Þeir sem hyggjast hlaða bálkesti til að kveikja í þeim á gamlárskvöld eða á þrettándanum eða ætla að sækja um leyfi til sölu flugelda og til flugeldasýninga yfir hátíðarnar skulu sækja um slík leyfi fyrir 7. desember. Vegna umsóknar um brennu, flugeldasýningar eða sölu flugelda skal tilgreina ábyrgðarmann og leggja fram ábyrgðartryggingu. Með öllum umsóknum þarf að fylgja leyfi lóðareiganda eða húseiganda eftir atvikum.
...
Meira

Úthlutað var í gær úr Þjóðhátíðarsjóði fyrir 2010. Af sjö styrkjum sem renna til Vestfjarða og Vesturlands hljóta Félag áhugamanna um Bátasafn Breiðafjarðar á Reykhólum og Ólafsdalsfélagið þá hæstu eða eina milljón króna hvort félag. Aðeins eitt verkefni á landinu öllu fær hærri styrk og aðeins fjögur önnur jafnháan styrk. Hálfa milljón fær Þrísker ehf. til endurbyggingar á Hraðfrystihúsinu í Flatey.
...
Meira

Vegna veðurs og færðar verður afgreiðsla Sparisjóðsins ekki á Reykhólum í dag eins og venjulega á miðvikudögum. Gert er ráð fyrir að hún verði þar í staðinn á venjulegum tíma á morgun, fimmtudag.
...
Meira

Seinni úthlutun styrkja Menningarráðs Vestfjarða á árinu 2009 fer fram í húsakynnum Hlunnindasýningarinnar á Reykhólum núna á föstudaginn, 4. desember. Athöfnin sem er öllum opin hefst kl. 16. Verða þar afhent vilyrði um styrki frá Menningarráði Vestfjarða, en alls fá 37 verkefni framlög að þessu sinni. Styrkirnir eru á bilinu 150 þúsund til 1 milljón króna, samtals að upphæð 18,5 milljónir. Umsóknir sem bárust að þessu sinni voru 89 og var samtals beðið um 75 milljónir í verkefnastyrki.
...
Meira

Í undirbúningi er stofnun sprotafyrirtækis til að vinna að hugmyndum um sjávarfjallavirkjun í innfjörðum Breiðafjarðar. Bjarni M. Jónsson við Háskólasetur Vestfjarða á Ísafirði hefur undanfarin misseri unnið að rannsóknum og þróun á sviði virkjana sjávarfalla en leiðbeinandi hans við verkefnið er prófessor Þorsteinn Ingi Sigfússon, forstjóri Nýsköpunarmiðstöðvar Íslands. Í meistaraverkefni sínu kannaði Bjarni meðal annars fýsileika þess að virkja sjávarföllin í nokkrum innfjörðum Breiðafjarðar og gerði ítarlega mælingu á magni og dýpt sjávar í þessum fjörðum með það í huga að meta aflið sem virkja mætti samhliða brúun viðkomandi fjarða. Hugmyndin er að brúargerð og virkjun verði sameinuð í eina framkvæmd.
...
Meira

Minnt skal á jólamarkaðinn í Kaupfélagshúsinu í Króksfjarðarnesi um helgina, bæði á laugardag og sunnudag kl. 13-18 báða dagana. Félög sem starfa í Reykhólahreppi selja þar ýmsan varning til jólanna og aðrar vörur, svo sem kort, jólapappír, perur, kerti, handunna muni, greni og margt fleira, sjálfum sér til styrktar og öðrum til gagns og gamans. Auk þess verður Kvenfélagið Katla með kaffisölu. Seljendur á markaðinum eru Handverksfélagið Assa, Lionsklúbburinn, Vinafélag Barmahlíðar, Krabbameinsfélag Breiðfirðinga, Björgunarsveitin Heimamenn og Kvenfélagið Katla.
...
Meira

Öðru hverju eru gerðar einhverjar breytingar eða viðbætur á þessum vef þó að ekki beri alltaf mikið á þeim. Fram að þessu hefur tengillinn Eldri fréttir verið fyrir miðju neðan við neðstu frétt á forsíðunni. Núna hefur hann verið færður til vinstri en þar hægra megin hefur verið settur tengillinn Skoða allar fréttir. Prófið að smella á þá báða og líta á muninn á því sem þar birtist.
...
Meira

Háhraðanetsambandið sem komið var upp í Árneshreppi á Ströndum fyrir skömmu komst í gott lag eftir að nýja stöðin í Trékyllisvík var stækkuð í gær. Frá þessu greinir Jón G. Guðjónsson í Litlu-Ávík, sem heldur úti fréttavefnum Litla-Hjalla. Eins og fram hefur komið voru einungis vandræði með stöðina í Trékyllisvík af þeim sjö sem settar voru upp á Ströndum. Sala á tengingum á þessu svæði var meiri en reiknað var með og stöðin annaði ekki álaginu.
...
Meira

Heildarútsvarstekjur sveitarfélaga eru nærri átta milljörðum króna lægri að raunvirði í ár en í fyrra. Formaður Sambands íslenskra sveitarfélaga segir að færa verði þjónustuna í það horf sem var fyrir nokkrum árum. Mest er höggið á höfuðborgarsvæðinu en næstverst er ástandið á Austurlandi. Halldór Halldórsson, formaður Sambands íslenskra sveitarfélaga, segir sveitarfélögin reyna um þessar mundir að bregðast við þessu.
...
Meira

Sveitarfélög eru alvarlega að íhuga að fækka kennslustundum í grunnskólum í hagræðingarskyni. Halldór Halldórsson, formaður Sambands íslenskra sveitarfélaga og bæjarstjóri Ísafjarðarbæjar, segir það ekki skipta máli hvort kennslustundirnar séu 37 eða 35, það verði að hagræða í skólakerfinu eins og öðru. Hann segir að stefnt sé að því að minnka það framboð sem verið hafi og um leið verja störfin.
...
Meira