning.
Arnar Snæberg Jónsson á Hólmavík hefur ákveðið að gefa kost á sér í 3.-4. sæti í forvali Vinstri hreyfingarinnar - græns framboðs í Norðvesturkjördæmi. Arnar er framkvæmdastjóri Sauðfjárseturs á Ströndum og stundar nám í tómstunda- og félagsmálafræði í Háskóla Íslands. Í fréttatilkynningu kemur fram að Arnar telur endurnýjunar þörf í íslenskum stjórnmálum: "Ég hef verið félagi í Vinstri hreyfingunni - grænu framboði í nokkur ár, en hef annars ekki tekið þátt í pólitísku starfi....
Meira