Hvernig kemur samfélag sér saman um helstu gildi og framfaramál? Um þessar mundir undirbýr Framfarafélag Flateyjar svokallaðan Samfélagssamning Flateyinga. Samningurinn er afrakstur Eyjaþings sem haldið var í ágúst á síðasta ári. Samningurinn hefst á þessum orðum: „Okkur er ljóst að lífið hefur hagað því svo að við erum um skeið gæslumenn Flateyjar, náttúru, menningar og sögu, og fáum að njóta hér einstakra gæða meðan svo varir.“ Öllum sem þess óska og tengjast Flatey býðst að skrifa undir samninginn, íbúum sem eiga þar lögheimili eða hafa þar dvalarstað, þeim sem sinna þjónustu við Flatey og Flateyinga, þeim sem tengjast skipulags-, umhverfis- og verndarmálum og þeim sem fara með stjórnsýslu fyrir Flatey.
...
Meira

Í tilefni af 60 ára afmæli Krabbameinsfélagsins verður Heilsuhlaup Krabbameinsfélagsins haldið í tuttugasta sinn á morgun, miðvikudag, og verður ræst kl. 19 við hús Krabbameinsfélagsins, Skógarhlíð 8 í Reykjavík. Húllumhæ fyrir alla fjölskylduna, leikir og keppni hefjast um kl. 18 og númer afhent. Upphitun hefst kl. 18.40. Vegalengdir 3 km og 10 km með tímatöku. Hægt er að velja um 3 kílómetra skokk eða göngu frá Skógarhlíð að Öskjuhlíð og til baka eða 10 kílómetra hlaup suður fyrir Reykjavíkurflugvöll og til baka.
...
Meira

Með vísan í 2. mgr. 30 gr. skipulagslaga nr. 123/2010 kynnir Reykhólahreppur tillögu að breytingu á aðalskipulagi Reykhólahrepps 2006-2018. Hún fjallar um breytingu á Vestfjarðavegi frá Eiði í Vattarfirði að Þverá í Kjálkafirði. Tillagan ásamt umhverfisskýrslu verður til sýnis á skrifstofu Reykhólahrepps, Maríutröð 5a á Reykhólum, miðvikudaginn 8. júní kl. 12-16. Fulltrúar sveitarfélagsins verða á staðnum og svara fyrirspurnum.
...
Meira

Opinn fundur í fundaröð Öryrkjabandalags Íslands (ÖBÍ) undir yfirskriftinni Fatlað fólk á tímamótum, eru mannréttindi virt? verður í Reykhólaskóla á morgun, miðvikudag, og hefst kl. 15. Yfirfærsla á þjónustu fyrir fatlað fólk frá ríki til sveitarfélaga fór fram um síðustu áramót. Öryrkjabandalag Íslands heldur af því tilefni fræðslu- og umræðufundi víðs vegar um landið. Fundarboðendur hvetja fólk í nærliggjandi sveitarfélögum til að koma og kynna sér hvað er að gerast í þessum málum.
...
Meira

Saminganefnd starfsmanna Þörungaverksmiðjunnar á Reykhólum náði á föstudagskvöld að lenda kjaraviðræðum við Samtök atvinnulífsins og fulltrúa eigenda verksmiðjunnar með endurnýjun kjarasamnings til þriggja ára. „Óhætt er að segja að meginmarkmið samninganefndar að ná auknum kjarabótum fyrir þá lægst launuðu hafi tekist og vel það“, segir á vef Verkalýðsfélags Vestfirðinga. Samninganefndin lagði upp með tvær launatöflur, aðra fyrir dagvinnufólk og hina fyrir vaktmenn. Niðurstaðan er sú, að á samningstímanum hækka byrjunarlaun dagvinnufólks um rúmlega 50 þúsund krónur eða tæp 30%. Laun vaktmanna taka sömu hækkunum og samið var um í almenna samningnum og hækka um 34 þúsund krónur á samningstímanum eða um rúm 20%.
...
Meira

Frá og með næsta föstudegi (10. júní) og til 14. ágúst verður opið í versluninni Hólakaupum á Reykhólum tólf tíma á dag alla daga eða frá kl. 10 til 22. „Og svo er kallinn alltaf mættur dálítið fyrr“, segir Eyvi kaupmaður. Í staðinn fyrir „dálítið fyrr“ væri að vísu nær að segja „löngu fyrr“ ...
...
Meira

„Galakvöld“ var haldið hjá Grunnskólanum á Hólmavík í síðustu viku en þá buðu þrír elstu bekkir skólans krökkunum á Reykhólum í fínan kvöldverð og á ball. Galakvöldið var haldið í Bragganum og sáu foreldrar um veitingar og þjónuðu til borðs. Allir voru klæddir í sitt fínasta púss og skemmtu sér langt fram eftir nóttu. Eftir matinn byrjuðu krakkarnir á að dansa gömlu dansana enda vel að sér í þeim efnum en svo tók við trylltur diskódans. Um nóttina gistu krakkarnir í skólanum.
...
Meira

Námskeiðið Ferðataskan, ætlað öllum sem tengjast ferðaþjónustu, verður haldið í Leifsbúð í Búðardal næstu þrjá daga (7.-9. júní) frá kl. 13 til 18 hvern dag. Símenntunarmiðstöðin á Vesturlandi stendur að námskeiðinu. Helstu þættir þess eru:
...
Meira

Samkvæmt lauslegri talningu komu eitthvað liðlega hundrað gestir á opna húsið á nýju bátaverndar- og hlunnindasýningunni á Reykhólum í gærkvöldi. Léttar veitingar annaðist Steinar í Álftalandi. „Við viljum endilega þakka öllum þeim sem komu og fyrir allan þann stuðning sem sýningin hefur fengið. Þetta var ákaflega vel heppnað kvöld“, segir Harpa Eiríksdóttir, ferðamálafulltrúi Reykhólahrepps.
...
Meira

Einleiknum Ótuktinni (eftir bók Önnu Pálínu Árnadóttur um baráttuna við krabbameinið) sem vera átti á Hólmavík á morgun hefur verið frestað fram á haust af óviðráðanlegum ástæðum. Stefnt er að því að sýna leikritið á Hólmavík þann 25. ágúst í staðinn.
...
Meira