Sundmót Ungmennasambands Dalamanna og Norður-Breiðfirðinga (UDN) verður haldið í Grettislaug á Reykhólum á miðvikudag, 13. október, og hefst kl. 17. Strandamönnum er boðið að koma og keppa við liðsfólk UDN. Ungmennafélagið Afturelding í Reykhólahreppi selur pylsur og Svala. Skráning hjá Herdísi í síma 690 3825.
...
Meira

Kirkjuskóli er í Reykhólakirkju kl. ellefu í dag, laugardag. Á morgun eru svo tvær guðsþjónustur á Reykhólum. Fyrst er Taizémessa (sjá hér fyrir neðan) í Reykhólakirkju kl. 13.30 og síðan helgistund á Dvalarheimilinu Barmahlíð kl. 14.30. Prestur er sr. Elína Hrund Kristjánsdóttir sóknarprestur, organisti er Viðar Guðmundsson og kór Reykhólaprestakalls syngur.
...
Meira

Staðfestur aðalskipulagsuppdráttur Reykhólahrepps 2006-2018 er kominn hér inn á vefinn, svo og staðfest greinargerð vegna hans. Bæði þessi skjöl (á pdf-formi) er að finna í valmyndinni hér vinstra megin undir Stjórnsýsla > Skipulag Reykhólahrepps. Uppdrátturinn sjálfur er aðeins ein mynd sem birtist mjög lítil þegar skjalið er opnað. Hins vegar er hægt að stækka hann verulega og gera læsilega einstaka hluta hans með því að nota prósentureitinn í valborðanum efst. Skjöl þessi eru nokkuð stór og getur því tekið svolitla stund að hlaða þeim inn í tölvuna.
...
Meira

Menningarráð Vestfjarða hefur auglýst eftir styrkumsóknum vegna seinni úthlutunar ráðsins árið 2010. Til úthlutunar verða um 15 milljónir að þessu sinni. Frá því að ráðið var stofnað á árinu 2007 hefur það styrkt fjölmörg verkefni og hafa einstakir styrkir verði á bilinu 50 þúsund til 1,5 milljón. Hægt er að sækja um stuðning til alls kyns afmarkaðra menningarverkefna. Samkvæmt ákvörðun stjórnar Menningarráðsins verður að þessu sinni litið sérstaklega til menningarverkefna sem fela í sér eftirtalda þætti:
...
Meira

Annar súpufundurinn á þessu hausti verður haldinn í húsnæði Hlunnindasýningarinnar á Reykhólum á fimmtudagskvöld og hefst kl. 18.30. Þar mun Björn Samúelsson á Reykhólum greina frá fyrirtæki sínu Eyjasiglingu og starfsemi þess. Súpufundirnir eru haldnir fyrsta fimmtudag í hverjum mánuði í vetur. Sá fyrsti fyrir mánuði heppnaðist mjög vel en þar greindi Atli Georg Árnason framkvæmdastjóri frá starfsemi Þörungaverksmiðjunnar. Fyrir utan það að njóta fróðleiks um fyrirtæki í heimabyggð eru þetta prýðileg tækifæri til að sýna sig og sjá aðra.
...
Meira

Föndurkvöld verða í Kaupfélagshúsinu í Króksfjarðarnesi annað hvert miðvikudagskvöld í vetur. Húsið opnað kl. 20. Tilvalið að mæta með prjónana, saumadótið, skrappið eða jólakortin eða bara hvað sem er. Næstu föndurkvöld verða núna þann 6. október og síðan 20. október, 3. nóvember og 17. nóvember. Handverksfélagið Assa býður alla velkomna.
...
Meira

Ekki er ráð nema í tíma sé tekið! Nú þegar er búið að tímasetja hin árvissu og vinsælu jóla- og villibráðarhlaðborð í Hótel Bjarkalundi í Reykhólasveit þennan veturinn, en þau verða laugardagana 13. og 20. nóvember. Dagskrá á fagnaðinum, verð og matseðill verða auglýst þegar nær dregur. Meðal dýrategunda sem undanfarin ár hafa gefið hráefni í matinn eru hreindýr, selur, gæs, lundi og hrefna. Einnig hafa verið á borðum lambalæri og nautakjöt ásamt laxi og síld og mörgu öðru. Æskilegt er að borð séu pöntuð með góðum fyrirvara.
...
Meira

Nokkur næstu þriðjudagskvöld verður námskeið í bridge í íþróttahúsinu á Reykhólum og hefst spilamennskan kl. 19.30. Aðgangur er ókeypis og allir velkomnir. Þessi kvöld eru ætluð jafnt byrjendum og til upprifjunar á gamalli kunnáttu. Stefnt er að því að halda síðan spilakvöld á sama tíma þegar kemur fram á veturinn en þau verða auglýst síðar. Nánari upplýsingar gefur Eyvi í Hólakaupum, bæði á staðnum þegar hann er að vinna og í síma 434 7890 á afgreiðslutíma.
...
Meira

Aðalfundur Náttúruverndarsamtaka Vestfjarða verður haldinn í Bjarkalundi í Reykhólasveit á sunnudag, 3. október, og hefst kl. 13. Að loknum venjulegum aðalfundarstörfum flytja erindi þær Hafdís Sturlaugsdóttir frá Náttúrustofu Vestfjarða og Theódóra Matthíasdóttir frá Náttúrustofu Vesturlands. Að loknum umræðum um erindi þeirra mun Atli Georg Árnason framkvæmdastjóri Þörungaverksmiðjunnar á Reykhólum kynna starfsemi fyrirtækisins. Að fundi loknum gefst fundarmönnum kostur á að skoða Þörungaverksmiðjuna undir leiðsögn Atla Georgs. Allir eru velkomnir á fundinn, hvort sem þeir eru í samtökunum eða ekki.
...
Meira

Eysteinn G. Gíslason í Skáleyjum á Breiðafirði er áttræður í dag, 30. september. Hann dvelst á Hjúkrunar- og dvalarheimilinu Barmahlíð á Reykhólum.
...
Meira