Víða var tekið til hendi. Ef grannt er að gætt má sjá að ekki eru bara tvær manneskjur að starfi á þessari mynd ...

Mágkonurnar Sigrún Kristjánsdóttir og Kolfinna Ýr skálma til verka.

Björk Stefánsdóttir og Torfi Sigurjónsson voru að sjálfsögðu með barnavagninn með í för.

Ungviði í Hvanngarðabrekkunni (Kvenfélagsgirðingunni).

Gylfi Helgason, Ingibjörg Birna Erlingsdóttir og Hjalti Hafþórsson.

Kolfinna Ýr, Gústaf Jökull og Ásta Sjöfn.

« 1 af 6 »

Myndirnar sem hér fylgja voru teknar á hinum árlega umhverfisdegi í Reykhólahreppi, sem var að þessu sinni á fimmtudaginn eða sjálfan uppstigningardag. Þegar vinnufúsar hendur ungra sem eldri höfðu lokið störfum var að venju grillað í Kvenfélagsgarðinum á Reykhólum. Á síðustu myndinni er fráfarandi umhverfis- og náttúruverndarnefnd Reykhólahrepps, skipuð þeim Ástu Sjöfn Kristjánsdóttur, Kolfinnu Ýri Ingólfsdóttur og Gústaf Jökli Ólafssyni.

Guðrún Guðmundsdóttir augnlæknir verður með stofu á Heilsugæslunni í Búðardal fimmtudaginn 12. júní. Þórir Bergmundsson háls-, nef- og eyrnalæknir verður með stofu á sama stað mánudaginn 16. júní. Tímapantanir í síma 432 1450.

Grettislaug / Árni Geirsson.

Grettislaug á Reykhólum hefur verið opnuð á ný eftir tveggja vikna lokun vegna hefðbundins vorviðhalds. Hún verður opin kl. 13-20 alla daga í sumar fram til 24. ágúst, en þá mun tíminn styttast og dögum í vikunni að líkndum fækka eins og venja er á haustin.

Báta- og hlunnindasýningin við Maríutröð á Reykhólum er opin í sumar kl. 11-17 alla daga fram til ágústloka, að einum degi undanskildum: Hún verður lokuð á þjóðhátíðardaginn 17. júní.

Áslaug, Steinunn og Guðjón.

Myndina af kjörstjórn Reykhólahrepps sem hér fylgir tók á kjördag einn hinna fimm fráfarandi sveitarstjórnarmanna í hreppnum, Sveinn Ragnarsson á Svarfhóli. Þar sem óbundnar kosningar eru, eins og voru í Reykhólahreppi líkt við margar undanfarnar kosningar, er langtum flóknara og tímafrekara að telja atkvæði heldur en þar sem listakosningar eru.

Vilberg með dótturina sína litlu.

Vilberg Þráinsson á Hríshóli hlaut langflest atkvæði í kosningunum til sveitarstjórnar í Reykhólahreppi í dag. Næstur varð Karl Kristjánsson á Kambi en Sandra Rún Björnsdóttir á Reykhólum varð í þriðja sæti. Alls fengu 77 manns atkvæði í sæti aðalmanna í sveitarstjórn. Dreifing atkvæða var langtum meiri en við síðustu kosningar. Kjörsókn var 64,4% eða lítið eitt meiri en síðast. Niðurstöðurnar í heild urðu þessar:

Kjörfundur í sveitarstjórnarkosningunum í Reykhólahreppi, sem skv. auglýsingu átti að standa til kl. 17, var framlengdur eins og heimilt er þegar nauðsyn telst krefja. Talning í óhlutbundnum kosningum (persónukosningum) eins og voru núna í Reykhólahreppi rétt eins og verið hefur síðari ár, er langtum tímafrekari en þar sem listakosningar eru. Niðurstöður úr kosningunum í dag, sem og skoðanakönnuninni um afstöðu til sameiningar við önnur sveitarfélög*), verða birtar hér á vef Reykhólahrepps þegar þær liggja fyrir í kvöld.

Við fyrri umræðu í sveitarstjórn Reykhólahrepps í kvöld var samþykkt samhljóða að vísa ársreikningum Reykhólahrepps og stofnana hans fyrir árið 2013 til seinni umræðu á næsta fundi sveitarstjórnar (sjá reikningana hér). Í reikningunum kemur fram, að rekstrarafkoma Reykhólahrepps á síðasta ári var jákvæð um tæplega 20 milljónir króna en fjárhagsáætlun gerði ráð fyrir 15 milljónum í afgang. Eigið fé Reykhólahrepps er komið í 300 milljónir króna. Skuldaviðmið sveitarfélagsins er nú 38% en var árinu áður 46%. Undanfarin ár hefur hagur Reykhólahrepps batnað jafnt og þétt eins og sjá má í reikningum sveitarfélagsins.

Guðni Kristjánsson, frkvstj. Ungmennasamb. Dalamanna og Norður-Breiðfirðinga (UDN), þar sem Umf. Afturelding í Reykhólahreppi er meðal aðildarfélaga, er með kosningu á Facebook um framtíðarliti sambandsins. Kosningunni lýkur 5. júní.

Minnt skal á það sem fram hefur komið í dreifibréfi frá kjörstjórn, að kjörfundur í Reykhólahreppi við sveitarstjórnarkosningarnar á morgun, laugardaginn 31. maí, verður á skrifstofu Reykhólahrepps, Maríutröð 5a, Reykhólum, og stendur frá kl. 9 til 17. Kjörstjórn í Reykhólahreppi skipa Áslaug B. Guttormsdóttir, formaður, Steinunn Ólafía Rasmus og Guðjón Dalkvist Gunnarsson.