Kunnugleg andlit úr þáttunum / RÚV.

Félagsmálaráðherra hefur veitt milljónastyrk til gerðar sjónvarpsefnis í þáttaröðinni Með okkar augum. Þættirnir eru liður í vitundarvakningu um stöðu fatlaðs fólks og hafa þegar skapað sér sess í sjónvarpsstofum landsmanna, því að alls hafa verið framleiddir 30 þættir sem sýndir hafa verið á RÚV. Þættirnir hafa notið vinsælda og meðal annars verið tilnefndir þrisvar til Eddu-verðlaunanna.

Þarna eru m.a. Ása í Hólabúð og Inga Birna sveitarstjóri með jólasveinahúfur en hægra megin við þær eru tveir jólasveinahúfulausir jólasveinar með hálfétin epli.

Nokkur leikskólabörn tylltu sér á jörðina eftir sönginn við tréð.

Göngum við í kringum - að vísu ekki einiberjarunn í þetta sinn.

« 1 af 3 »

Ljósin á jólatré Reykhólahrepps við Barmahlíð á Reykhólum voru kveikt núna í morgungrámanum. Auk annarra komu nemendur og starfsfólk Reykhólaskóla og gengið var í kringum tréð og sungin jólalög. Ása og Reynir í Hólabúð (sem alveg eins má kalla Jólabúð um þessar mundir) gáfu síðan öllum epli.

Sláttumaður (úr Geiradal) að verki í Ólafsdal við Gilsfjörð sumarið 2008.

Bjarni Guðmundsson með gítarinn sinn á Ólafsdalshátíð.

« 1 af 3 »

Allnokkrir hafa haft samband við Bjarna Guðmundsson prófessor á Hvanneyri og spurst fyrir um það hvar fáanleg sé bókin hans Íslenskir sláttuhættir, sem út kom í haust. Á vef Landbúnaðarsafns Íslands segir Bjarni m.a.: „Bókin mun ekki, skv. lauslegri athugun, hafa lent í því safni titla sem dagvöruverslanir telja að best henti landsmönnum fyrir þessi jól.“

Þórir Bergmundsson, háls-, nef- og eyrnalæknir, verður með móttöku á Heilsugæslustöðinni í Búðardal á föstudag, 18. desember. Tímapantanir í síma 432 1450.

Séð yfir hluta Reykhólaþorps. © Artur K.

Þessi mynd er tekin niðri í Karlsey. Reykhólar uppljómaðir, stjörnumergð á himni og norðurljósin speglast í sjónum. © Artur K.

Frá Reykhólahöfn. © Artur K.

Reykhólakirkja er jafnan bleiklýst í októbermánuði en núna er hún rauðlýst. © Artur K.

« 1 af 4 »

Artur Kowalczyk á Reykhólum var á stjái með myndavélina í fyrrakvöld í hreinu og stilltu fremur köldu veðri með stjörnubjörtum himni og bragandi norðurljósum. Hér birtast með góðfúslegu leyfi nokkrar af myndunum sem hann tók.

Ljósin á jólatrénu framan við Barmahlíð á Reykhólum verða tendruð á mánudagsmorgun kl. 11. Börnin og unglingarnir í leikskólanum og grunnskólanum koma, Hólabúð ætlar að gefa þeim epli og aldrei að vita nema sungin verði nokkur jólalög. Skrifstofa Reykhólahrepps og Hólabúð verða lokaðar meðan hátíðin fer fram.

Eins og fram kemur í auglýsingu hér fyrir ofan liggur frammi í Hólabúð á Reykhólum listi þar sem fólk getur pantað hátíðamat fyrir jólin og áramótin. Þau Ása og Reynir í Hólabúð vilja koma því á framfæri, að panta þarf sem fyrst og í allra síðasta lagi fimmtudaginn 17. desember svo að veisluföngin nái á Reykhóla í tæka tíð.

Sr. Jóhanna I. Sigmarsdóttir sóknarprestur stefnir að því að halda aðventukvöld í Reykhólakirkju núna á sunnudaginn kl. 20, þriðja sunnudag í aðventu. Samveran átti að vera síðasta mánudagskvöld en var frestað af skiljanlegum ástæðum. Eins og nú horfir eru aftur á móti líkur á þokkalegasta veðri miðað við árstíma. Dagskráin er fjölbreytt:

Myndir: Ingimundur Pálsson / OV.

« 1 af 5 »

Mjög mikið tjón varð á dreifi- og flutningskerfi raforku á Vestfjörðum í fárviðrinu mikla. Vel á annað hundrað stæður og staurar brotnuðu og margir fleiri eru laskaðir. Ingimundur Pálsson, starfsmaður Orkubús Vestfjarða á Hólmavík, tók í gær meðfylgjandi myndir af skemmdum og viðgerðum í Ísafjarðardjúpi.

Mjólkárvirkjun í Arnarfirði.

Orkubú Vestfjarða minnir á, að umsóknir um styrki til samfélagsverkefna á Vestfjörðum þurfa að berast í síðasta lagi á morgun, föstudag. Sjá nánar hér: