Mynd: Wikipedia.

Hin árlega Selaveisla Samtaka selabænda verður haldin annað kvöld, laugardag, í Haukahúsinu í Hafnarfirði. Þar verður á boðstólum úrval af íslenskri villibráð og ekta sveitaballastemning. Skemmtidagskrá er stútfull og sungið verður undir borðhaldi. Að borðhaldi loknu verður dansað til klukkan tvö. Á veglegu villibráðarhlaðborði Selaveislunnar er að finna marga rétti sem ekki er algengt að sjá á hlaðborðum þótt leitað sé með logandi ljósi um allan heim, segja þeir sem að veislunni standa. Þar verður á boðstólum:

Reykhólakirkja / hþm.

Guðsþjónusta verður í Reykhólakirkju kl. 14 á sunnudag, 15. nóvember. Prestur sr. Jóhanna I. Sigmarsdóttir, organisti Halldór Þórðarson. Kór Reykhólaprestakalls syngur og leiðir söng. Allir velkomnir.

Fyrir skömmu var auglýst eftir fólki í væntanlega dreifbýlisnefnd Reykhólahrepps. Nú þegar hefur fólk víðast úr dreifbýlinu í hreppnum boðið sig fram. Ennþá vantar þó fulltrúa úr Gufudalssveit, ef einhver áhugasamur vill bjóða sig fram þaðan. Þetta er síðasta útkall.

Spyrlarnir í Útsvari, Þóra Arnórsdóttir og Svavar Guðmundsson.

Lið Reykhólahrepps í Útsvari keppir annað kvöld (föstudag) við lið Fjallabyggðar (sameinað sveitarfélag Siglufjarðar og Ólafsfjarðar). Lið Reykhólahrepps skipa (í stafrófsröð) þau Guðjón D. Gunnarsson á Reykhólum (ekki síður þekktur sem Dalli), Kristján Gauti Karlsson á Kambi og Ólína Kristín Jónsdóttir frá Mýrartungu. Keppnin fer fram í beinni útsendingu í Sjónvarpinu og hefst kl. 20.40. Stuðningsmenn sem hafa tök á því eru hvattir til að mæta í salinn í útvarpshúsinu við Efstaleiti 1 í Reykjavík.

Landshlutasamtök á öllu landinu, þar á meðal Fjórðungssamband Vestfirðinga, skora á ráðherra og alþingismenn að tryggja að við gerð fjárlaga fyrir árið 2016 verði aukin framlög til eftirtalinna málaflokka, sem allir eru gríðarlega mikilvægir fyrir byggðaþróun til framtíðar:

Kynning á neyðarvörnum Rauða krossins verður í Reykhólaskóla á miðvikudagskvöldið í næstu viku, 18. nóvember, frá kl. 18 til 21. Allir sem áhuga hafa á að kynna sér neyðarvarnir Rauða krossins á svæðinu eru hvattir til að mæta.

Blaktímar hefjast í íþróttahúsinu á Reykhólum á þriðjudaginn eftir viku, 17. nóvember, og verða þá og framvegis kl. 16.15 á þriðjudögum. Sautján ára og eldri eru velkomnir, jafnt karlar sem konur. Bara mæta!

Myndina af þessum fallega heimalningi tók María Maack.

Framleiðnisjóður landbúnaðarins auglýsir eftir umsóknum um styrki til framfara í landbúnaði. Fyrst og fremst styrkir sjóðurinn verkefni til að þróa nýja atvinnu og breytingar í tengslum við landbúnað, en þar má nefna stuðning við sérstakt átak til að efla og bæta búrekstur. Því er meðal annars ætlað að auka framleiðni, bæta afkomu, stuðla að fjölþættari nýtingu bújarða og fjölga atvinnutækifærum. Kallað er eftir umsóknum frá bændum, samvinnuhópum bænda og aðilum innan rannsókna- og þróunargeirans.

Horft til Reykhóla neðan frá Lómatjörn.

María Maack á Reykhólum, starfsmaður Atvinnuþróunarfélags Vestfjarða, vill minna fólk á íbúafundinn um jarðvarma sem haldinn verður á Reykhólum núna á miðvikudagskvöld. Ef mæting verður góð getur verið að fleiri efnisflokkar verði teknir til umræðu á síðari fundum. María vill einkum ræða málefni sem eru hagsmunamál hreppsbúa og í þyrfti að móta einhverja sameiginlega framtíðarstefnu. „Það tengist náttúrulega atvinnumálum og þess vegna er boðað til fundarins. Sjáumst í mötuneytinu um kl. 20 á miðvikudagskvöldið.“

Harpa Björk Eiríksdóttir ferðamálafræðingur.

Harpa Eiríksdóttir ferðamálafræðingur frá Stað í Reykhólasveit var endurkjörin í stjórn Ferðamálasamtaka Vestfjarða á aðalfundi þeirra á Patreksfirði í síðasta mánuði. Hún var fyrst kjörin í stjórn samtakanna á aðalfundi þeirra í Trékyllisvík vorið 2013. Ár hvert er helmingur stjórnar kosinn til tveggja ára í senn, en formaður er kosinn árlega. Núna er stjórn samtakanna þannig skipuð: