Stjórn FV ásamt Aðalsteini Óskarssyni framkvæmdastjóra. Ljósm. FV.

Framvegis verður kosið í stjórn og tvær fastanefndir Fjórðungssambands Vestfirðinga (FV) á tveggja ára fresti, að hausti eftir sveitarstjórnarkosningar og um vorið á miðju kjörtímabili. Á síðasta Fjórðungsþingi í haust var í fyrsta skipti kosið í úthlutunarnefnd Uppbyggingarsjóðs Vestfjarða. Stjórn og fastanefndir Fjórðungssambandsins eru nú þannig skipaðar:

Frá síðasta Fjórðungsþingi á Patreksfirði í byrjun október.

Nýjar samþykktir Fjórðungssambands Vestfirðinga (FV) sem samþykktar voru á 60. Fjórðungsþingi Vestfirðinga í haust tóku gildi núna um áramótin. Þær eru aðgengilegar hér á vef FV. Helsta breytingin er að Fjórðungsþing verður hér eftir haldið að vori (í maí). Þar skal afgreiða reikninga og ársskýrslur og leggja fram endurskoðaða fjárhagsáætlun fyrir yfirstandandi ár. Að hausti (í september) skal síðan halda málþing um tiltekin hagsmunamál sveitarfélaganna, en dagskrá þess skal ákveða á Fjórðungsþingi að vori. Á haustþingi er einnig lögð fram fjárhagsáætlun og starfsáætlun fyrir næsta ár.

Framleiðsluskylda mjólkur hefur verið lækkuð úr 100% í 80% af greiðslumarki og heildarkvótinn minnkaður úr 140 milljónum lítra í 136 milljónir. Þessum breytingum er ætlað að draga úr mjólkurframleiðslu. Á vegum mjólkuriðnaðarins er einnig unnið að ýmsum breytingum í sama skyni. Lækkun framleiðsluskyldu og kvóta kemur fram í árlegri reglugerð um greiðslumark mjólkur, sem landbúnaðarráðherra hefur gefið út. Framleiðsluskyldan hefur verið aukin síðustu ár til að hvetja til framleiðsluaukningar, en núna þegar framleiðslan er of mikil er klukkan stillt til baka, að tillögu Landssambands kúabænda.

Hildur Björk, Egill Rúnar og börnin.

Markús Páll Bjarmi, Auður Emilía og Bjartur Stefán.

« 1 af 2 »

„Þar sem ég er nú frekar mikil náttúru- og ævintýramanneskja, þá er þetta víðlenda prestakall meira heillandi heldur en hitt,“ segir Hildur Björk Hörpudóttir, verðandi sóknarprestur í Reykhólaprestakalli, aðspurð hvernig henni lítist á að koma til starfa þessu stóra prestakalli og fremur erfiða yfirferðar stundum. „Við hjónin komum fyrir jól og eyddum deginum á Reykhólum og í sveitunum í kring. Okkur var virkilega vel tekið. Við hlökkum mikið til að fá að taka þátt í þessu samfélagi og líst einstaklega vel á,“ segir hún.

Hildur Björk Hörpudóttir.

Biskup Íslands hefur ákveðið að skipa mag. theol. Hildi Björk Hörpudóttur í embætti sóknarprests í Reykhólaprestakalli. Þetta kemur fram á vef Þjóðkirkjunnar. Sex manns sóttu um embættið.

Reynir í Hólabúð með konfektið.

Myndagátan sem birt var hér á vefnum fyrir nokkrum dögum er tengd héraðinu eins og þar kom fram. Lausnin er ein af kunnustu lausavísum Jóns Thoroddsens sýslumanns og skálds, sem fæddist og ólst upp á Reykhólum og nefndur hefur verið faðir íslensku skáldsögunnar á síðari tímum.

Jón Guðbjörn sendir veðurskeyti árið 2007. Nánar í meginmáli.

Síðasta myndin á gamlársdag 2015: Á Finnbogastaðavatni á skautum.

« 1 af 2 »

Jón G. Guðjónsson, veðurathuganamaðurinn þjóðkunni í Litlu-Ávík á Ströndum, sem allt frá 2003 hefur haldið úti öflugum og fjölsóttum fréttavef undir heitinu Litlihjalli, fréttir frá Árneshreppi, hætti því núna um áramótin. Í síðustu skrifum sínum á vefinn í gær segir Jón Guðbjörn meðal annars:

Auk annars efnis á þessum vef, svo sem varðandi stjórnsýslu Reykhólahrepps, ýmsar tilkynningar og annað, birtust 639 fréttir á fréttasíðunni á árinu 2015. Innlit á vefinn voru 177.729. Það eru 487 innlit á dag að meðaltali eða 82% umfram íbúafjölda hreppsins (268). Eins og verið hefur frá byrjun er mikill meirihluti innlita frá fólki utan Reykhólahrepps. Fréttum á vefnum hefur farið fækkandi síðustu árin en fjöldi innlita verið á svipuðu róli.

Fréttaritararnir Magnea Guðmundsdóttir á Flateyri og Sveinn á Miðhúsum. Ljósmynd: Morgunblaðið.

Sveinn Guðmundsson á Miðhúsum. Mynd í fórum Morgunblaðsins.

timarit.is.

timarit.is.

« 1 af 4 »

Sveinn Guðmundsson bóndi og kennari á Miðhúsum í Reykhólasveit var fréttaritari Morgunblaðsins í héraðinu í liðuga fjóra áratugi, eða frá 1955 og allt þar til hann og Ólína Jónsdóttir eiginkona hans fluttust til Reykjavíkur. Þá var hann kominn á áttræðisaldur. Sveinn var einn af ötulustu og áhugasömustu fréttariturum landsins og var heiðursfélagi Okkar manna, félags fréttaritara Morgunblaðsins. Brennandi áhugi á margvíslegum hugðarefnum og öllu því sem hann tók sér fyrir hendur einkenndi Svein á Miðhúsum. Það kom líka fram í fréttaskrifum hans í Morgunblaðinu. Hann lét sér ekki nægja að skrifa þurrar fréttir heldur lét hann í ljós skoðanir sínar á málum og hafði til þess fullt leyfi ritstjóra, eins og fram kemur í áramótapistli sem hann skrifaði fyrir réttum þrjátíu árum (þegar hann hafði verið fréttaritari í þrjátíu ár) og birtur er í heild hér fyrir neðan.

Framhald efnisyfirlitsins er á næstu mynd.

Svavar Gestsson, ritstjóri Breiðfirðings.

« 1 af 4 »

Vesturbyggð verður kjarnabyggðarlagið í næsta hefti af ársritinu Breiðfirðingi (Nýjum Breiðfirðingi), sem kemur út í maí. Í hefti ársins 2015 voru sagnfræðingar hin fræðilega uppistaða en að þessu sinni verða það náttúrufræðingar og náttúra Breiðafjarðar. Þar fyrir utan er margt annað skemmtilegt og fróðlegt í deiglunni hjá Svavari Gestssyni ritstjóra. Söfnun efnis er langt komin og má geta þess, að snemma í haust fór Svavar ásamt Hauki Má Haraldssyni samverkamanni sínum við útgáfuna um Dalabyggð og Reykhólahrepp og tóku þeir fjölda mynda sem birtast munu í ritinu.