Samband íslenskra sveitarfélaga gagnrýnir að ítrekað séu lögð fram á Alþingi stjórnarfrumvörp sem hafi veruleg áhrif á fjármál sveitarfélaga án þess að áhrif þeirra á fjárhag sveitarfélaga hafi verið metin. Segir sambandið að þetta brjóti í bága við ákvæði samkomulags við ríkið sem gert var árið 2005 um kostnaðarmat lagafrumvarpa og stjórnvaldsfyrirmæla gagnvart sveitarfélögum. Þetta kemur fram í umsögn Sambands íslenskra sveitarfélaga um fjögur skattafrumvörp ríkisstjórnarinnar. Segir sambandið ljóst, að ýmis atriði í frumvörpunum muni valda sveitarfélögunum útgjaldaauka.
...
Meira

Slökkvilið Reykhólahrepps gekkst síðdegis í gær fyrir eldvarnaæfingu á Dvalarheimilinu Barmahlíð á Reykhólum og þar fyrir utan. Æfð var reykköfun í einni álmu heimilisins þannig að slökkviliðsmenn fóru blindandi inn og fundu fólk sem hafði falið sig þar. Einnig voru kveiktir eldar utan við húsið og voru starfsfólki heimilisins kennd handbrögðin við að slökkva eld. Allt starfsfólkið tók þátt í æfingunni.
...
Meira

Sýslumaðurinn á Patreksfirði, Úlfar Lúðvíksson, verður til viðtals á skrifstofu Reykhólahrepps við Maríutröð á Reykhólum í dag, föstudag, milli kl. 12 og 13. Minnt skal á, að viðtalstímar sýslumanns á Reykhólum eru jafnan birtir með nokkrum fyrirvara í reitnum Tilkynningar hér neðst til hægri á vefnum.
...
Meira

Út er komin hjá Vestfirska forlaginu bókin Matur og menning á suðursvæði Vestfjarða. Þar segir frá málþingi um þetta efni sem haldið var í Félagsheimili Patreksfjarðar 24. maí 2008. Rit þetta sýnir svart á hvítu hluta hinnar miklu fjölbreytni sem er að finna í náttúru og menningu á suðursvæði Vestfjarða. Í bókinni er fjöldi ljósmynda. Magnús Ólafs Hansson var helsti hvatamaður að málþinginu og útgáfu þessarar bókar en fjöldi áhugafólks var honum til stuðnings eins og eftirfarandi efnisyfirlit um erindi sem birt eru í bókinni sýnir:
...
Meira

Atvinnuleysi er mest á Suðurnesjum, 13%, en minnst á Vestfjörðum, 2,8%. Nú eru 134 á skrá yfir atvinnulausa á Vestfjörðum, 72 karlar og 62 konur, en voru 113 í lok október. Skráð atvinnuleysi á landinu öllu í nóvember var 8% eða að meðaltali 13.357 manns og hefur þeim fjölgað um 675 manns frá mánuðinum áður. Á sama tíma á síðasta ári var atvinnuleysi á landinu öllu 3,3% eða 5.445 manns skráðir atvinnulausir.
...
Meira

Handverkshópurinn Strandakúnst verður eins og endranær með jóla-handverksmarkað á Galdrasafninu á Hólmavík fyrir þessi jól. Hann verður opnaður í dag og er áætlað að hafa opið kl. 13-16 alla daga til jóla. Þar verður að vanda hægt að fá m.a. alls konar hlýtt og klæðilegt og þjóðlegt dót, handgert af Strandamönnum, unnið með ást og alúð úr ull og garni og heppilegt til að prýða og ylja þeim sem eru svo heppnir að eignast húfu, vettlinga, sokka eða peysur og trefla. Svo er ýmislegt annað á boðstólum, gott í gogginn, gott til gjafa og gott til að lýsa upp skammdegið, að því er fram kemur á Strandavefnum.
...
Meira

Netþjónustan Snerpa ehf. á Ísafirði varar netnotendur við tölvuormi sem dreifist í gegnum samskiptavefinn Facebook um þessar mundir. „Meðfylgjandi póstur (sjá mynd) er farinn að dreifast um netið og lítur hann eins út og verið sé að biðja notendur um að uppfæra upplýsingar um sig á Facebook. Þar sem vefurinn er mjög vinsæll sér Snerpa sérstaka ástæðu til að vara við slíkum póstum. Sé smellt á tengilinn í skeytinu er viðkomandi fluttur á vefsíðu í Brasilíu og boðið að opna viðhengi sem er væntanlega smygildi (spyware) sem getur mögulega stolið upplýsingum úr tölvu notandans eða jafnvel notað hana til að senda út ruslpóst,“ segir á vef Snerpu.
...
Meira

Arnarsetur Íslands í Reykhólahreppi, Edinborgarhúsið á Ísafirði og tónlistarhátíðin Aldrei fór ég suður fengu hæstu styrkina við seinni úthlutun Menningarráðs Vestfjarða á árinu 2009 sem fór fram á Reykhólum á föstudag. Voru þar afhent vilyrði um styrki til 37 verkefna að upphæð frá 150 þúsund krónum og upp í eina milljón, samtals 18,5 milljónir króna. Umsóknir sem bárust að þessu sinni voru 89 og var samtals beðið um 75 milljónir í verkefnastyrki.
...
Meira

Hinn hefðbundni konuhittingur á Skriðulandi í Saurbæ er annan þriðjudag í hverjum mánuði yfir veturinn. Desemberhittingurinn er í kvöld, þriðjudagskvöldið 8. desember. Hann hefst að venju kl. 20 og stendur eins lengi og hentar. Léttar veitingar í boði. Konur hafi með sér einhverja handavinnu. Karlar eru líka velkomnir með handavinnu þótt ekki hafi borið mikið á þeim á þessum samverustundum til þessa.
...
Meira

Vikublaðið Bæjarins besta og fréttavefurinn bb.is á Ísafirði efna nú níunda árið í röð til kosningar á Vestfirðingi ársins. Svæðið sem valið nær til er allur Vestfjarðakjálkinn norðan Gilsfjarðar og Bitrufjarðar. Til að koma tilnefningum á framfæri þarf að fylla út sérstakt form á síðunni bb.is (sjá tengil hér fyrir neðan). Fólk er hvatt til að taka þátt í valinu og tilnefna þann Vestfirðing sem þeir telja að verðskuldi þessa nafnbót. Sá sem útnefninguna hlýtur fær henni til staðfestingar veglegan farandgrip frá skartgripaversluninni Gullauga á Ísafirði. Hægt er að skila inn tilnefningum til 31. desember.
...
Meira