Kynningarfundir um nýgerða framlengingu og breytingar á kjarasamningi milli Samflots f.h. Félags opinberra starfsmanna á Vestfjörðum (F.O.S. Vest) og samninganefndar sveitarfélaga verða haldnir sem hér segir:
...
Sjö seljendur eru með varning af ýmsu tagi á Jólamarkaðinum í Króksfjarðarnesi núna um helgina. Hér fyrir neðan er stiklað á stóru hvað er í boði hjá hverjum og einum. Að venju verður Kvenfélagið Katla með kaffisölu, en að þessu sinni verður hún með veglegasta móti: Kakó, kaffi og djús ásamt heitum rjómavöfflum, brauðbollur og ritzkex með ostum og salati, smákökur og jólakökur. Afraksturinn af veitingasölunni rennur til kaupa Björgunarsveitarinnar Heimamanna á björgunarbát. Markaðurinn er opinn klukkan 13-17 bæði laugardag og sunnudag.
...
Ágóðinn af veitingasölu Kvenfélagsins Kötlu á jólamarkaðinum í Nesi núna um helgina rennur til kaupa Björgunarsveitarinnar Heimamanna í Reykhólahreppi á björgunarbát, sem hafður verður á Reykhólum. Um er að ræða Atlantic 75 slöngubát, sem búinn er öllum helstu tækjum sem kröfur eru gerðar um að björgunarbátar hafi nú á tímum. Meðal annars er hann með dælu til að dæla sjó úr skipum og sjó eða vatni á brennandi bát eða annað.
...
Eins og hér var greint frá buðu Lionsfélagar fólki í Reykhólahreppi í blóðsykurmælingu (og kaffi) núna í vikunni. Fjörutíu manns notuðu sér þetta og nokkrir fengu blóðþrýstingsmælingu í leiðinni. Skipting milli kynja var 23 konur og 17 karlar og aldursbilið nærri 70 ár.
...
Fjáraukalög eru tæki stjórnvalda til að taka á ófyrirséðum áföllum í rekstri opinberra verkefna og einnig til að koma af stað brýnum verkefnum. Fjórðungssamband Vestfirðinga (FV) leggur áherslu á það í umsögn til Alþingis, að tekið verði á tveim verkefnum sem falla undir framangreinda flokka.
...
Hin árvissa fullveldishátíð Reykhólaskóla, sem jafnan er haldin nálægt fullveldisdeginum, verður á föstudagskvöld, 27. nóvember, í íþróttasal skólans. Fullveldi Íslands er yfirskrift hátíðarinnar að þessu sinni, en ár hvert er hún helguð einhverju afmörkuðu viðfangsefni eða þema. Húsið verður opnað kl. 19 og æskilegt að nemendur komi þá. Sýning hefst kl. 19.30 og skemmtuninni lýkur kl. 22.30. Hátíðin verður með kaffihúsabrag. Foreldrafélag Reykhólaskóla sér um kaffiveitingar. Allir eru velkomnir. Nemendur og starfsfólk hlakka til að sjá sem allra flesta á samkomunni.
...
Kvenfélagið Katla og foreldrafélag Reykhólaskóla færðu í dag leikskóladeild skólans gagnlega gjöf, iPad Air spjaldtölvu að andvirði 110 þúsund krónur, sem félögin keyptu í sameiningu. Gjöfina afhentu Áslaug Guttormsdóttir, formaður kvenfélagsins, og Sigrún Kristjánsdóttir, fulltrúi foreldrafélagsins, en Bryndís Héðinsdóttir deildarstjóri leikskóladeildar tók við henni ásamt krökkunum á leikskólanum.
...
Í tilefni fréttar á visir.is í dag vill Fjórðungssamband Vestfirðinga samfagna sveitarfélögum á Norðurlandi vestra með þann árangur sem þau hafa náð í samstarfi við stjórnvöld um fé til uppbyggingar á sviði nýsköpunar og menningar og í heilbrigðisþjónustu landshlutans. Það er hins vegar miður, að ekki er tekið á tilllögum um tilflutning opinberra starfa, sem var annað meginhlutverk samstarfsnefndar ríkis og sveitarfélaga á Norðurlandi vestra.
...
Stjórn Framfarafélags Flateyjar (FFF) hefur sent sveitarstjórn Reykhólahrepps ályktun þar sem hún lýsir yfir miklum vonbrigðum með þá málsmeðferð sveitarstjórnar Reykhólahrepps, að leggjast gegn ósk íbúa Flateyjar um að stjórnsýsla Flateyjar færist til Stykkishólmsbæjar. Í ályktuninni óskar stjórn FFF eftir nánari útskýringum og rökstuðningi frá sveitarstjórn Reykhólahrepps og skorar á hana að endurskoða þessa einörðu afstöðu sína til eðlilegra óska íbúa Flateyjar, eins og komist er að orði.
...
Kvótakerfi í mjólkurframleiðslu og kindakjötsframleiðslu mun renna sitt skeið á enda á næstu tíu árum, samkvæmt hugmyndum sem uppi eru í viðræðum um nýja búvörusamninga á milli bænda og ríkisins. Í staðinn fyrir beingreiðslur koma gripa- og framleiðslugreiðslur í mjólkurframleiðslu og gæðastýringargreiðslur í sauðfjárrækt. Ekki hefur komið fram hvaða fjármuni ríkið er tilbúið að leggja fram til stuðnings þessum greinum.
...
