Einvalalið vestfirsks tónlistarfólks heldur jólatónleika Hólmavíkurkirkju föstudagskvöldið 10. desember klukkan 20. Fluttar verða margar af helstu perlum þeirrar tónlistar sem færir jólin í hjörtu landsmanna, auk þess sem gestir fá að njóta frumsaminna laga.

Fram koma:
Dagný Hermannsdóttir - söngur
Jón Hallfreð Engilbertsson - gítarleikur og söngur
Pétur Ernir Svavarsson - söngur og píanóleikur
Stefán Jónsson - píanóleikur og söngur
Svanhildur Garðarsdóttir - söngur

Miðaverð er 4.900 en 2.500 fyrir börn á grunnskólaaldri.

Miðasala er á Tix 

Egill Fjeldsted

« 1 af 2 »

Egill St. Fjeldsted, sagnfræðingur frá Patreksfirði hefur gefið út bók um snjóflóðin í Súðavík og í Reykhólasveit í janúar 1995.

Árla morguns mánudaginn 16. janúar 1995 féll snjóflóð á þorpið í Súðavík á meðan flestir voru í fastasvefni. Í blindbyl og svartamyrkri hófu heimamenn leit að sínum nánustu, ættingjum og vinum við hrikalegar aðstæður. Fljótlega varð ljóst að fjölda fólks var saknað og í kjölfarið var óskað eftir fjölmennu utanaðkomandi björgunarliði. Þegar aðstæður voru kannaðar kom í ljós að eina færa leiðin til Súðavíkur var sjóleiðin og hófust þá einir mestu sjóflutningar á björgunarfólki sem um getur á Íslandi.

Að kvöldi mánudagsins 18. janúar féll annað mannskætt snjóflóð á sveitabæinn Grund í Reykhólasveit. Veðuraðstæður voru þá með þeim hætti að engin leið var að koma utanaðkomandi björgunarliði á staðinn. Kom það því í hlut vina og ættingja úr næsta nágrenni að sjá um björgunaraðgerðir við afar erfiðar aðstæður.

Bókin er að stórum hluta byggð á viðtölum við 40 manns sem annað hvort voru á heimilum sínum þegar flóðin skullu á þeim eða tóku þátt í björgunarstörfum með einhverjum hætti. Fjöldi mynda prýðir bókina.

Andrea afhendir Þórði gjafabréfið

Ingveldur, Þórunn, Þórður og Einar

Vscan Air tækið

« 1 af 4 »

Undanfarið hefur Heilsugæslan í Búðardal og Reykhólum í samstarfi við Lionsklúbbinn í Dölum og Reykhólahreppi safnað peningum til kaupa á Vscan Air tæki og spjaldtölvu. Tækin eru keypt fyrir gjafafé eingöngu, en þau kosta rúmlega 1 milljón króna.

Þetta Vscan tæki er létt og meðfærilegt sónartæki sem tengist snjallsíma eða spjaldtölvu og er þægilegt að grípa með í sjúkravitjanir og útköll. Með tækinu er auðveldara fyrir lækni að meta ástand sjúklinga og greina innvortis áverka eða sjúkdóma.

Handverksfélagið Assa hefur um árabil starfrækt nytjamarkað samhliða handverksmarkaðnum og alltaf hefur verið nokkur ágóði af honum sem hefur runnið til góðra málefna á svæðinu. Að þessu sinni var ákveðið að afhenda Heilsugæslunni ágóðann, kr. 160.000.- sem framlag til kaupa á áðurgreindu tæki.

Þórður Ingólfsson læknir í Búðardal tók við gjöfinni í dag, úr hendi Andreu Björnsdóttur gjaldkera handverksfélagsins. Við það tilefni upplýsti hann að söfnunarupphæðin væri komin upp í andvirði tækisins og næsta mál að ganga frá kaupunum.

Ásamt Þórði komu frá Heilsugæslunni Ingveldur Guðmundsdóttir, Þórunn Björk Einardóttir og Einar Jón Geirsson sjúkrabílstjóri, en þau komu á nýjum sjúkrabíl sem er búinn að vera rúma viku í Búðardal. Annar eldri bíll er líka í Búðardal, í góðu standi, þannig að við erum vel sett með 2 öfluga sjúkrabíla þar.

Í þessari bók er fjórum skáldkonum frá 19. öld sleppt lausum úr handritageymslu Þjóðarbókhlöðunnar svo þær megi endurnýja erindi sitt við heiminn.

Ein þessara skáldkvenna er Guðrún Þórðardóttir (1816/1817‒1896) frá Valshamri í Geiradal en hún fæddist á Tindum í sama dal. Guðrún giftist Brynjólfi Jónssyni og voru þau fyrst bændur á Kleifum í Gilsfirði, þá á Gróustöðum og að lokum á Valshamri í Geiradal. Árið 1883 fluttist Guðrún til Vesturheims með fjölskyldu sinni þar sem hún missti mann sinn, einkason og 11 sonarbörn. Lífið fór því sannarlega ekki mjúkum höndum um hana.

Hólatröð 5 - 7 - 9

Reykhólar hses. auglýsir íbúðina Hólatröð 5 lausa til útleigu. 

Reykhólar hses. er húsnæðissjálfseignarstofnun sem stofnuð var á grundvelli laga nr. 52/2016 um almennar íbúðir.

Íbúðin er þriggja herbergja og 77 fm2. Íbúðin var tekin í notkun haustið 2019. Leiguverð er 145 þús. kr. á mánuði.

Úthlutun íbúða fer eftir úthlutunarreglum Reykhóla hses: 

http://www.reykholar.is/reykholar_hses/skra/2337/

Sækja þarf um á sérstöku umsóknareyðublaði:

http://www.reykholar.is/stjornsysla/umsoknir_og_reglur/skra/2334/

Reykhólahreppur auglýsir stöður leikskólastjóra

og leikskólakennara við Reykhólaskóla lausar til umsóknar.

Skólinn er samrekinn leik-, grunn- og tónlistarskóli undir einu þaki.

Í skólanum eru um 50 nemendur á leik- og grunnskólastigi.

             Pítsadagur Reykhólaskóla

             miðvikudaginn 24. nóvember

                                  Opið á milli kl.18:00 og 20:30

• 12 tommu pítsa með tveimur áleggstegundum          kr. 1.900.-
• aukaálegg                                                                       200.-
• margarita/hvítlauksbrauð                                             1.700.-
• brauðstangir 6 stykki með sósu                                        600.-
• hvítlauksolía                                                                   300.-
• 1.5 líter kók                                                                    450.-
• dósagos 33 cl.                                                                  200.-
• Jólaöl____________________________________________ 300.-

                                                Áleggstegundir í boði:

Hakk, pepperone, skinka, beikon, rjómaostur, laukur, sveppir, paprika, ananas og döðlur.

                                                         Tilboð:

2x 12 tommu pítsur með tveimur áleggstegundum, brauðstangir og 2 l. kók  4.500 kr.

Hægt verður að panta pítsu til að taka með heim, en vegna covid verður ekki í boði að borða á staðnum.

Tekið er við pöntunum frá kl.11 á þriðjudaginn 23. nóvember til kl.17 á miðvikudaginn  24. nóvember í síma 894-9123 (Rebekka) eða 8613761 (Kolfinna).

Líka er hægt að panta í netfanginu rebekka@reykholaskoli.is  frá og með mánudeginum 22. nóvember.

Ef pantað er í netpósti þarf að taka fram hver pantar og hvenær pítsan verður sótt. Þá verður send til baka staðfesting á móttöku.

Viljum líka minna á dósasöfnunina, en við þiggjum allar dósir og flöskur og hægt er að setja dósapokana  í rauða moltuhúsið á sorpsvæðinu.  

Nemendur unglingadeildar Reykhólaskóla

Á fundi sveitarstjórnar 18. nóv. var lögð fram fjárhagsáætlun og þriggja ára áætlun ásamt álagningaforsendum og gjaldskrám ársins 2022.

Staða sveitarsjóðs Reykhólahrepps er góð, áætlaður er tæplega 30 milljón króna afgangur af sveitarsjóði á næsta ári. Sá viðsnúningur sem orðið hefur á rekstri Reykhólahrepps er fagnaðarefni.

Í nýrri áætlun er gert ráð fyrir að leikskólagjöld verði felld niður að fullu. Hér er tekið einstakt skref í átt að fjölskylduvænna samfélagi sem hlýtur að vera markmið allra sveitarfélaga. Með niðurfellingu leikskólagjalda er Reykhólahreppur að viðurkenna leikskólann sem fyrsta skref skólagöngu barna og hampa því faglega starfi sem þar fer fram.

Gert er ráð fyrir akstri fyrir börn í sumarstarfsemi á vegum sveitarfélagsins.

Gjöld í tónlistarnám verða einnig felld niður og er það viðleitni sveitarfélagsins til að efla menningarstarfsemi í héraðinu.

Í áætluninni er gert ráð fyrir því að Reykhólahreppur styðji atvinnuþróun á svæðinu, þar sem sveitarfélagið mun taka þátt í verkefnum með fyrirtækjum við undirbúning  grænna iðngarða.

Gerð verður ný heimasíða fyrir sveitarfélagið.

Í gjaldaliðnum eru gerðar leiðréttingar á verði leiguhúsnæðis í Reykhólahrepp og eru þær leiðréttar til samræmis við annað leiguhúsnæði á svæðinu og með tilliti til reksturs húsnæðis almennt. Þá er einnig gerð leiðrétting á gjaldtöku fyrir sorp til samræmis við lög nr. 55/2003 þar sem kemur fram að sorpgjöld skuli standa undir kostnaði við sorpþjónustu.

Örvunarskammtar vegna COVID-19  –  bólusett með Pfizer bóluefni 

Boðið verður upp á örvunarbólusetningu fyrir fólk frá 16 ára aldri, að því gefnu að u.þ.b. 6 mánuðir séu liðnir frá seinni skammti af grunnbólusetningu og 2 vikur liðnar frá Inflúensubólusetningu, hafi fólk fengið hana.  Dagsetningar fyrri bólusetninga má finna á heilsuvera.is

• Þau sem eru óbólusett eða hálfbólusett 12 ára og eldri eru velkomin.

Athugið að það þarf að skrá sig í bólusetninguna í síma 432 1450 eða með því að senda skilaboð á heilsuvera.is

Gert er ráð fyrir að bólusett verði flesta fimmtudaga á næstu vikum.

Minnum á að grímuskylda er á bólusetningarstað.

Frú 16-604, mynd Þorkell Guðjónsson

Rjúpnaveiðimenn sem voru á veiðum í Garpsdal gengu fram á kind sem var grafin í fönn í lækjarskorningi. Ærin reyndist vera frá Gróustöðum, hún hafði komið í leitum í haust en laumast að heiman og lent í þessum ævintýrum.  

Frá þessu er sagt á mbl.is

Gulla á Gróustöðum birti svo skýringar á fb. síðu sinni:

„ Frú 16-604, sem heitir hér eftir Fönn, var búin að skila sér í haust. Girðingarnar á Gróustöðum eru bara ekkert sérlega fjárheldar.

Og hún er drulluhress, hefur ekki verið lengi þarna. Það er næstum enginn snjór í öllum firðinum, nema á svona einstaka stöðum í giljum og gömlum árfarvegum, svo þetta er einhver fáránleg tilviljun að greyið hafi endað þarna!

Það er samt skandall að eina helvítis kindin okkar sem kemst í fréttir skuli vera hyrnd, því svona 90% af öllu okkar fé er kollótt!“

Það hefur kannski verið til þæginda að geta tekið í hornin á kindinni þegar hún var tosuð upp úr snjónum, annars hefur fólk lengi haft sterkar skoðanir á því hvort sauðfé á að vera með handföngum eða ekki.