Guðrún J. Guðmundsdóttir augnlæknir verður með mótttöku á heilsugæslustöðinni í Búðardal fimmtudaginn 1. september. Tímapantanir í síma 432 1450.

Aðalfundur Krabbameinsfélags Breiðfirðinga verður haldinn í húsi Rauða krossins í Búðardal miðvikudaginn 31. ágúst kl. 16.

Stjórnin hvetur alla núverandi félaga og aðra velunnara félagsins til að mæta á fundinn. Nýir félagar velkomnir. Kaffiveitingar í boði félagsins. Fjölmennum og styrkjum starfið.

Sanja Bek hefur verið ráðin forstöðumaður Grettislaugar á Reykhólum.  Sanja starfaði sem sundlaugarvörður í lauginni í sumar.  

Í vetur, frá 1. september, verður laugin opin á mánudögum, þriðjudögum, fimmtudögum og föstudögum kl. 16-20, á laugardögum 14-18, en lokuð á miðvikudögum og sunnudögum.

Nú er liðið langt á ferðaönnina. Þá er mál að fá alla ferðaþjóna og aðra áhugamenn um ferðamennsku saman á fund til að ræða tilhögun mála. Hvert stefnum við, hvað er á döfinni, hvað getum við gert betur í næstu törn? Er hægt að stuðla að betri afrakstri af ferðaþjónustu og skapa fleiri störf við þessa grein innan sveitarfélagsins?

Birna Norðdahl 21 árs.

Skákmótið á Reykhólum til minningar um Birnu E. Norðdahl lukkaðist í alla staði vel. Í kvennaflokki urðu efstar landsliðskonurnar Lenka Ptáčníková og Hallgerður Helga Þorsteinsdóttir en í karlaflokki stórmeistararnir Jón L. Árnason og Jóhann Hjartarson. Keppendur voru hátt í fjörutíu, langflestir aðkomnir, en einnig heimafólk. Þátttakan var mun meiri en búist hafði verið við.

Skólasetning grunnskóladeildar Reykhólaskóla verður í matsal skólans kl. hálfníu á mánudagsmorgun, 22. ágúst. Allir velkomnir!

Birna E. Norðdahl 21 árs.

Allt kvennalandsliðið í skák og fjórir stórmeistarar úr hópi karla eru meðal þeirra mörgu sem tefla á Minningarmóti Birnu E. Norðdahl á Reykhólum á morgun, laugardag. Friðrik Ólafsson ætlaði líka að koma en af því getur því miður ekki orðið. Mótið er öllum opið, hvort sem þeir eru háir eða lágir að skákstigum. Ekki er neitt þátttökugjald og ekki þarf að hafa með sér töfl eða klukkur heldur bara góða skapið.

Spurningagaman (pöbbkviss/Pub Quiz) verður haldið á Báta- og hlunnindasýningunni á Reykhólum núna á föstudagskvöldið, 19. ágúst. Húsið verður opnað kl. 19.30 og leikar hefjast kl. 20.30. Frítt inn og tilboð á barnum. 18 ára aldurstakmark. Á mánudagskvöld (22. ágúst) verður þar síðan súpufundur. Kynnt verður sýningin sjálf og hvaða breytingar hún hefur farið í gegnum síðustu árin eða síðan hún var opnuð í núverandi mynd. Súpa og heimabakað brauð á 800 krónur.

Frá flóamarkaði á Reykhólum í fyrravor. Ljósm. Herdís Erna Matthíasdóttir.

Efnt verður til flóamarkaðar á Báta- og hlunnindasýningunni á Reykhólum núna á laugardag kl. 11 til 15. Upplagt að taka til í geymslunni. Hægt að panta sér söluborð í síma 894-1011 og á info@reykholar.is fyrir föstudag. Tilvalið að skella sér á markaðinn áður en farið er á skákmótið í íþróttahúsinu, segir Harpa Eiríksdóttir. Frítt inn á sýninguna þennan daginn.

Myndir: Sauðfjársetur á Ströndum.

« 1 af 2 »

Mikið hefur verið um að vera á Sauðfjársetrinu á Ströndum í sumar, margvíslegar uppákomur og viðburðir. Framundan er stærsta samkoma ársins, Íslandsmeistaramótið í hrútadómum, sem verður í Sævangi við Steingrímsfjörð á sunnudag, 21. ágúst, og hefst kl. 14. Jafnan er góð þátttaka í hrútadómunum, bæði í flokki þaulreyndra hrútadómara og líka í flokki óvanra hrútaþuklara. Að venju verður kjötsúpa á boðstólum í hádeginu og kaffihlaðborð allan liðlangan daginn.