Breytingar urðu á stjórn Ferðamálasamtaka Vestfjarða á aðalfundi samtakanna um helgina. Þrír fyrrum stjórnarmenn gáfu ekki kost á sér, þau Áslaug Alfreðsdóttir á Ísafirði, Sævar Pálsson í Flókalundi og Björn Samúelsson á Reykhólum. Í þeirra stað komu í stjórn Halldóra Játvarðardóttir á Miðjanesi í Reykhólasveit, Ragna Magnúsdóttir í Bolungarvík og Einar Unnsteinsson í Bjarnarfirði á Ströndum. Stjórnarmenn eru kosnir fyrir tvö ár í senn og formaður fyrir eitt ár. Sigurður Atlason gaf kost á sér aftur og var endurkjörinn sem formaður samtakanna.
...
Meira

Í desember bauð sveitarstjórn Strandabyggðar sveitarstjórn Reykhólahrepps til fundar um ýmis sameiginleg hagsmunamál þessara sveitarfélaga. Vegna óviðráðanlegra orsaka gat ekki orðið af fundinum fyrr en í síðustu viku, þegar hann var haldinn á Café Riis á Hólmavík. Umræðuefnin voru fjölmörg. Meðal annars var rætt um samstarf sveitarfélaganna varðandi sorpmál og atvinnumál. Einnig möguleiki á að koma upp framhaldsdeild líkt og á Patreksfirði, sem fundinn væri staður t.d. milli Reykhóla og Dalabyggðar. Jafnframt voru ræddir möguleikar á samvinnu um rekstur tónlistarskóla í framtíðinni.
...
Meira

Sveitarstjórn Reykhólahrepps auglýsir tillögu að deiliskipulagi skv. 25. gr. skipulags- og byggingarlaga nr. 73/1997. Hér er um að ræða deiliskipulag við Innstapoll í Flatey á Breiðafirði og tekur til svæðis á aðalskipulagi sem er áætlað opið svæði og hafnarsvæði merkt H3. Gert er ráð fyrir skjólhöfn fyrir smábáta við Innstapoll í Flatey með tveimur 40 m grjótgörðum þannig að stærðin á bátalæginu verði um 25x30 með ca.12x40 m innsiglingarennu.
...
Meira

Barmahlíðardagurinn er að venju haldinn hátíðlegur á Reykhólum á sumardaginn fyrsta, fimmtudaginn 22. apríl. Hátíðahöldin hefjast á dvalarheimilinu Barmahlíð eftir hádegið með handavinnusýningu og bingói eldri borgara. Kl. 15 flyst fagnaðurinn í íþróttahúsið þar sem haldin verður myndlistarsýning, kökubasar og fyrirtækjakeppni og liðakeppni í íþróttasprelli (skráning hjá Ingibjörgu Þór í s. 434 7880 og 864 2712). Kl. 17 hefst skemmtidagskrá með Gunna og Felix. Á planinu fyrir framan verður lögreglan á Patreksfirði með hjólaskoðun. Um kvöldmatarleytið bakar nemendaráð Reykhólaskóla pítsur og selur á sanngjörnu verði í matsal skólans. Frítt er í sund í Grettislaug frá kl. 18 til 21.
...
Meira

Minningarathöfn verður í Patreksfjarðarkirkju í kvöld, þriðjudag, vegna þeirra Pólverja sem fórust í hinu hörmulega slysi í Smolensk í Rússlandi á laugardag. Athöfnin hefst kl. 20. Fólk er hvatt til að koma og sýna samhug í verki. Meðfylgjandi myndir voru teknar í versluninni Fjölval á Patreksfirði þegar hluttekningarbók var lögð þar fram. Framámenn í Vesturbyggð skrifuðu fyrstir í bókina.
...
Meira

Aukasýning á leikritinu Allt í plati verður í íþróttahúsinu á Reykhólum í kvöld, miðvikudagskvöldið 7. apríl og hefst kl. 20. Miðinn kostar kr. 700 og allir eru velkomnir. Leikritið byggist á þekktum persónum úr sögum eftir Astrid Lindgren og Thorbjörn Egner. Höfundur er Þröstur Guðbjartsson en Sólveig Sigríður Magnúsdóttir annast leikstjórn. Þarna galdrar Lína langsokkur fram á sviðið ýmsar persónur, svo sem Lilla klifurmús, Mikka ref, Ömmu mús, bakaradrengina, Soffíu frænku, ræningjana Kasper, Jesper og Jónatan og félagana Karíus og Baktus.
...
Meira

Fundi í hreppsnefnd Reykhólahrepps, sem átti að vera á morgun, hefur verið frestað til mánudagsins 12. apríl. Hann hefst kl. 15 þann dag á sama stað og venjulega í fundarsal hreppsins við Maríutröð.
...
Meira

Á skírdag er messað í Gufudalskirkju kl. 16 og í Staðarhólskirkju í Saurbæ kl. 19. Á föstudaginn langa er helgistund í Garpsdalskirkju við Gilsfjörð kl. 20. Á páskadag er guðsþjónusta í Reykhólakirkju kl. 13.30 og í Barmahlíð á Reykhólum kl. 14.30. Organisti er Svavar Sigurðsson og kór Reykhólaprestakalls syngur. Prestur er sóknarpresturinn sr. Elína Hrund Kristjánsdóttir á Reykhólum.
...
Meira

Verslunin Hólakaup á Reykhólum verður lokuð á föstudaginn langa og páskadag. Á skírdag, laugardaginn fyrir páska og annan í páskum er opið frá kl. 11 til 15 hvern dag.
...
Meira

Myndavélin við arnarhreiðrið í ónefndum breiðfirskum hólma, sem þau Bergsveinn G. Reynisson og Signý M. Jónsdóttir á Gróustöðum í Reykhólahreppi standa að (Arnarsetur Íslands) er komin í gang þetta vorið. Hún var sett upp fyrir tveimur árum og þá komu arnarhjónin upp unga. Í fyrra misfórst útungunin hins vegar. Núna er laupurinn orðinn talsvert stærri en á sama tíma í fyrra og munar þar um það bil viku. Hins vegar hefur lítið sést til fuglanna þessa dagana.
...
Meira