Aðalfundur Leikfélagsins Skruggu í Reykhólahreppi verður haldinn annað kvöld, mánudagskvöld, í húsnæði Hlunnindasýningarinnar á Reykhólum og hefst kl. 20.30. Félagið var endurvakið fyrir um ári en félag með sama nafni starfaði í héraðinu á árum áður. Auk venjulegra aðalfundarstarfa verður fjallað um starfsemi næsta leikárs. Nýir félagar velkomnir.
...
Meira

Gylfi Þór Þórisson, sem ráðinn hefur verið sveitarstjóri Reykhólahrepps, er 43 ára að aldri. Hann er uppalinn í sveit á Snæfellsnesi en hefur starfað og búið erlendis til lengri og skemmri tíma auk þess að hafa búið úti á landi sem og í Reykjavík. Hann hefur um árabil stundað eigin rekstur ásamt eiginkonu sinni. Gylfi Þór lauk árið 1994 BA-prófi í markaðsfræðum og almannatengslum frá ríkisháskólanum í Arizona í Bandaríkjunum. Auk þess hefur hann lokið meistaranámi í markaðsfræðum og alþjóðaviðskiptum frá Háskóla Íslands að öðru leyti en því að hann á eftir að skila lokaritgerð á næsta ári.
...
Meira

Á fundi hreppsnefndar Reykhólahrepps í gær var ákveðið að ganga til samninga við Gylfa Þór Þórisson sem nýjan sveitarstjóra í Reykhólahreppi. Það verður væntanlega gert síðar í dag. Ekki var á fundinum tekin ákvörðun um ráðningu skrifstofustjóra hreppsins en samkvæmt heimildum vefjarins ræðst það að líkindum seinna í dag. Nánari upplýsingar um verðandi sveitarstjóra verða birtar hér á vefnum um leið og þær fást.
...
Meira

Í haustferðalagi Reykhólaskóla fyrir skömmu var farið inn í Gautsdal og gengið að Gautsdalsfossi eða Réttarfossi. Vaðið var í ánni og grillaðar pylsur. Veðurblíðan lék við ferðalangana og hitinn var yfir tuttugu stig. Þegar gengið var til baka tók Gugga í Gautsdal á móti hópnum með dýrindis veitingum fyrir alla, bæði nemendur og kennara, og kunna gestirnir henni bestu þakkir fyrir. Þegar komið var aftur á Reykhóla dreif allur hópurinn sig í Grettislaug.
...
Meira

Aðalfundur Fornleifafélags Barðstrendinga og Dalamanna verður haldinn í Kaupfélagshúsinu í Króksfjarðarnesi í kvöld, miðvikudag, og hefst kl. 20. Auk venjulegra aðalfundarstarfa verður sagt frá rannsóknum í Haukadal, Oddbjarnarskeri og Skáleyjum.
...
Meira

Boðað hefur verið til fundar í hreppsnefnd Reykhólahrepps kl. 15 á fimmtudag. Meðal mála á dagskrá er ráðning sveitarstjóra. Eins og venjulega er fundarboðunina og dagskrána að finna á pdf-formi í reitnum Tilkynningar hér neðst til hægri. Fundir hreppsnefndar eru að jafnaði öllum opnir til áheyrnar nema í örfáum tilvikum þegar viðkvæm trúnaðarmál eru til umræðu og afgreiðslu.
...
Meira

Úlfar Lúðvíksson sýslumaður á Patreksfirði, sem jafnframt er lögreglustjóri á Vestfjörðum, verður til viðtals á skrifstofu Reykhólahrepps við Maríutröð á Reykhólum í dag, þriðjudag, milli kl. 12 og 13. Tilkynning um viðveru sýslumanns á Reykhólum var nú sem endranær sett með góðum fyrirvara í reitinn Tilkynningar neðst til hægri hér á vefnum og jafnframt í Atburðadagatalið efst til hægri.
...
Meira

Helgistund verður á Dvalarheimilinu Barmahlíð á Reykhólum kl. 14.30 í dag, sunnudag. Tekið skal fram að allir eru velkomnir þangað - þessar helgistundir eru ekki eingöngu fyrir heimilisfólk. Í kvöld kl. 20 verður síðan messa í Reykhólakirkju. Undirleikari og kórstjóri er Viðar Guðmundsson. Kór Reykhólaprestakalls leiðir sönginn. Prestur er sr. Elína Hrund Kristjánsdóttir.
...
Meira

Námskeið um viðhald og endursmíði gamalla trébáta verður haldið á Reykhólum dagana 6. til 18. september. Á námskeiðinu verður farið í viðgerð á 6,5 m súðbyrtum vélbát. Áætlað er að námskeiðinu verði skipt upp í fjóra hluta á námskeiðstímanum með þessum hætti:
...
Meira

Fjölskyldan í Mýrartungu í Reykhólasveit þakkar þeim sem mættu á „opið fjós“ á byggðarhátíðinni um helgina kærlega fyrir komuna. Allgóður hópur kom í heimsókn þegar saman er talið en í tölvuskeyti frá Mýrartungu segir að það hefði verið skemmtilegra að sjá fleiri börn. „En það verður bara vonandi næst.“ Meðfylgjandi myndir fylgdu skeytinu - að vísu voru líka kettir með hundinum á myndinni en þeir voru eitthvað þokukenndir og þess vegna klipptir burt.
...
Meira