Hilmar Þór Björnsson arkitekt skrifar öðru hverju greinar á bloggi sínu á vefritinu Eyjunni um sitthvað er varðar húsagerðarlist og skipulagsmál. Í gær birti hann grein sem ber heitið Húsin í Flatey - I. Þeirri umfjöllun fylgja skemmtilegar vetrarmyndir úr Flatey á Breiðafirði, sem Ágúst Atlason tók á ferð sinni þar fyrir skömmu. „Það er óvenjulegt að sýndar séu vetrarmyndir frá Flatey“, segir Hilmar Þór. Enn skal á það minnt, að Flatey er, eins og mestur hluti Breiðafjarðareyja, innan vébanda Reykhólahrepps. Inngangsorð Hilmars Þórs eru á þessa leið:
...
Meira

Aðstandendur undirskriftasöfnunarinnar til stuðnings Leið B á Vestfjarðavegi nr. 60 um Reykhólahrepp hafa sent vefnum tillögu til þingsályktunar ásamt greinargerð, með ósk um birtingu. Á fundi á Patreksfirði á föstudag var þingmönnum afhentur afrakstur söfnunarinnar, um eitt þúsund undirskriftir. Upphafsmálsgrein sem fylgir umræddri tillögu til skýringar er á þessa leið: „Vegna framkominnar tillögu til þingsályktunar frá Merði Árnasyni og Róbert Marshall, þingskjal 1088, 623. mál, um þjóðgarð við Breiðafjörð norðanverðan, er fram komin ný tillaga til þingsályktunar um „þjóðargarð“ og er leitað að flutningsmönnum tillögunnar á Alþingi.“
...
Meira

Reykhólahreppur óskar eftir tilboðum frá áhugasömum sem vilja taka að sér sumarrekstur í Reykhólaskóla sumarið 2011. Leigutími er frá 1. júní til 25. ágúst. Húsnæðið sem reksturinn gæti tekið til er gamla heimavistin í skólanum, íþróttahúsið, borðsalur skólans og tvö eldhús. Allur búnaður sem fyrir er fylgir, þ.e. borð, áhöld og borðbúnaður og dýnur í rúmum. Þegar eru bókanir í gistingu í sumar. Hægt verður að vera með veitingarekstur í skólanum skv. leyfi fyrir gistirými í III. flokki.
...
Meira

Þingmennirnir Mörður Árnason og Róbert Marshall hafa lagt fram þingsályktunartillögu, sem felur það í sér að umtalsverður hluti Reykhólahrepps verði gerður að þjóðgarði. Jafnframt leggjast þeir gegn því að valin verði Leið B um vesturhluta Reykhólahrepps, eins og fram kemur í greinargerð með tillögunni. Sjálf tillagan hljóðar svo: „Alþingi felur umhverfisráðherra að undirbúa stofnun þjóðgarðs við norðanverðan Breiðafjörð, á svæðinu milli Þorskafjarðar og Vatnsfjarðar. Ráðherra lýsi undirbúningi sínum fyrir Alþingi í formi lagafrumvarps eða skýrslu fyrir árslok 2011.“
...
Meira

Kjörstaður í Reykhólahreppi í þjóðaratkvæðagreiðslunni um IceSave-samningana 9. apríl verður í Bjarkalundi og stendur kjörfundur frá kl. 10 til 18. Kjörskrá liggur frammi á skrifstofu Reykhólahrepps á Reykhólum. Atkvæðagreiðsla utan kjörfundar, sem verður á skrifstofu Reykhólahrepps, verður auglýst sérstaklega á ákveðnum degi hér á vef hreppsins.
 ...
Meira

Vandi verslunarrekstrar á landsbyggðinni er yfirskrift greinar sem Eyvindur Magnússon kaupmaður í Hólakaupum á Reykhólum ritar hér á vefinn. Þar nefnir hann atriði eins og of strjálar ferðir með vörur, engar beinar ferðir frá Reykjavík, mikinn flutningskostnað og fleira. Til skamms tíma kom rútukálfur einu sinni í viku (á sunnudögum) frá Borgarnesi að Reykhólum og með honum mátti fá eitthvað af vörum. Þeim ferðum var hætt núna um áramótin og síðan kemur rútan aðeins í Króksfjarðarnes og fer þaðan um Arnkötludal til Hólmavíkur.
...
Meira

Þörungaverksmiðjan hf. á Reykhólum ásamt starfsmannafélagi sínu bauð starfsfólki í sitt árlega hópefli fyrr í mánuðinum við góðar undirtektir þátttakenda. Hópeflið var haldið til undirbúnings fyrir komandi þangvertíð rétt eins og var gert með góðum árangri á síðasta ári. Þangvertíð verksmiðjunnar hefst núna í byrjun apríl. Tilgangurinn með hópeflinu er að þjappa mannskapnum saman til að ná markmiðum sínum fyrir fyrirtækið á þessu ári. Til aðstoðar við undirbúninginn var fengið fyrirtækið Practical sem sérhæft er í verkefnum af þessu tagi.
...
Meira

Kór Menntaskólans við Hamrahlíð syngur við messu í Reykhólakirkju á morgun, sunnudag kl. 14, eins og hér hefur áður verið getið. Stofnandi kórsins fyrir tæpum 44 árum og stjórnandi enn í dag er Þorgerður Ingólfsdóttir. Á efnisskránni eru íslensk og erlend tónverk. Um þessar mundir er kórinn skipaður 87 nemendum MH á aldrinum frá sextán ára til tvítugs. Sr. Elína Hrund Kristjánsdóttir sóknarprestur annast messugerðina.
...
Meira

Það sem helst virtist gera mun þeirra systranna, gerði jeg mjer jafnan í hugarlund, að stafaði fremur frá lífskjörum þeirra en upplagi. Herdís átti það til að vera skapharðari og þyngri á bárunni. Ef til vill átti það rætur sínar að rekja til þess, að hún hafði notið enn minni hlýju í uppvextinum en Ólína, sem var meira með móður sinni, og auk þess var sumt í lífsreynslu Ólínu af því tagi, að það þrúgaði hana meira en erfiðleikar þeir, sem Herdís varð að bera. Samt gekk enginn þess dulinn, sem þekti þær báðar, að mildi Ólínu var samantvinnuð við óbifanlegan skapstyrk og í fastlyndi Herdísar var ofið heitum og næmum tilfinningum.

...
Meira

Undir tenglinum Sjónarmið / Aðsent efni í valmyndinni hér vinstra megin er að finna greinarkorn með ábendingum sem einhverjum lesendum gætu hugsanlega gagnast, og öðrum sem vefnum sjálfum og sveitarfélaginu í heild gætu gagnast vel. Pistillinn ber heitið Nokkur orð til lesenda og notenda þessa vefjar.
...
Meira