Halldór Halldórsson, formaður Sambands ísl. sveitarfélaga.

„Sjálfstæðir tekjustofnar sveitarfélaga hér á landi eru mun umfangsmeiri en víðast þekkist. Þannig viljum við hafa það. Sjálfstjórn sveitarfélaga ber að virða og alls ekki má draga úr henni. Þetta þýðir þó ekki að núverandi tekjustofnar dugi til að standa undir sívaxandi þjónustuskyldum sveitarfélaga. Þess vegna hefur sambandið á grundvelli stefnumörkunar landsþinga lagt áherslu á að breikka og styrkja tekjustofna sveitarfélaga. Þessu hefur verið komið ítrekað á framfæri við alþingismenn og ráðherra en ekki hefur náðst mikill árangur enn sem komið er.“

Eyvindur kaupmaður í Hólakaupum með flögusaltið nýja og nýstárlega.

Stæður af salti í þann veginn að fara úr húsi hjá Norður & Co.

« 1 af 2 »

Eins og fram kom hér á vefnum í fyrrakvöld hafa fyrstu sendingarnar frá Norðursalti á Reykhólum farið í verslanir um land allt síðustu dagana. Eins og vænta má var verslunin Hólakaup á Reykhólum fyrst allra búða til að hafa flögusaltið nýja á boðstólum. Þar mun saltið jafnframt vera ódýrara en á nokkrum öðrum stað eða á 299 krónur pakkinn.

Krabbameinsleit verður á heilsugæslunni í Búðardal á mánudag og þriðjudag, 7.-8. október. Tímapantanir í síma 432 1450.

Stjórn FV: Ómar Már, Sveinn, Jóna (varamaður), Friðbjörg og Albertína. Nánar neðst í meginmáli.

„Á fundinum fórum við yfir áhrif fjárlaganna á Vestfirði og það er óhætt að segja að verið sé að sparka í liggjandi mann. Við Vestfirðingar höfum verið að byggja upp sprota og nýsköpun undanfarin ár en hér er verið að stíga á það, hreinlega trampa á því.“ Þetta segir Albertína Friðbjörg Elíasdóttir, stjórnarformaður Fjórðungssambands Vestfirðinga, í samtali við bb.is á Ísafirði í dag. Sambandið er bandalag sveitarfélaga á Vestfjörðum, sameiginlegur vettvangur þeirra og málsvari. Reykhólahreppur er eitt þessara sveitarfélaga og á mann í stjórn sambandsins.

Toppur staddur í Skötufirði í Djúpi 2003.

Síðustu fimmtán ár hefur hundurinn Toppur átt ófáar gönguferðirnar um þorpið á Reykhólum ásamt húsbændum sínum, þeim Gylfa og Jóhönnu í Læknishúsinu. Núna er þessi smávaxni snaggaralegi loðni en einkum ennistoppssíði hundur dauður og var orðinn lasburða undir það síðasta. Myndin af Toppi sem hérna fylgir var tekin á ferðalagi hans og húsbændanna um Ísafjarðardjúp sumarið fyrir tíu árum.

Ljósmyndir EK o.fl.

« 1 af 16 »

Fyrsta saltið frá Norðursalti (Norður & Co) á Reykhólum er að fara í verslanir þessa dagana. Aðföng eru fyrsti stóri viðskiptavinurinn og vilja fá saltið í allar verslanir Bónuss og Hagkaupa um land allt. Þetta krafðist gríðarlegs magns af umbúðum og því tóku nokkrar fjölskyldur á Reykhólum höndum saman, bæði börn og fullorðnir, gerðu úr þessu leik og brutu saman pakkningar í sameiningu.

Jóna Valgerður Kristjánsdóttir, formaður Landssambands eldri borgara.

„Samfélagið ætti að virða þann kynslóðasáttmála, að þeir sem núna eru eldri borgarar hafa byggt þetta þjóðfélag upp, með vinnu og sköttum, og eiga því rétt á að njóta öryggis á efri árum. Kjaranefnd Landssambands eldri borgara skorar á stjórnvöld að standa við gefin loforð og yfirlýsingar varðandi kjör eldri borgara í aðdraganda kosninga á liðnu vori.“ Þetta eru niðurlagsorðin í ályktun kjaranefndar Landssambands eldri borgara á fundi hennar í gær. Meginefni hennar er upprifjun á margvíslegum loforðum og yfirlýsingum núverandi forsætisráðherra, fjármálaráðherra og félagsmálaráðherra í kringum þingkosningarnar á liðnu vori.

Í frásögn Morgunblaðsins af hringborðsumræðum um málefni Vestfjarða 14. september sl. var ranglega haft eftir Einari Sveini Ólafssyni framkvæmdastjóra Þörungaverksmiðjunnar á Reykhólum að ekki væri hjúkrunar- og dvalarheimili fyrir aldraða á staðnum. Þvert á móti lagði Einar Sveinn áherslu á mikilvægi stærstu vinnustaðanna, Þörungaverksmiðjunnar, skólanna og hjúkrunarheimilisins, fyrir samfélagið á staðnum. Einar Sveinn er beðinn velvirðingar á þessum mistökum og þeim óþægindum sem þau hafa bakað honum. „Furðufréttir af Reykhólum“, sem gerðar voru að umtalsefni í aðsendri grein í Morgunblaðinu á fimmtudaginn og á vefnum Reykholar.is á föstudaginn, skrifast alfarið á reikning undirritaðs blaðamanns.

Hjúkrunar- og dvalarheimilið Barmahlíð á Reykhólum.

Skjáskot úr Morgunblaðinu 14. sept.

Skjáskot úr Morgunblaðinu 26. sept.

« 1 af 3 »

„Þó að Einar hafi aðeins átt heima skamma hríð hér vestra má telja furðulegt að honum skuli ekki vera kunnugt um tilvist Hjúkrunar- og dvalarheimilisins Barmahlíðar á Reykhólum. Fyrr á þessu ári voru 25 ár liðin frá því að fyrsta heimilisfólkið fluttist þar inn og var afmælisins minnst með veglegum hætti. Ýmis félög og samtök stóðu að því mikla framtaki sem bygging Barmahlíðar var á sínum tíma en núna er heimilið að fullu í eigu Reykhólahrepps.“

Héraðsbókasafnið á Reykhólum er lokað þessa viku en eftir helgina gengur vetrartími í garð. Frá og með næsta mánudegi verður safnið opið á mánudögum kl. 15-17 og miðvikudögum kl. 15-16. Indíana Ólafsdóttir mun sjá um safnið í vetur en Harpa Eiríksdóttir bókavörður er farin utan til náms. Óskir um bókakaup skal þó senda Hörpu í netfangið info@reykholar.is.