Eyjólfur Örn Jónsson sálfræðingur heldur fyrirlestur um netfíkn í Félagsheimilinu á Hólmavík annað kvöld, miðvikudagskvöld, og hefst hann kl. 19.30. Þar fjallar hann um hættur internetsins, hverjir séu í hættu að „ánetjast“ því, hver einkenni ofnotkunar eru, hvað hún getur haft í för með sér og hvað foreldrar og fagfólk geta gert til að fyrirbyggja vandann og takast á við hann.
...
Velferðarnefnd Stranda og Reykhólahrepps hefur samþykkt reglur um sérstakar húsaleigubætur. Bætur þessar eru ætlaðar þeim einstaklingum og fjölskyldum sem ekki eru á annan hátt fær um að sjá sér fyrir húsnæði sökum lágra launa, þungrar framfærslubyrðar eða annarra félagslegra erfiðleika.
...
Af 210 manns sem voru á kjörskrá í Reykhólahreppi í kosningunum um tillögur stjórnlagaráðs greiddu 105 manns atkvæði eða 50%. Á kjörskrá voru 105 konur og 105 karlar. Á kjörfundi á Reykhólum í dag kusu 94 en utankjörfundaratkvæði voru 10. Einn kjósandi á kjörskrá í Reykhólahreppi afsalaði sér atkvæðisrétti í kjördeildinni á Reykhólum og greiddi atkvæði annars staðar eins og lög heimila.
...
Kjördeild í Reykhólahreppi í þjóðaratkvæðagreiðslunni í dag er á skrifstofu Reykhólahrepps á Reykhólum. Kjörfundur hefst þar kl. 9 og stendur til kl. 18. Upplýsingar um atkvæðagreiðsluna og framkvæmd hennar má m.a. nálgast á kosningavef innanríkisráðuneytisins.
...
„Látið langþráðan draum rætast og komið í kór Reykhólaprestakalls“, segir í hvatningu frá sr. Elínu Hrund Kristjánsdóttur sóknarpresti. Æfingar verða annan hvern þriðjudag í vetur og verður sú fyrsta í Reykhólakirkju núna á þriðjudag kl. 20.30. Stjórnandi kórsins er Viðar Guðmundsson.
...
Fyrstu árin voru jóla- og villibráðarhlaðborðin í Bjarkalundi í aðdraganda jóla tvisvar hverju sinni en sakir vaxandi vinsælda voru þau þrjú á síðasta ári og svo verður einnig nú. Að þessu sinni verða þau heldur seinna en í fyrra eða laugardagskvöldin 17. og 24. nóv. og 1. des. Veislustjóri verður Pétur Jóhann leikari (Já sæll) sem áður hefur komið við sögu í Bjarkalundi með eftirminnilegum hætti.
...
Þýska fyrirtækið smartfiber AG framleiðir meðal annars trefjar úr þörungamjöli til notkunar í spunaþræði ásamt öðrum efnum á borð við bómull. Úr þessum trefjum sem bera vörumerkið SeaCell er síðan framleiddur fatnaður sem sagður er sérlega heilsusamlegur vegna efnanna í þörungunum sem berast inn í húðina. Hráefnið í trefjarnar (mjöl úr klóþangi) kemur frá Þörungaverksmiðjunni á Reykhólum.
...
„Ekkert kallar á að núverandi stjórnarskrá sé kastað á glæ, eins og nú er stefnt að því að gera. Þvert á móti. Hún hefur reynst vel og verið þegnum landsins gott skjól og góð vörn. Skynsamlegast hefði verið að vinna að málinu í anda þeirrar sáttar sem alltaf hefur verið leiðarljósið við endurskoðun stjórnarskrárinnar. Leggja hefði átt núverandi stjórnarskrá til grundvallar. Eðlilegast hefði síðan verið að leita til þjóðarinnar, stofna til skipulegra umræðna um land allt og fela síðan breiðum hópi sérfræðinga að vinna málið frekar á þeim grundvelli. Síðan hefði sá ferill hafist sem stjórnarskráin mælir um, samþykkt Alþingis og afstaða þjóðarinnar.“
...
Nemendur 8.-10. bekkjar Reykhólaskóla eru með fjáröflunarsöluna sína þessa viku, fara um byggðir sveitarfélagsins, knýja dyra og selja vörur. Jafnframt eru dósir og flöskur vel þegnar eins og endranær. Vörurnar og verðið er eins og hér segir:
...
Námskeið í postulínsmálun verður haldið í félagsheimilinu á Hólmavík um næstu helgi, 20.-21. október. Leiðbeinandinn er Ninna, sem þar var líka með námskeið af þessu tagi í fyrrahaust. Upplýsingar veitir Ingibjörg Birna Sigurðardóttir á Hólmavík. Hún tekur jafnframt við skráningum fyrir fimmtudag í síma 847 4415 og í netpósti.
...
