Húsfyllir var er Bjarni M. Jónsson varði meistaraprófsritgerð í Háskólasetri Vestfjarða á sumardaginn fyrsta. Verkefni Bjarna var 60 einingar. Þar af leiðandi fór fram formleg meistaraprófsvörn og þar með urðu ákveðin tímamót í sögu Háskólasetursins. Ritgerð Bjarna ber titilinn „Harnessing tidal energy in the Westfjords“ eða „Virkjun sjávarfallaorku á Vestfjörðum “. Leiðbeinandi Bjarna var Þorsteinn Ingi Sigfússon, forstöðumaður Nýsköpunarmiðstöðvar Íslands, en prófdómari var John Nyboer, rannsóknaverkefnastjóri við Simon Frasier University í Vancouver í Kanada. Nyboer tók þátt í athöfninni í gegnum fjarkennslubúnað en tímamismunur er sjö klukkustundir og því árla morguns hjá prófdómara í Bresku Kólumbíu á vesturströnd Kanada.
...
Meira

Kræklingaræktin er loks eftir tíu ára þróunarstarf farin að skila stórum peningum, segja ráðamenn Norðurskeljar í Hrísey, sem flytja nú meira út í hverri viku en þeir gerðu allt árið í fyrra og hafa ekki undan pöntunum. Meðal sprotaverkefna í Reykhólahreppi er einmitt kræklingarækt og Bergsveinn á Gróustöðum í Reykhólahreppi hefur stundað hana undanfarin ár. Fréttir hafa borist af honum við kræklingsveiðar í Hvalfirði.
...
Meira

Samgöngunefnd Fjórðungssambands Vestfirðinga skorar á samgöngunefnd Alþingis að setja aftur inn á samgönguáætlun áranna 2009-2012 framlög til Dýrafjarðarganga og staðfesta þannig fyrri vilja Alþingis og Vestfirðinga að göngin milli Dýrafjarðar og Arnarfjarðar verði sett á áætlun samhliða Norðfjarðargöngum sem næsta jarðgangaframkvæmd á Vestfjörðum. Þetta kemur fram í áskorun vegna Dýrafjarðarganga og Vestfjarðavegar 60 sem nefndin samþykkti á fundi sínum í gær.
...
Meira

Handverksfélagið Assa í Reykhólahreppi heldur aðalfund sinn í Kaupfélagshúsinu í Króksfjarðarnesi í kvöld, þriðjudag, og hefst hann kl. 20.30. Á eftir ætla þeir aðilar sem hyggjast vera með starfsemi í húsinu í sumar að bera saman bækur sínar. Stjórn Össu vekur athygli allra sem áhuga hafa á handverki og smáiðnaði á því að mikil þörf er á að efla félagið með nýju félagsfólki. Hún skorar því á sveitunga að ganga til liðs við félagið og vinna saman að ná fram markmiðum þess, sem eru að veita þeim sem vinna að handverki eða annars konar smáiðnaði tækifæri til að þróa og selja framleiðslu sína. Nýir félagar eru velkomnir á aðalfundinn.
...
Meira

Í ágætum greinum hér á síðunni og á Strandir.is fjalla þeir Karl Kristjánsson á Kambi og Matthías Lýðsson í Húsavík um nafngiftina á nýjum vegi milli Stranda og Barðastrandarsýslu. Benda þeir réttilega á að það nafn sem nú er í notkun, Þröskuldar, stingur heldur í stúf við umhverfi sitt. Ég hef ekki séð ástæðu til að blanda mér í spekúleringar um þessa nafngjöf, en verð þó að viðurkenna að ég varð undrandi þegar nafn þetta kom fyrir auglit manna, u.þ.b. þegar verið var að taka veginn í notkun haustið 2009.
...
Meira

Fyrir nokkru auglýsti Reykhólahreppur tillögu að deiliskipulagi við Innstapoll í Flatey á Breiðafirði. Gert er ráð fyrir skjólhöfn fyrir smábáta með tveimur 40 m grjótgörðum þannig að stærðin á bátalæginu verði um 25x30 m með ca.12x40 m innsiglingarennu. Nú er uppdráttur ásamt skýringum kominn hér inn á vefinn (pdf). Skjalið má stækka að vild og gera það læsilegt á skjánum í prósentureitnum efst í glugganum.
...
Meira

Héraðsfundur Vestfjarðaprófastsdæmis árið 2010 er að þessu sinni haldinn í Reykhólaprestakalli. Fundurinn hefst með almennri guðsþjónustu kl. 11 á morgun, sunnudaginn 25. apríl, í kirkjunni á Staðarhóli í Saurbæ. Sr. Hildur Inga Rúnarsdóttir á Þingeyri predikar en sr. Elína Hrund Kristjánsdóttir sóknarprestur í Reykhólaprestakalli þjónar fyrir altari. Organisti að þessu sinni er Viðar Guðmundsson en kór Reykhólaprestakalls leiðir sönginn.
...
Meira

Ragnar Jörundsson, bæjarstjóri í Vesturbyggð, segist ekki vera sáttur við ekkert fjárframlag sé ætlað til Dýrafjarðarganga í tillögu að samgönguáætlun fyrir árin 2009-2012. „Verst við þetta er að setja eigi framkvæmdirnar við Dýrafjarðargöng út af borðinu en ekki fresta þeim um óákveðinn tíma“, segir Ragnar. Hann segist ekki hafa vitað af áætlunum samgönguráðherra fyrr en tillagan var lögð fram, þrátt fyrir að hafa fundað með ráðherra ásamt öðrum fulltrúum sveitarfélaga á svæðinu.
...
Meira

Kynningarfundur um norræna og evrópska styrki til menningarverkefna verður haldinn í Leifsbúð í Búðardal þriðjudaginn 27. apríl kl. 10-12, Þróunarsetrinu á Hólmavík sama dag kl. 15-17 og Þróunarsetrinu á Ísafirði á miðvikudag kl. 14-16. Allir velkomnir. „Fyrir utan að þekking á þessum möguleikum sé mikilvæg grunnþekking fyrir alla ráðgjafa um atvinnuþróun, nýsköpun og uppbyggingu geta t.d. menningarstofnanir og söfn, fræðasetur og rannsóknastofnanir, ferðaþjónar, félög og samstarfsverkefni, viðburðastjórar, sveitarstjórnir og fleiri tekið þátt í eða staðið fyrir styrkhæfum verkefnum“, segir í kynningu frá Jóni Jónssyni á Kirkjubóli við Steingrímsfjörð, menningarfulltrúa Vestfjarða.

 

...
Meira

Kristján L. Möller samgönguráðherra segir það misskilning sem fram hafi komið, að Dýrafjarðargöng hafi verið slegin af. Hið rétta sé að þeim hafi verið seinkað eins og mörgum öðrum verkum vegna niðurskurðar á fjármagni til vegagerðar á næstu árum. Þetta kemur fram í grein sem ráðherra sendi í gær til birtingar á vefmiðlinum bb.is á Ísafirði. Þar segir að vegna mikils niðurskurðar hafi þurft að raða á ný og nefnir hann einnig að vegna mikilla hækkana á verkefnum sem þegar er unnið að hafi þurft að veita meira fjármagni í þau. Það þýði einfaldlega að verkefni færist aftar.
...
Meira