Ætlunin er að spila bridge á fimmtudagskvöldum í vetur til skiptis á Reykhólum og í Króksfjarðarnesi. Byrjað verður á Reykhólum núna á fimmtudagskvöldið kemur, 28. október, og síðan verður spilað í Nesi 4. nóvember. Spilamennskan hefst kl. 19.30. Spilað verður í tengibyggingu íþróttahússins á Reykhólum og í Kaupfélagshúsinu í Króksfjarðarnesi.
...
Meira

Námskeiðaröð í samstarfi Impru á Nýsköpunarmiðstöð, Atvest, Vinnumálastofnunar og Vinnumarkaðsráðs um tækifæri og möguleika í smáframleiðslu matvæla á Vestfjörðum verður haldin í október og nóvember. Að sögn Ásgerðar Þorleifsdóttur verkefnastjóra hjá Atvest stóð til að hafa námskeiðið Krásir á vegum Impru og halda haustfund Veislu að vestan, sem er klasasamstarf um vestfirskan mat, auk þess sem Vinnumálastofnun og Vinnumarkaðsráð hafði áhuga á að bjóða upp á úrræði fyrir atvinnulausa tengt smárekstri og matarmenningu og efla matvælaframleiðslu og þróun tengdri matargerð á svæðinu. Var því ákveðið að samnýta krafta allra þessara aðila og vinna að sameiginlegum markmiðum, sem eru að auka þekkingu og styrkja matvælaiðnað og ferðaþjónustu á svæðinu.
...
Meira

Nú styttist í að umsóknarfrestur vegna seinni úthlutunar Menningarráðs Vestfjarða árið 2010 renni út. Allmargar umsóknir hafa þegar borist, en venjan er að meira en helmingur umsókna berist á lokadegi. Til úthlutunar verða um það bil 15 milljónir að þessu sinni, en frá því að Menningarráðið var stofnað á árinu 2007 hefur það styrkt fjölmörg verkefni og hafa einstakir styrkir verði á bilinu 50 þúsund til 1,5 milljón. Hægt er að sækja um stuðning til alls kyns afmarkaðra menningarverkefna, en samkvæmt ákvörðun stjórnar Menningarráðsins verður að þessu sinni litið sérstaklega til menningarverkefna sem fela í sér eftirtalda þætti:
...
Meira

Aðalfundur foreldraráðs Reykhólaskóla verður haldinn miðvikudaginn 20. október kl. 20 í matsal skólans. Á dagskránni er kosning nýrrar stjórnar, reikningar síðasta árs og önnur mál. Kaffi á könnunni. Foreldrar og forráðamenn eru hvattir til að vera virkir og taka þátt í starfinu.
...
Meira

Vegurinn í Kjálkafirði í Barðastrandarsýslu er svo holóttur og vondur, að um helgina sprakk út líknarbelgur í nýlegum fólksbíl, sem ekið var um veginn. Þetta kemur fram í dagbók lögreglunnar á Vestfjörðum, sem segir að það muni vera mjög sjaldgæft, að loftpúðar springi út þegar ekið er um mjög holótta vegi.
...
Meira

Ingibjörg Birna Erlingsdóttir, viðtakandi sveitarstjóri Reykhólahrepps, er 39 ára og hefur undanfarin ár starfað hjá sveitarfélaginu Hvalfjarðarsveit, fyrst sem ritari og síðan sem skrifstofustjóri. Hún lauk á sínum tíma stúdentsprófi af hagfræðibraut frá Flensborg í Hafnarfirði og hefur síðan lokið margvíslegum námskeiðum sem gagnast í starfinu. Enda þótt Ingibjörg Birna hafi enn ekki tekið formlega við starfi sveitarstjóra gerði hún það samt í raun í gær þegar hún sat fjármálaráðstefnu sveitarfélaga syðra fyrir hönd Reykhólahrepps.
...
Meira

Konukvöld verður haldið í Bjarkalundi föstudaginn 5. nóvember. Fullt af frábærum skemmtiatriðum og uppákomum. Nánari dagskrá verður auglýst síðar. Fundur hjá Kvenfélaginu Kötlu verður haldinn í Reykhólaskóla fimmtudaginn 21. október kl. 20.30. Farið verður yfir starf vetrarins. Stjórn Kötlu hvetur allar kvenfélagskonur til að mæta og jafnframt eru nýjar konur boðnar velkomnar.
...
Meira

Þorgeir Samúelsson á Höllustöðum í Reykhólasveit sendi eftirfarandi skorinorðan og beittan ávítunarpistil til ritstjóra Reykhólavefjarins og þá jafnframt til forsvarsmanna í sveitarfélaginu. Þorgeir er ekki vanur að skafa utan af hlutunum. Pistillinn er á þessa leið: „Mig undirritaðan undrar það, að ekkert virðist vera fjallað á Reykhólavefnum um þá hugmynd sem kom fram frá háskólamönnum á Ísafirði um hugsanlega þverun Þorskafjarðar ásamt virkjun sjávarfalla. Á þessu var að vísu tæpt sem frétt - og svo ekkert meir.
...
Meira

Á fundi hreppsnefndar Reykhólahrepps síðdegis í dag var ákveðið að leggja til að Ingibjörg Birna Erlingsdóttir verði ráðin sveitarstjóri hreppsins. Ákveðið var að fela Andreu Björnsdóttur og Eiríki Kristjánssyni að ganga til samninga við hana. Fundurinn sem hófst klukkan að ganga fjögur stóð í ríflega fimm tíma enda voru mörg mál á dagskránni. Fundargerðina er að venju að finna í reitnum Fundargerðir hér neðst til vinstri.
...
Meira

Konuhittingarnir gamalkunnu á Skriðulandi í Saurbæ eru að fara í gang þetta haustið. Sá fyrsti verður annað kvöld, þriðjudagskvöld, og hefst kl. 20. Hittingarnir verða síðan eins og venjulega annað þriðjudagskvöld í hverjum mánuði í vetur. Þeir standa eins lengi og henta þykir og léttar veitingar eru í boði. Konur hafi með sér einhverja handavinnu. Karlar eru líka velkomnir enda hafi þeir einnig með sér handavinnu!...
Meira