Stjórn samtakanna Landsbyggðin lifi skorar á Alþingi og ríkisstjórn að binda í lög hvaða opinber þjónusta skuli vera á hverju landsvæði fyrir sig, með það að markmiði að þjónustustig sé ekki skert á þann hátt að fólki sé mismunað eftir landsvæðum. Einnig er mikilvægt að rekstrarhagræðing skili raunverulegum sparnaði en felist ekki einungis í flutningi á þjónustu og þar með kostnaði milli landsvæða og standa þannig vörð um hagsmuni íbúa landsins alls til framtíðar, hvort sem í hlut eiga fámennar byggðir eða þéttbýli.
...
Meira

Vegna veðurs og færðar komst hinn nýi félagsmálastjóri Reykhólahrepps og Stranda, Hildur Jakobína Gísladóttir, ekki til viðveru á Reykhólum í dag, fimmtudag, eins og til stóð. Hins vegar er nú áformað að hún verði á Reykhólum á mánudag.
...
Meira

Í tilefni af síðustu fréttinni hérna á undan, þar sem auglýst er eftir umsóknum um styrki úr fornleifasjóði, er sett hér inn fréttagrein sem undirritaður skrifaði umbeðinn haustið 2006 fyrir eitthvert blað, sennilega Morgunblaðið, og fann geymda í tölvunni. Jafnframt tók undirritaður þá myndir frá fornleifagrefti á Hofsstöðum og fylgir hér ein þeirra.
...
Meira

Fornleifasjóður auglýsir eftir umsóknum um styrki úr sjóðnum skv. 24. gr. þjóðminjalaga nr. 107/2001. Úthlutunarreglur sjóðsins er að finna hér á vef mennta- og menningarmálaráðuneytis. Veittir verða styrkir til verkefna sem stuðla að varðveislu og rannsóknum á fornleifum og forngripum. Á fjárlögum 2011 eru 17,2 milljónir til ráðstöfunar. Umsóknarfrestur er til 1. mars 2011.
...
Meira

Ef næg þátttaka fæst verður boðið upp á námskeið um ævi og störf rithöfundarins Guðrúnar frá Lundi í fjarfundabúnaði vítt og breitt um Vestfirði (og víðar á landsbyggðinni) núna í febrúar. Skráning til 10. febrúar.
...
Meira

Fyrir skömmu komu í leitirnar á Þjóðskjalasafni áður ókunn skjöl um veru Fjalla-Eyvindar og Höllu í Drangavíkurfjalli á Ströndum, barnsfæðingu þar og handtöku vorið 1763. Einnig um réttarhöld yfir þeim í Árnesi í Trékyllisvík og á Hrófbergi við Steingrímsfjörð sama vor og dóm sem upp var kveðinn á Broddanesi í Kollafirði 30. maí sama ár. Núna á laugardaginn, 5. febrúar kl. 16, flytur Kjartan Ólafsson, fræðimaður og fyrrverandi alþingismaður og ritstjóri, fyrirlestur í Skelinni, lista- og fræðimannadvöl Þjóðfræðistofu á Hólmavík, um þessa merku uppgötvun undir titlinum Nýjar fréttir af Fjalla-Eyvindi á Ströndum. Heitt verður á könnunni og allir velkomnir.
...
Meira

Hildur Jakobína Gísladóttir, sem fyrir skömmu var ráðin í hina nýju stöðu félagsmálastjóra Reykhóla og Stranda, hefur störf í dag, 1. febrúar. Hún er boðin hjartanlega velkomin. Hildur er með aðsetur á skrifstofu Strandabyggðar en mun hafa viðveru í Reykhólahreppi einu sinni í viku, í fyrsta sinn núna á fimmtudaginn, 3. febrúar. Hægt er að hafa samband við Hildi í síma 451 3510 og í netfanginu felagsmalastjori@strandabyggd.is. Íbúar Reykhólahrepps eru hvattir til að nýta sér þjónustu hennar.
...
Meira

Hinn mánaðarlegi súpufundur í húsnæði Hlunnindasýningarinnar á Reykhólum verður á fimmtudag, 3. febrúar, og hefst kl. 18.30. Að þessu sinni kynnir Jón Árni Sigurðsson á Reykhólum fyrirtækið Gullstein, sem framleiðir hunda- og kattanammi, þaratöflur og fleira. Útflutningur er orðinn verulegur, einkum til Þýskalands.
...
Meira

„Það er auðvitað afleitt að fugl eins og örninn, sem hefur verið friðaður í næstum hundrað ár, skuli enn vera skotinn í svona ríkum mæli“, segir Kristinn Haukur Skarphéðinsson, sérfræðingur hjá Náttúrufræðistofnun Íslands. Í nýútkomnu tölublaði Fugla, ársrits Fuglaverndar, kemur fram í grein Kristins Hauks að um fjórðungur arna sem finnast dauðir hafi verið skotinn þótt þeir hafi e.t.v. ekki allir drepist af skotinu. Kristinn Haukur segir raunar, í viðtali við Fréttatímann, að þetta gildi ekki aðeins um konung íslenskra fugla því annar alfriðaður ránfugl, fálkinn, sé skotinn í svipuðu hlutfalli.
...
Meira

Ráðherra velferðarmála veitir styrkina, sem veittir hafa verið ár hvert síðan 1991. Konur sem hafa góðar viðskiptahugmyndir eða reka fyrirtæki og eru að þróa nýjar vörur eða þjónustu geta sótt um styrki sem geta numið allt að tveimur milljónum króna. Fyrirtækið eða verkefnið þarf að vera í eigu konu eða kvenna a.m.k. að hálfu. Í hugmyndinni þarf að vera nýnæmi eða nýsköpun, auk þess sem hún þarf að skapa atvinnu til frambúðar. Ekki er skilyrði að vera með starfandi fyrirtæki.
...
Meira