Katla Kjartansdóttir verkefnastjóri við Háskóla Íslands hefur ákveðið að sækjast eftir 3.-6. sæti í forvali VG í Norðvesturkjördæmi vegna alþingiskosninga 2009. Katla er með BA próf í íslensku og þjóðfræði frá Háskóla Íslands og mastersgráðu í þjóðernisfræðum frá Háskólanum í Edinborg.
Hún er stofnfélagi í svæðisfélagi VG á Ströndum þar sem hún er nú búsett ásamt manni sínum og 2 börnum. Katla er 33 ára.
...
Fréttatilkynning.
Ég undirritaður, Matthías Sævar Lýðsson, bóndi í Húsavík í Strandabyggð gef kost á mér í 3.-6. sæti á lista VG í Norðvesturkjördæmi.
Ég vil leggja áherslu á að bæta grunngerð samfélagsins, s.s. samgönguþjónustu, fjarskipti, menntun og heilsugæslu. Ég vil ekki að fjarlægð frá höfuðborgarsvæðinu sé skattstofn. Ég vil standa vörð um réttarríkið, þar sem karlar og konur eru jöfn, bæði að lögum og í reynd. Það má efast um að það sé réttarríki, þar sem lítill hópur manna getur sett heila þjóð í skuldafangelsi.
...
Ragnar er kvæntur Svanhvíti Sigurðardóttur og eiga þau þrjú uppkomin börn.
Fréttatilkynning.
Viðar Guðmundsson tónlistarmaður og bóndi í Miðhúsum í Kollafirði á Ströndum gefur kost á sér í 3.-6. sæti í forvali Vinstri grænna í Norðvesturkjördæmi fyrir alþingiskosningarnar nú í vor. Í fréttatilkynningu kemur fram að Viðar leggur áherslu á jöfnuð í samfélaginu, byggðamál, menntamál og að standa vörð um frumgreinarnar í atvinnulífinu. "Heimilin í landinu, landbúnaðurinn, sjávarútvegurinn og fleiri grunnstoðir í samfélaginu standa mjög höllum fæti um þessar mundir. Nú þarf að standa vörð um hin raunverulegu verðmæti þjóðarinnar. Við þurfum að berjast gegn atvinnuleysi, minnka stórlega bilið á milli þeirra sem minnst hafa og þeirra sem mest hafa. Tími óhófs í launakjörum verður að taka enda.
19 tilboð í Vestfjarðaveg, Heflun ehf með lægsta boð.
Tilboð í Vestfjarðaveg (60), Þverá - Þingmannaá voru opnuð í dag í húsakynnum Vegagerðarinnar í Reykjavík og á Ísafirði. Alls bárust 19 tilboð og átti Heflun ehf, Lyngholti lægsta boð sem hljóðaði uppá rúmar 341 milljón króna.
Áætlaður verktakakostnaður var rúmar 580 milljónir króna og því er lægsta boð tæp 60 prósent þess áætlaða kostnaðar. Ingileifur Jónsson ehf átti næst lægsta boð tæpar 385 milljónir króna.
Verkið nær frá Þverá í Kjálkafirði að slitlagsenda við Þingmannaá í Vatnsfirði og má lesa allt um það og sjá öll tilboðin á vef Vegagerðarinnar.
Fréttin er af vef Vegagerðarinnar.
Ólína Þorvaðardóttir, þjóðfræðingur:
Verkefnin sem íslensk þjóð stendur nú frammi fyrir eru svo umfangsmikil - svo alvarleg - að íslensk stjórnmálaumræða mun aldrei verða söm eftir þá atburði sem átt hafa sér stað í hitasótt frjálshyggjunnar. Já, ég kalla það hitasótt, því það var eins og þeim sem báru ábyrgð á íslensku fjármálakerfi og stjórnmálaumræðu væri ekki sjálfrátt. Í heila tvo áratugi smitaði og gegnsýrði frjálshyggjusóttin allt okkar litla samfélag. Þegar efnahagur þjóðarinnar hrundi og sápukúlan sprakk rann það svo upp fyrir okkur að að ekki einasta hafði fjárhagur þjóðarinnar beðið skipbrot - siðferðisgildin voru líka hrunin.
...
Fimmtudaginn 26. febrúar 2009
kl. 11:30 -12:30
verður sýslumaðurinn á Patreksfirði
til viðtals á skrifstofu
Reykhólahrepps á Reykhólum
Sýslumaðurinn á Patreksfirði
Úlfar Lúðvíksson
Framboðstilkynning:
Ég hef ákveðið að gera kost á mér í forystusæti Samfylkingarinnar í Norðvesturkjördæmi fyrir næstu alþingiskosningar. Nánari grein er gerð fyrir framboðinu á vefsíðu minni
http://olinathorv.blog.is/blog/olinathorv/entry/806581/
Sjá einnig http://skutull.is/frettir/Olina_fer_fram_i_profkjori_Samfylkingar
Með góðum kveðjum,
Ólína Þorvarðardóttir s. 8923139 / 4563139
Dr. Ólína Þorvarðardóttir
Þjóðfræðingur
Miðtúni 16 - 400 Ísafirði
ÖSKUDAGUR
Öskudagsskemmtun verður í íþróttahúsinu á Reykhólum kl. 14 - 16 á öskudaginn
25. febrúar n.k.
Kötturinn sleginn úr tunnunni, leikir og glens, allir að mæta með góða skapið og í búningi.
Nemendur 8. - 10. bekkjar verða með léttar veitingar á vægu verði.
