Símenntunarmiðstöðin á Vesturlandi stendur fyrir námskeiði í handmálun með spaða í Búðardal á fimmtudagskvöld í næstu viku (15. nóvember). Unnið verður með olíu á striga og notaður spaði við málunina en engir penslar. Þátttakendur spreyta sig á því að skapa sína eigin mynd og fara síðan að sjálfsögðu með hana heim.
...
„Kæru Strandamenn og Reykhólamenn! Hvað vill ungt fólk á svæðinu starfa við í framtíðinni? Ef samfélagið okkar fengi sem dæmi 20 milljóna króna fjárveitingu í atvinnuskapandi verkefni á næsta ári, hvaða atvinnuvegi / atvinnustarfsemi / þróunarstarf mynduð þið kjósa að styrkja, hvernig og af hverju?“
...
Almennir fundir þar sem fjallað verður um Sóknaráætlun Vestfjarða verða haldnir í félagsheimilinu á Patreksfirði á morgun, þriðjudag, og í Stjórnsýsluhúsinu á Ísafirði og Hnyðju á Hólmavík á miðvikudag. Fundirnir standa allir frá kl. 10 til 15. Allir sem áhuga hafa á framtíð byggðar á Vestfjarðakjálkanum eru hvattir til að sækja fundina ef þeir eiga þess kost.
...
„Ef fólki finnst klíkuskapur og vinavæðing vera að hrjá stjórnmálin í dag - væri þá ekki ráð að byrja á að skoða hvaða aðferðum við höfum komið okkur upp við val á fólki? Það er ekki hægt að gera alltaf það sama og ætlast til að fá allt í einu aðra og betri útkomu.“
...
Þingmennirnir Mörður Árnason og Birgitta Jónsdóttir lögðu fyrir skömmu fram á Alþingi frumvarp til laga þess efnis, að búfé skuli aðeins beitt innan girðingar, og skuli þau koma til framkvæmda eftir tíu ár. „Flutningsmenn tileinka frumvarpið Herdísi Þorvaldsdóttur sem áratugum saman hefur beitt sér fyrir landvernd á Íslandi,“ segir í greinargerð.
...
Fólk sýnir sig í dag og sér aðra í Breiðfirðingabúð í Reykjavík á hinum árlega fjáröflunardegi kvennadeildar Barðstrendingafélagsins. Þar verður basar með fjölda góðra muna af ýmsu tagi, happdrætti og kaffihlaðborð. Mannfagnaðurinn hefst kl. 14 og stendur fram eftir degi. Á basarnum verður meðal annars úrval af handverki kvennanna og velunnara félagsins, svo sem jólaskraut, húfur og vettlingar.
...
Velferðarnefnd Stranda og Reykhólahrepps samþykkti í haust ítarlegar siðareglur fyrir félagsþjónustu sveitarfélaganna fjögurra sem að henni standa í sameiningu - Árneshrepps, Kaldrananeshrepps, Reykhólahrepps og Strandabyggðar. Sveitarstjórnirnar hafa síðan staðfest reglurnar. Þær eru í tólf liðum og skulu hér tilfærðir fjórir þeirra sem sýnishorn:
...
Í grein í Bændablaðinu í dag kveðst umhverfisráðherra vilja banna lausagöngu búfjár en jafnframt að ákvæði verði sett um heimildir til að veita undanþágur frá því banni. Núna er þessu öfugt farið, lausaganga almennt leyfð en heimildir eru til að banna hana á afmörkuðum svæðum.
...
Rauðakrossdeildina í Búðardal vantar sjálfboðaliða sem vilja starfa í fjöldahjálparstöð, en deildin hefur umsjón með tveimur slíkum, bæði í Búðardal og á Reykhólum. Ítarlegt námskeið um tilgang og störf fjöldahjálparstöðva verður haldið 5. og 6. nóv. (mánudagskvöld og þriðjudagskvöld) kl. 18-22 í Auðarskóla í Búðardal.
...
Vegna veðursins sem gengur yfir þessa dagana hefur fræðslukvöldinu um barnsmissi sem átti að vera í Hólmavíkurkirkju annað kvöld verið frestað öðru sinni eða fram á fimmtudag 8. nóv. kl. 20.
...
