„Það eru aðrar leiðir færar í þessu máli - það er hægt að leggja göng í gegnum hálsana, brúa Þorskafjörð, fara utan við annan hálsinn og í gegnum hinn. Við þurfum ekki endilega að fara í gegnum Teigsskóg og storka dómum Hæstaréttar til þess að íbúar á sunnanverðum Vestfjörðum komist öruggir leiðar sinnar út úr fjórðungnum. Málið er hægt að leysa með því einu að samgönguyfirvöld líti raunhæft á aðra þá valkosti sem eru í stöðunni.“
 ...
Meira

Natasha Monay Royal frá Dansskóla Jóns Péturs og Köru verður með námskeið í breikdansi (break) í Reykhólaskóla vikuna 28. mars til 1. apríl, sem Ungmennafélagið Afturelding gengst fyrir. Það er ætlað börnum sem verða sex ára á árinu og eldri. Gjaldið er kr. 4.500. Skráning hjá Guðrúnu í síma 865 5237 og Herdísi í síma 690 3825. Stjórn Aftureldingar vonast til að sem flestir nýti sér þetta tækifæri.
...
Meira

Ferðamálasamtök Vestfjarða hafa gert kauptilboð í meirihluta hlutafjár í ferðaskrifstofunni Vesturferðum á Ísafirði. Samkvæmt tilkynningu er ætlunin með kaupunum, ef af verður, að tryggja öfluga upplýsinga- og sölugátt með skilvirkri bókunarþjónustu sem allir ferðaþjónar í fjórðungnum hafi aðgang að. Hugmyndin er að opna stóran markað þar sem hægt verður að kaupa beint gistingu, afþreyingu, ferðapakka og annað sem vestfirsk ferðaþjónusta hefur að bjóða. „Eins og staðan er í dag, þá getur verið frekar flókið að átta sig á hvað er raunverulega í boði í fjórðungnum og skilaboð eru oft misvísandi“, segir í tilkynningunni.
...
Meira

Á fundi í Sjóræningjahúsinu á Patreksfirði í dag var afhent áskorun til þingmanna Norðvesturkjördæmis, þar sem þeir eru hvattir til að styðja framkomið frumvarp til laga um að heimila svonefnda B-leið á Vestfjarðavegi nr. 60 um Reykhólahrepp. Um eitt þúsund undirskriftir voru afhentar. Í tilkynningu sem var að berast frá þeim sem stóðu að söfnun undirskriftanna og fundinum og boðuðu þangað alla þingmenn kjördæmins segir orðrétt:
...
Meira

Hár flutningskostnaður bæði fyrir aðföng og afurðir á markað, stopular samgöngur og léleg samningsstaða við birgja vegna smæðar heimamarkaðarins eru þau vandamál sem starfandi verslunarfyrirtæki standa helst frammi fyrir sem áskoranir. Í þeim erfiðleikum sem verslunareigendur eiga sameiginlegt á landsbyggðinni kristallast vandi lítilla og meðalstórra fyrirtækja á landsbyggðinni, bæði í verslun, þjónustu og litlum iðnaði, sem og stærri fyrirtækja, segir Guðrún Eggertsdóttir, verkefnastjóri Atvinnuþróunarfélags Vestfjarða, í grein á vef Byggðastofnunar. Einnig segir hún:

...
Meira

Aðalfundur Ferðamálasamtaka Vestfjarða (FMSV) verður laugardaginn 2. apríl í Skrímslasetrinu á Bíldudal og hefst klukkan níu um morguninn. Dagskrá vegna fundarins hefst að venju kvöldið áður. Þá verða umræður um vinnuna sem framundan er í verkefnum samkvæmt stefnumótun samtakanna og hefjast þær kl. 20. Eftir aðalfundinn sjálfan verður kynning á Vatnavinaverkefninu sem hefst kl. 11 á laugardagsmorgun. Eftir hádegi munu ferðaþjónar á sunnanverðum Vestfjörðum kynna þá þjónustu sem þar er í boði. Farið verður í stutta kynnisferð seinnipart laugardags og síðan endað með hátíðarkvöldverði á veitingahúsinu Vegamótum á Bíldudal.
...
Meira

„Refastofninn hefur augljóslega stækkað mikið síðustu ár þrátt fyrir að töluverð vinna sé lögð í að halda stofninum í skefjum. Það er alveg ljóst að ef grenjavinnsla leggst af verður gríðarleg sprenging í fjölgun refa með mjög alvarlegum afleiðingum fyrir náttúruna. Menn hafa í aldaraðir haldið þessu í jafnvægi og mikilvægt er að þessu starfi sé haldið áfram“, segir Guðmundur Steinar Björgmundsson, bóndi á Kirkjubóli í Valþjófsdal í Önundarfirði.
...
Meira

Landssamtök landeigenda á Íslandi lýsa þungum áhyggjum vegna hugmynda sem starfshópur landbúnaðarráðherra hefur sett fram um breytingu á jarðalögum og varða ábúðarskyldu á jörðum. Samtökin benda á, að nóg er til af ræktanlegu landi á Íslandi, gagnstætt því sem er í Danmörku og Noregi sem vinnuhópur landbúnaðarráðherra kýs að nefna til samanburðar. „Hér er því engin ástæða til að óttast um að fæðuöryggi sé stefnt í hættu vegna þess að skortur sé á landrými til landbúnaðar“, segir í tilkynningu frá samtökunum.
...
Meira

Mikið umstang var í Kaupfélagshúsinu gamla í Króksfjarðarnesi um og eftir síðustu helgi, þegar þar fóru fram upptökur vegna auglýsingar fyrir nýjan BMW Mini Cooper. Að verki voru kvikmyndafyrirtækið TrueNorth Ísland og breska auglýsingastofan Thomas Thomas. Alls komu hátt í sextíu manns að þessu verki og meðal aukaleikara og starfsmanna var margt heimafólk. Vinnan stóð yfir í þrjá daga en afraksturinn á að verða 45 sekúndna auglýsingamynd. Tveir bílar af hinni nýju gerð voru á staðnum. Útlitinu er enn haldið vandlega leyndu og þýskur öryggisvörður gætti þess að ekki tækju aðrir myndir af bílunum en þeir sem það áttu að gera.
...
Meira

Þingmenn Norðvesturkjördæmis koma á fund í Sjóræningjahúsinu á Patreksfirði kl. 15 á morgun, föstudag, þar sem þeim verða afhentir undirskriftalistar vegna uppbyggingar Vestfjarðavegar nr. 60 í Reykhólahreppi. Þeir sem stóðu að söfnun undirskriftanna hvetja fólk á suðursvæði Vestfjarða til að koma á fundinn og sýna með því samstöðu. „Haus“ undirskriftalistanna er þannig:
...
Meira