Í ávarpi sínu á Fjórðungsþingi Vestfirðinga á Reykhólum í dag vék Kristján L. Möller ráðherra sveitarstjórnarmála m.a. að lögbundnum lágmarksfjölda íbúa í sveitarfélagi, en samkvæmt núgildandi lögum er sú tala 50 manns. Áður hefur ráðherrann viðrað þá skoðun, að rétt væri að hækka lágmarkið upp í eitt þúsund manns. Hann sagði í dag að nauðsynlegt væri að ræða kosti og galla í þessum efnum, kallaði eftir viðhorfum sveitarstjórnarmanna og sagði stefnt að málþingi í haust. Lagafrumvarp yrði að líkindum lagt fram á Alþingi í vetur en væntanlega myndi sveitarfélögum verða veitt svigrúm til að velja sameiningarkosti. Jafnframt væri hugsanlegt að gera undantekningar vegna staðbundinna aðstæðna. Ráðherrann sagði að breytingarnar ættu að geta gengið í gegn á árunum 2012 til 2014....
Meira

„Það vekur athygli að þetta er áþekkt tímakaup og Landhelgisgæslan tekur fyrir dýptarmælingar þar sem að líkindum er verið að leggja til skip í mælingarnar", segir í athugasemdum kjörinna skoðunarmanna reikninga Fjórðungssambands Vestfirðinga um þóknun lögmannsstofu nokkurrar. Skoðunarmennirnir, þeir Guðmundur Björgmundsson og Ólafur B. Halldórsson, segja að góð regla sé á bókhaldi sambandsins, en á það skorti mjög að þeir sem selja sambandinu þjónustu sína háu verði geri grein fyrir reikningum sínum. Þetta kemur fram á fréttavefnum bb.is á Ísafirði. Þar er umsögn skoðunarmannanna birt, en hún er á þessa leið:...
Meira

53. Fjórðungsþing Vestfirðinga stendur nú yfir í íþróttahúsinu á Reykhólum. Þingið er öllum opið til áheyrnar (sjá tengingu í dagskrána hér fyrir neðan). Að loknum hefðbundnum þingsetningarstörfum rétt upp úr hádeginu flutti Anna G. Edvardsdóttir formaður stjórnar Fjórðungssambands Vestfirðinga skýrslu stjórnar, reikningar voru lagðir fram og samþykktir og fjárhagsáætlun lögð fram. Síðan fluttu ávörp Kristján L. Möller, ráðherra samgöngu- og sveitarstjórnarmála, Sturla Böðvarsson, forseti Alþingis, fyrrv. samgönguráðherra og fyrsti þingmaður Norðvesturkjördæmis, og Halldór Halldórsson, formaður stjórnar Sambands íslenskra sveitarfélaga og bæjarstjóri í Ísafjarðarbæ....
Meira

Menningarráð Vestfjarða hefur nú auglýst eftir styrkumsóknum vegna seinni úthlutunar á árinu 2008 til menningarverkefna á Vestfjörðum. Þetta eru styrkir til afmarkaðra menningarverkefna og eru umsóknir bornar saman á samkeppnisgrundvelli, þannig að fara þurfa saman áhugaverð verkefni og góðar umsóknir til að líkur séu á að styrkur fáist. Menningarráðið hefur jafnframt ákveðið að standa fyrir námskeiði í gerð styrkumsókna. Verður slíkt námskeið haldið í þessum mánuði á Patreksfirði, Ísafirði og Hólmavík og kynnt betur þegar nákvæm tímasetning liggur fyrir. Þar mun Jón Jónsson menningarfulltrúi Vestfjarða leiðbeina um grundvallaratriði við gerð styrkumsókna til Menningarráðsins og annarra aðila sem sótt er um fjármagn til....
Meira

Fjórðungsþing Vestfirðinga verður haldið á Reykhólum í dag og á morgun. Meðal viðfangsefna þingsins í dag má nefna ýmsa þætti orkumála, svo sem orkuflutningskerfi Vestfjarða, stöðu og framtíðarsýn Orkubús Vestfjarða, virkjunarkosti á Vestfjörðum og nýja orkugjafa á Vestfjörðum. Einnig verður staða svæðisskipulags Vestfjarða kynnt. Á morgun verður m.a. gerð grein fyrir starfi Markaðsstofu Vestfjarða, Atvinnuþróunarfélags Vestfjarða og Menningarráðs Vestfjarða og fastanefnd Fjórðungssambandsins um samgöngumál leggur fram skýrslu sína. Fjallað verður ítarlega um stefnumótun í samgöngumálum....
Meira

Ert þú með góða hugmynd og langar að hrinda henni í framkvæmd? er spurt í bæklingi til kynningar á framkvæmd Vaxtarsprota í Reykhólahreppi og Dalabyggð. Á miðvikudag í næstu viku (10. september) verða kynningarfundir á Reykhólum og í Búðardal, þar sem Elín Aradóttir verkefnisstjóri kynnir Vaxtarsprota. Þar munu einnig Vilhjálmur Vernharðsson og Elísabet S. Kristjánsdóttir sauðfjárbændur í Möðrudal á Fjöllum segja frá reynslu sinni, en auk hefðbundins búskapar reka þau kjötvinnslu og ferðaþjónustu, og Kjartan Ragnarsson, leikstjóri og forstöðumaður Landnámsseturs í Borgarnesi, flytur erindi með heitinu Að finna sína fjólubláu kú....
Meira

„Opinn dagur" verður á Strákatanga í Hveravík við Steingrímsfjörð á Ströndum milli kl. 13 og 16 á laugardag. Þar gefst gestum tækifæri að fræðast um fornleifarannsóknina sem hefur staðið þar yfir undanfarin ár, en í ljós koma stöðugt fleiri minjar sem tengjast erlendum hvalveiðimönnum við Steingrímsfjörð á 17. öld. Á fréttavefnum strandir.is segir, að á laugardaginn verði greint frá merkilegum fundi í grennd við meginrústirnar, sem geri rannsóknirnar enn meira spennandi og tengi Strákatanga jafnvel enn aftar í tíma....
Meira

Björgunarsveitin Blakkur á Patreksfirði fagnar 40 ára afmæli sínu um helgina. Dagskráin hefst annað kvöld en á laugardag verður eitthvað um að vera allan daginn. Þar má nefna sýningu á fluglínutækjum í notkun með aðstoð varðskips, fjallaklifur og björgun með þyrlu úr björgunarbáti. Um kvöldið verður sælkerakvöld og dansleikur fram á nótt. Björgunarsveitin Blakkur býður alla velkomna til Patreksfjarðar til að samfagna og taka þátt í hátíðarhöldunum....
Meira

Starfið í Reykhólaskóla er komið í fullan gang eins og nærri má geta. Skólinn var settur föstudaginn 22. ágúst og kennsla samkvæmt stundaskrá hófst þá eftir helgina. Skólastarfið er með hefðbundnum hætti að öðru leyti en því að skólinn hefst kl. 8:30 í stað kl. 9:00 eins og verið hefur. „Í vetur verða áfram hinir frábæru kennarar sem hafa verið undanfarin ár, Ásta Sjöfn, Áslaug, Kolfinna, Lóa og Rebekka, auk Stefáns sem kemur nýr inn", segir nýi skólastjórinn, Júlía Guðjónsdóttir. Stefán er krökkunum að vísu ekki ókunnur þar sem hann hefur verið hér nokkur sumur með leikjanámskeið....
Meira

Eftirfarandi árétting hefur borist frá upplýsingafulltrúa samgönguráðuneytis til upplýsingar í framhaldi af frétt hér á vefnum þar sem vitnað var til fréttar á vefnum strandir.is: „Vegna upplýsinga sem fram koma í fréttinni Líður að opnun tilboða í netvæðingu sveitanna, óskar fjarskiptasjóður að taka eftirfarandi fram: Þeir bæir sem taldir eru upp í fréttinni eru eftir sem áður með í útboði fjarskiptasjóðs hvað varðar háhraðanettengingar. Þessir tilteknu bæir, ásamt nokkrum öðrum bæjum um land allt, voru teknir af lista yfir staði sem bjóðendur í útboðinu mega (valkvæmt) bjóða að dekka með GSM þjónustu. Með GSM þjónustu er átt við háhraðafarnetsþjónustu í útboðsgögnum. Ástæðan fyrir þessum tilteknu breytingum er sú að GSM markaðsaðili hefur nýlega upplýst fjarskiptasjóð um markaðsáform sín á þessum tilteknu stöðum."