Veigamikil og fjölbreytt dagskrá verður á sunnudag í Ólafsdal við Gilsfjörð. Ólafsdalshátíðin er að þessu sinni haldin í minningu þess að 130 ár eru liðin frá stofnun fyrsta búnaðarskóla hérlendis. Aðgangur að viðburðum á dagskránni er ókeypis, en hún stendur frá kl. 13 til kl. 17. Hana má sjá hér í einstökum atriðum (pdf). Tekið er fram að netsamband er enn stopult í Ólafsdal og því eru gestir beðnir að hafa með sér lausafé hafi þeir hug á að versla á markaði eða taka þátt í happdrætti.
...
Meira

Hin árlega messa í Flateyjarkirkju á Breiðafirði verður haldin á morgun, laugardaginn 7. ágúst kl. 14. Undirleikari í ár er Viðar Guðmundsson og kór Reykhólaprestakalls mun leiða sönginn. Prestur er sr. Elína Hrund Kristjánsdóttir sóknarprestur.
...
Meira

Í dag og á morgun (föstudag og laugardag) verður BYMOS - Byggingavöruverslun Mosfellsbæjar með efni og skreytingar til sölu fyrir Reykhóladaginn á góðu verði hjá Ingibjörgu Þór að Hellisbraut 38 á Reykhólum. Skreytingarnar eru í samræmi við þá litaskiptingu byggðarlagsins sem ákveðin hefur verið eða í litunum fjólublátt, appelsínugult og rautt.
...
Meira

Reykhólahreppur óskar eftir að ráða starfsmann til að sinna heimilishjálp hjá einum eldri borgara í sveitarfélaginu. Um er að ræða vikulegt hlutastarf. Nánari upplýsingar á skrifstofu Reykhólahrepps.
...
Meira

Þær systur á Stað á Reykjanesi, Védís Fríða (átta ára) og Aníta Hanna (fimm ára) brugðu sér að veiða í ánni á Stað, sem raunar var lítið annað en lækur eftir langvarandi þurrka í sumar. Veiðarfærin voru lítil barnaveiðistöng og spúnn, en ekki komu þær systur tómhentar heim því að þær lönduðu 900 gramma bleikju. Þær eru reyndar búnar að vera að veiða þorsk og makríl en hafa alltaf fengið nokkuð mikla hjálp þangað til þær skelltu sér í þetta og kláruðu með glæsibrag. Enda voru litlu konurnar sem komu heim með veiðina að springa af stolti.
...
Meira

Þjóðskáldið séra Matthías Jochumsson er eflaust þekktasti sonur Reykhólasveitar. Síðar á þessu ári eru liðin 175 ár frá fæðingu hans í Skógum við Þorskafjörð. Á morgun, laugardaginn 31. júlí, verður af þessu tilefni haldið málþing að Nýp á Skarðsströnd. Þar munu Kristján Árnason, þýðandi og bókmenntafræðingur, og Þórunn Erlu-Valdimarsdóttir, rithöfundur, fjalla um skáldið og verk hans. Kristján flytur erindi um þýðingar og skáldskap séra Matthíasar en Þórunn fjallar um æviferil skáldsins og bernsku í Skógum. Fyrir nokkrum árum ritaði Þórunn ævisögu séra Matthíasar, eins og kunnugt er. Að loknum erindum verða almennar umræður. Málþingið hefst kl. 15 og ráðgert er að það standi í tvo tíma.
...
Meira

Kosið var til sveitarstjórnar Reykhólahrepps í dag en kosningarnar 29. maí voru á sínum tíma úrskurðaðar ógildar. Aðalmenn í nýrri hreppsnefnd til fjögurra ára samkvæmt kosningunum í dag eru í þessari röð: Andrea Björnsdóttir (106 atkvæði), Eiríkur Kristjánsson (103 atkvæði), Ásta Sjöfn Kristjánsdóttir (95 atkvæði), Sveinn Ragnarsson (82 atkvæði), Gústaf Jökull Ólafsson (72 atkvæði).
...
Meira

Kosningar til sveitarstjórnar Reykhólahrepps fara fram laugardag 24. júlí. Kosið er á skrifstofu Reykhólahrepps, Maríutröð 5a á Reykhólum. Kjörfundur hefst kl. 9 og stendur til kl. 18. Auglýsingu frá kjörstjórn má sjá hér.
...
Meira

Hreppsnefnd Reykhólahrepps auglýsir breytingu á samþykktu deiliskipulagi á frístundabyggð í landi Fremri-Gufudals í Reykhólahreppi. Breytingin felur í sér fjölgun sumarhúsalóða úr fimm í sex auk lóðar fyrir íbúðarhús. Skipulagsuppdráttur ásamt greinargerð er til sýnis á skrifstofu Reykhólahrepps frá 22. júlí til 22. ágúst. Þeim sem telja sig eiga hagsmuna að gæta er hér með gefinn kostur á að gera athugasemdir við tillöguna. Athugasemdum skal skila til skipulags- og byggingafulltrúa Reykhólahrepps fyrir 7. september og skulu þær vera skriflegar.
...
Meira

Undirbúningsnefndin vegna Reykhóladagsins 2010 er komin á fullan skrið að undirbúa hátíðina. Sú breyting verður nú frá fyrri árum að sjálfur Reykhóladagurinn, sem verður laugardaginn 28. ágúst, verður með „viðhengi" bæði daginn áður og daginn eftir. Ákveðið hefur verið að hvetja fólkið í hreppnum til að skreyta hús sín þessa daga með ákveðnum litum líkt og þekkist frá t.d. Hólmavík og núna um daginn frá Bolungarvík. Sveitabyggðin í Reykhólahreppi fær rauða litinn, Reykjabraut öll og Hellisbraut austur að Grettiströð appelsínugulan lit og Hellisbraut frá Grettiströð að Hólakaupum fjólubláan. Nefndin hvetur jafnframt til þess að fólk hafi snyrtilegt í kringum sig.
...
Meira