Kjörskrá í Reykhólahreppi vegna kosninga til Alþingis liggur frammi á skrifstofu hreppsins á Reykhólum á skrifstofutíma fram á kjördag. Fólk er beðið að athuga hvort það er skráð á réttum stað á kjörskránni. Leiðrétt verður ef svo er ekki og athugasemdir gerðar í tæka tíð.
...
„Þegar umræður standa sem hæst um landsins gagn og nauðsynjar viljum við undirritaðir blanda okkur lítillega í þær og benda á nokkur atriði til umhugsunar fyrir Vestfirðinga og vini þeirra, ekki síst þá sem eru að bjóða sig fram til þjónustu. Vestfirðingar berjast nú fyrir tilveru sinni. Ef þeir standa saman, þá stenst ekkert fyrir þeim heima fyrir. Þeir eru þar sjálfir í lykilstöðu. Svo einfalt er það. Okkur finnst að grundvöllurinn sé að Vestfirðingar fái að bjarga sér sjálfir. Við erum ekki að heimta auknar fjárveitingar úr ríkissjóði, en bendum á að stjórnvöld þurfa að búa nokkuð í haginn með markvissari hætti en verið hefur um sinn.“
...
Síðasta samkoma Félags eldri borgara í Dalabyggð og Reykhólahreppi á þessum vetri verður í Leifsbúð í Búðardal á morgun, fimmtudag. Af því tilefni býður félagið öllum íbúum svæðisins 65 ára og eldri, sem ekki eru í félaginu en hafa áhuga á því að kynnast starfi þess, að koma á samkomuna, sem hefst kl. 13.30 og stendur til kl. 16. Ýmislegt verður til skemmtunar og gott með kaffinu.
...
Eins og hér kom fram í gær lýsti hreppsnefnd Reykhólahrepps í bókun á síðasta fundi yfir áhyggjum vegna stöðu mála á Ingunnarstöðum í Geiradal. Tilefnið var bréf Ólafs Kristinssonar, lögmanns Daníels á Ingunnarstöðum, sem tekið var fyrir á fundinum. Jafnframt fól hreppsnefnd sveitarstjóra að svara erindinu fyrir sína hönd. Bréf lögmannsins til hreppsnefndar fer hér á eftir:
...
Bókasafnið á Reykhólum, sem að réttu lagi hefði átt að vera opið kl. 17-19 í kvöld eins og venja er á miðvikudögum, verður lokað að þessu sinni vegna veikinda. Safnið verður opið á mánudagskvöld eins og venjulega.
...
Minnt skal á hittinginn (opna húsið) hjá Handverksfélaginu Össu í Vogalandi í Króksfjarðarnesi kl. 20 í kvöld, miðvikudag. Allir eru velkomnir og ekki þarf að vera skráður félagi. Þarna er tilvalið að koma með prjónana, saumadótið, skrappið og kortin eða bara til að spjalla. Yfirleitt stendur þetta í tvo til tvo og hálfan tíma og öllum frjálst að koma og fara hvenær sem er.
...
Jón Bjarnason alþingismaður og fyrrverandi sjávarútvegs- og landbúnaðarráðherra heimsótti í dag vinnustaði á Reykhólum og nokkra bæi í héraðinu. Þetta var framboðsferð, en Jón skipar efsta sæti J-listans (Regnbogans, framboðs um fullveldi Íslands) í NV-kjördæmi. Með honum í för var Barbara Ósk Guðbjartsdóttir, tónlistarmaður og bóndi í Miðhúsum í Kollafirði á Ströndum, sem skipar 3. sæti J-listans, en leiðsögumaður þeirra í heimsókninni var Björn Samúelsson á Reykhólum, sem skipar 9. sæti listans.
...
„Hreppsnefnd lýsir yfir áhyggjum sínum á þeirri stöðu sem upp er komin á Ingunnarstöðum“, segir í bókun sem hreppsnefnd Reykhólahrepps samþykkti samhljóða á síðasta fundi sínum. Tekið var fyrir erindi frá Ólafi Kristinssyni lögmanni, þar sem fram koma málavextir vegna Ingunnarstaða. Sveitarstjóra var falið að svara erindinu fyrir hönd hreppsnefndar og leggja svarbréf fram til kynningar á næsta fundi.
...
„Á undanförnum árum hefur niðurskurður á framlagi ríkisins til rekstrar náttúrustofa komið illa niður á starfsemi þeirra og er víða komið að þolmörkum rekstrarins. Núvirt framlag ríkisins til náttúrustofa hefur rýrnað verulega frá árinu 2004 eins og sést á meðfylgjandi mynd. Einkum byrjaði að halla undan fæti árið 2009 líkt og hjá mörgum öðrum stofnunum, en sá niðurskurður sem stofurnar hafa gengið í gegnum er mun meiri en víðast annars staðar.“
...
Þann 11. mars voru 25 ár liðin frá því að fyrsta heimilisfólkið fluttist inn á Hjúkrunar- og dvalarheimilið Barmahlíð á Reykhólum. Sumardagurinn fyrsti, sem að þessu sinni ber upp á 25. apríl, er hér um slóðir jafnan nefndur Barmahlíðardagurinn. Núna er ætlunin að halda daginn sérstaklega hátíðlegan í tilefni afmælisins og m.a. er leitað eftir munum á sýningu.
...
