Ár hvert veitir Öldrunarráð Íslands sérstaka viðurkenningu til einstaklings, stofnunar eða félagasamtaka sem þykja hafa unnið einstakt starf tengt málefnum aldraðra. Hér með óskar Öldrunarráð eftir tilnefningum, sem öllum er heimilt að senda inn.
...
„Netsambandsleysi bæja í dreifbýli stendur nútímalandbúnaði fyrir þrifum,“ segir Vilberg Þráinsson, bóndi og sveitarstjórnarmaður á Hríshóli í Reykhólasveit, „maður kemst ekki í tölvupóst eða neitt.“ Rætt var við hann í fréttum Sjónvarpsins í vikunni. Hann hefur áhyggjur af því að ekki skuli vera veitt nægu fé í nettengingu á landsbyggðinni.
...
Arnar Árnason bóndi á Hranastöðum í Eyjafirði var í dag kjörinn formaður Landssambands kúabænda. Hann hlaut 18 atkvæði en Jóhann Nikulásson bóndi í Stóru-Hildisey 2 í Austur-Landeyjum hlaut 15 atkvæði. Arnar er 41 árs og hefur búið á Hranastöðum frá 2001. Hann er búfræðingur frá Hvanneyri og iðnaðartæknifræðingur af matvælasviði Tækniskóla Íslands.
...
Í tilefni af 10 ára afmæli Rannsóknaseturs Háskóla Íslands í Stykkishólmi er áhugasömum boðið til fyrirlestrar á Ráðhúsloftinu við Hafnargötu kl. 20 á miðvikudag, 6. apríl. Farið verður yfir tíu ára sögu rannsókna á æðarfugli, rifjuð upp nokkur verkefni frá liðnum áratug og fjallað sérstaklega um merkingar á æðarfugli í eyjunum í kringum Stykkishólm.
...
Blár apríl hefst í dag, en það er stuðningsátak til að vekja athygli á einhverfu barna. Fólk er hvatt til að klæðast bláu og sýna þannig stuðning í verki. Styrktarfélag barna með einhverfu stendur fyrir Bláum apríl. Ragnhildur Ágústsdóttir, formaður félagsins, hvetur til að taka þátt í deginum, mæta í bláu hvar sem er og taka myndir og setja inn á samfélagsmiðla og merkja þær með myllumerkinu #blárapríl.
...
Vegna ársins 2016 fá 66 verkefni styrki úr Uppbyggingarsjóði Vestfjarða, samtals rúmlega 65 milljónir króna. Meðal þeirra eru tvö verkefni í Reykhólahreppi. Báta- og hlunnindasýningin á Reykhólum ehf. fær tvær milljónir til rekstrar og Félag áhugamanna um bátasafn Breiðafjarðar á Reykhólum fær 300 þúsund til uppsetningar sýningar á bátavélasafni.
...
Þó að bændur hafi samþykkt nýja búvörusamninga bíður mikil vinna við að útfæra þá og koma í framkvæmd. Á það lagði Sigurður Loftsson, fráfarandi formaður Landssambands kúabænda, áherslu í skýrslu til aðalfundar sambandsins í gær.
...
Eins og talsvert hefur verið fjallað um í fréttum standa yfir tökur hérlendis á atriðum í Fast 8 í seríunni The Fast and the Furious. Að mestu fara þær fram á Mývatni en nokkur skot eru tekin annars staðar. Þannig reyndist ekki hægt að sprengja upp ís á Mývatni vegna þess hve grunnt það er og útkoman hefði orðið drullugos og þess vegna var það gert á Langavatni í Reykjahverfi. Eitt stutt skot verður tekið við Þörungaverksmiðjuna á Reykhólum.
...
Í Morgunblaðinu 22. mars var fjallað um þá skerðingu á póstþjónustu í dreifbýli sem gengur í gildi núna um mánaðamótin og m.a. rætt við Brynjar Smára Rúnarsson, forstöðumann hjá Póstinum. Haft var eftir honum „að halda verði því til haga, að áfram verði haldið uppi daglegum póstflutningum um allt land, það er á pósthús og aðra afgreiðslustaði. Þangað geti dreifbýlisfólk nálgast sendingar ef mikið liggur við, ella beðið til næsta dags eða pantað heimsendingu strax gegn aukagjaldi.“
...
Fyrirhuguðu málþingi með fulltrúum Reykhólahrepps um málefni Flateyjar á Breiðafirði hefur verið frestað. Til stóð að það færi fram í Reykjavík núna þann 8. apríl, en síðan þótti skynsamlegra að fresta því fram á sumar og jafnframt að það yrði í Flatey til tryggja þátttöku íbúa eyjarinnar sem best.
...
