Elína Hrund Kristjánsdóttir guðfræðingur hefur verið sett til að gegna prestsþjónustu í Reykhólaprestakalli næstu sextán mánuðina tæpa eða frá næstu mánaðamótum og til 20. febrúar 2010. Umsækjendur voru sjö. Séra Sjöfn Þór sóknarprestur í Reykhólaprestakalli er í sjúkraleyfi og hefur sr. Sigríður Óladóttir á Hólmavík gegnt störfum hennar að undanförnu. Sr. Sjöfn verður síðan í fæðingarorlofi frá 1. febrúar í vetur....
Meira

Meðal verka á listmunauppboði hjá Gallerí Fold fyrr í þessum mánuði var myndin Reykhólar eftir Gunnlaug Blöndal (1893-1962), stór vatnslitamynd (65x96) frá 1944. Af öðrum verkum á uppboðinu má nefna vatnslitamyndina Frá Breiðafirði eftir Barböru Árnason (1911-1975). „Gunnlaugur Blöndal var hvorki natúralisti né raunsæismaður í list sinni. Hann beitti fyrst og fremst pensli sínum til að láta í ljós persónulega, ljóðræna tilfinningu, sem er einstök í íslenzkri málaralist og gerir myndir hans auðkennilegar frá öllum öðrum ..." (Kristján Karlsson 1963)....
Meira

Fatamarkaður Andrésar er að Skriðulandi í Saurbæ í dag eins og auglýst hefur verið. Hins vegar bætist við dagur því að markaðurinn verður þar líka á morgun, föstudag, frá kl. 9 til 18. Þarna er um nýjan herrafatnað að ræða en einnig eldri vörur á tilboði og lítils háttar af kvenfatnaði.

 

Framkvæmdir við nýja veginn um Arnkötludal og Gautsdal (Tröllatunguveg) milli Króksfjarðar og Steingrímsfjarðar eru lítillega á eftir áætlun, að sögn Guðmundar Rafns Kristjánssonar, deildarstj. nýframkvæmda hjá Vegagerðinni á Ísafirði. Á köflum hafi lakara efni en gert var ráð fyrir tafið verkið. Lagning neðra burðarlags er komin vel á veg. Samkvæmt verksamningi á því verki að vera lokið 1. desember eða eftir rúman mánuð. Guðmundur Rafn segir á mörkunum að það standist....
Meira

Í tilefni 75 ára afmælis Sambands breiðfirskra kvenna og þess að 150 ár voru í sumar liðin frá fæðingu skáldkvennanna Herdísar og Ólínu Andrésdætra frá Flatey á Breiðafirði verður kynning á lífshlaupi þeirra og ljóðum að Skriðulandi í Saurbæ kl. 16 á sunnudaginn, 19. október. Á dagskránni verður upplestur, flutningur ljóða og söngur. Kaffi og meðlæti verða í boði á vægu verði og allir eru velkomnir. Þær Herdís og Ólína voru „af hinni merku breiðfirsku skáldaætt, sem sjera Matthías gerði frægasta", eins og sr. Jón Auðuns dómkirkjuprestur komst að orði á sínum tíma....
Meira

Söngvaskáldið Hörður Torfason verður með tónleika á Reykhólum annað kvöld, fimmtudagskvöld. „Það er kominn tími til", segir hann. „Það hefur öðru hverju verið nefnt við mig gegnum árin að koma að Reykhólum með tónleika en það hefur aldrei orðið úr því fyrr en núna. Það var hringt í mig að vestan um daginn og ég sló til.“ Prógrammið segir hann verða svipað og á hausttónleikunum í Borgarleikhúsinu um daginn en með einhverjum viðbótum. „Þegar ég kem þar sem ég hef ekki spilað áður, þá er ég með dálítið flaggskip, bestu söngvana, og svo er fólk oft með óskalista. Ég er með 70-80 söngva að moða úr."...
Meira

Hreppsnefnd Reykhólahrepps og sveitarstjórnin í Vesturbyggð eru að undirbúa málssókn á hendur Póst- og fjarskiptastofnun (PFS) sakir þess að stofnunin heimilaði Íslandspósti að draga úr þjónustu sinni í þessum sveitarfélögum. Íslandspóstur ákvað fyrir nokkru með leyfi PFS að draga úr þjónustu á nokkrum stöðum á landinu. M.a. fækkar póstburðardögum úr fimm í þrjá í viku í hluta dreifbýlis í Reykhólasveit og Vesturbyggð. Þá er hætt að keyra póst heim á bæi í þessum sveitarfélögum og einnig í Dalabyggð og Helgafellssveit....
Meira

Nú stendur yfir sameiginleg fundaferð menntamálaráðuneytis og Sambands íslenskra sveitarfélaga til kynninga og umræðna um ný lög um skóla og menntun. Fundir fyrir Vesturland og þar með Reykhólahrepp verða haldnir í Menntaskólanum í Borgarnesi á fimmtudag, 16. október. Um er að ræða tvo fundi. Annars vegar fund fyrir stjórnsýsluna, þ.e. sveitarstjórnarmenn, starfsfólk á skólaskrifstofum og fræðsluskrifstofum, skólanefndir og skólastjórnendur. Hins vegar almennan og opinn borgarafund að kvöldi með menntamálaráðherra og starfsfólki menntamálaráðuneytis....
Meira

Sjö umsækjendur eru um afleysingu fyrir sr. Sjöfn Þór, sóknarprest í Reykhólaprestakalli, frá 1. nóvember 2008 til 20. febrúar 2010. Núna er sr. Sjöfn í veikindaleyfi en verður í barneignarleyfi frá 1. febrúar í vetur. Sr. Sigríður Óladóttir á Hólmavík gegnir störfum Sjafnar uns afleysingaprestur hefur tekið til starfa....
Meira

Freyja Haraldsdóttir og Alma Guðmundsdóttir komu í heimsókn á Reykhóla í fyrradag. Í tveimur lotum lásu þær upp úr bókinni sinni: Postulín - saga Freyju Haraldsdóttur. Fyrst fyrir krakkana í Reykhólaskóla, sem komu nánast allir, og síðan fyrir aðra. „Það mætti skemmtilegur hópur og skapaðist virkilega létt og góð stemning, mikið var um umræður og góðar spurningar. Við þökkum kærlega fyrir hlýjar og góðar móttökur!", segja þær á bloggsíðu sinni....
Meira