Reykhólakirkja / hþm.

Aðventukvöldinu sem vera átti í Reykhólakirkju í kvöld, mánudag, hefur verið frestað vegna veðurútlitsins.

Hjörtur syngur Ferðalok. mbl/Sjónvarp.

Bolvíkingurinn Hjörtur Traustason sem sigraði í The Voice á SkjáEinum í gærkvöldi er „tengdasonur Reykhólahrepps“ eins og slíkt er stundum kallað: Eiginkona hans er Freydís Ósk Daníelsdóttir frá Ingunnarstöðum í Geiradal. En Hirti er fleira til lista lagt en söngurinn.

Breiðafjarðarferjan Baldur.

Breiðafjarðarferjan Baldur kemur við í Flatey í vetur ef hægt er og ástæða er til. Sjólag, veður og birta geta haft áhrif á ákvörðun um hvort hægt er að koma við í Flatey. Ekki verður rukkað aukalega fyrir þessar viðkomur. Skipið mun eftir sem áður koma við í Flatey með póst á ákveðnum dögum en aðra daga kemur Baldur við í Flatey ef farþegar eru.

Íslenska lambið hefur gengið frjálst síðan 874. Mynd: mbl.is.

Veitingastaðir sem setja íslenskt lambakjöt í öndvegi geta framvegis gert samning við Markaðsráð kindakjöts um að fá að nota nýtt upprunamerki fyrir íslenskar sauðfjárafurðir. Staðirnir fá sérstakan skjöld sem komið er fyrir við inngang, lambakjöt verður sérstaklega dregið fram á matseðli og þeir verða hluti af markaðsstarfi sem miðar að því að kynna erlendum ferðamönnum lambakjöt og aðrar sauðfjárafurðir. Ráðherra ferðamála setti merkið upp í fyrsta skipti í dag á veitingastað syðra.

Breiðfirðingakórinn 2015.

Breiðfirðingakórinn á sitthvað fyrir höndum á aðventunni og hefur verið að undirbúa sig af kappi fyrir tónleika og skemmtilegheit. Fyrst syngur hann jólalög í Breiðfirðingabúð á Aðventudegi fjölskyldunnar kl. 14.30 núna á sunnudaginn, 6. desember. Jólatónleikar kórsins verða síðan í Fella- og Hólakirkju kl. 20 fimmtudaginn 10. desember. Þar ætlar hann að flytja gömul jólalög í bland við ný og koma þannig tónleikagestum í hátíðarskap. Helgina 19.-20. desember mun kórinn ganga um miðborgina og syngja á Laugavegi og Skólavörðustíg, í Bankastræti og Austurstræti og á Ingólfstorgi milli kl. 15 og 16 báða dagana.

Lára. Nánar neðst í meginmáli.

Kristín Ingibjörg Tómasdóttir.

« 1 af 2 »

Ég ætla að lýsa hér einum degi vorið 1949. Pabbi vakti mig snemma og bað mig að koma ásamt fleirum til að að fara í dúnleit fram í eyjar. Ég flýtti mér að verða tilbúin, en þegar við vorum að leggja af stað kom strákur, sem langaði til að fara, og þá sagði pabbi að óþarfi væri fyrir mig að fara. Og þannig fór það.

Um áramótin fyllast margir óöryggi og skelfingu þegar mannfólkið kveikir í skoteldum sér til skemmtunar. Þetta eru gæludýrin og hestarnir. Í flestum tilvikum er hægt að koma í veg fyrir þessa hræðslu. Það er gert með því að venja dýrin við hljóðin svo að þau átti sig á að ekkert hættulegt sé á ferð.

Ein af línum Orkubús Vestfjarða / ov.is.

Orkuvinnsla virkjana Orkubús Vestfjarða (OV) hefur gengið vel það sem af er ári. Núna þegar mánuður er eftir af árinu er framleiðslan komin í 87 gígavattstundir (GWh), sem er meira en allt árið bæði 2013 og 2014, en þau ár voru óvenju slök. Varlega áætlað má búast við 93 GWh ársframleiðslu, sem yrði met. Mesta framleiðslan fram að þessu var árið 2012 eða 90 GWh og árið 2007 þegar hún var 89 GWh.

Árbók félagsins 2012.

Stjórn Sögufélags Barðastrandarsýslu boðar til aðalfundar félagsins laugardaginn 12. desember kl. 14 á veitingastaðnum Heimsenda við Eyrargötu á Patreksfirði. Dagskrá:

Vegna viðburðar í þorpinu á morgun, miðvikudag, færist afgreiðslutími Landsbankans í Stjórnsýsluhúsinu á Reykhólum til um einn klukkutíma. Að jafnaði er afgreiðslan opin kl. 13-16 á miðvikudögum en verður að þessu sinni opin kl. 12-15.