Hefðbundinn mánaðarlegur konuhittingur verður á Skriðulandi í kvöld, þriðjudagskvöldið 9. febrúar. Hann hefst að venju kl. 20 og stendur eins lengi og hentar. Léttar veitingar í boði. Konur hafi með sér einhverja handavinnu. Karlar eru líka velkomnir enda hafi þeir með sér handavinnu.
...
Meira

Þörungaverksmiðjan á Reykhólum var valin fyrirmyndarfyrirtæki VÍS í forvörnum árið 2010 og fékk afhentan veglegan farandgrip til varðveislu næsta árið. Bílson bílaverkstæði og Strætó bs. hlutu einnig viðurkenningu fyrir framúrskarandi árangur í forvörnum. Verðlaunin voru afhent í fyrsta sinn á sameiginlegri ráðstefnu félagsins og Vinnueftirlitsins um forvarnamál sem hátt í 180 manns tóku þátt í. Forvarnaverðlaunum VÍS er ætlað að leggja áherslu á mikilvægi þess að vinna skipulega að öryggis- og forvarnamálum. Forvarnaverðlaunin verða veitt árlega þeim viðskiptavinum VÍS sem þykja hafa skarað fram úr í öryggis- og forvarnamálum....
Meira

Bæjarstjórn Vesturbyggðar er einhuga um að fara eigi leið B með Vestfjarðaveg. Þar er átt við vegarstæði um Teigsskóg við norðanverðan Þorskafjörð og yfir mynni Djúpafjarðar og Gufufjarðar (smellið á myndina til að stækka hana). Á síðasta bæjarstjórnarfundi í Vesturbyggð var samþykkt samhljóða að vísa því til bæjarráðs að móta ályktun til stjórnvalda vegna leiðar B. Eins og kunnugt er úrskurðaði umhverfisráðherra á sínum tíma að úrskurður þáverandi umhverfisráðherra frá því í janúar 2007 yrði felldur úr gildi en þar var fallist á leið B í öðrum áfanga Vestfjarðavegar um vesturhluta Reykhólahrepps.
...
Meira

Konur eru konum bestar nefnist tveggja kvölda námskeið sem haldið verður á Reykhólum fyrir konur í Reykhólahreppi. Námskeiðið miðar að því að byggja upp sjálfsmynd kvenna og skapa þeim vettvang til að kynnast sjálfum sér betur í góðu samfélagi við aðrar konur. Einnig fá þær tækifæri til að sjá sig sjálfar í ljósi Biblíunnar og skilja að þær eru undursamleg sköpun Guðs.
...
Meira

Upplýsingavefurinn hjartalif.is hefur verið endurnýjaður og fengið nýtt útlit, en hann er upplýsingaveita í almannaþágu um hjarta- og æðasjúkdóma. Á vefnum er að finna víðtækar upplýsingar fyrir hjartasjúklinga og aðstandendur þeirra um hin ýmsu hjartans mál. Hjarta- og æðasjúkdómar eru algengasta dánarorsök á Íslandi og því mikilvægt að fólk hafi gott aðgengi að upplýsingum og fróðleik þeim tengdum.
...
Meira

Gjaldskrár Reykhólahrepps og stofnana hans hafa almennt hækkað í takti við annað í samfélaginu og tóku hækkanirnar gildi um áramótin. Vakin er athygli á því að gjaldskrárnar er að finna á pdf-formi í reitnum Gjaldskrár hér neðst á síðunni. Auk þess er upplýsingar úr sumum gjaldskránum einnig að finna á síðum stofnana hreppsins sem finna má í dálkinum hér hægra megin á vefnum.
...
Meira

Opið hús verður í Hólabæ á Reykhólum kl. 14-16 í dag, föstudaginn 5. febrúar, í tilefni Dags leikskólans. Nemendur og kennarar Hólabæjar bjóða alla velkomna til að koma og skoða skólann, spjalla við mannskapinn og sjá hvað helst hefur verið fengist við að undanförnu. Sjálfur Dagur leikskólans er á morgun, 6. febrúar, en þann dag árið 1950 eða fyrir sextíu árum stofnuðu frumkvöðlar íslenskra leikskólakennara samtök sín. Leikskólakennarar fagna 60 ára afmæli félagsins meðal annars með útgáfu veglegs afmælisrits.
...
Meira

„Ég held við þurfum að gefa í ef eitthvað er. Sveitarfélögin þurfa að spara og hagræða eins og allir aðrir í þjóðfélaginu og við þurfum að búa til hið nýja Ísland miðað við íslenskar aðstæður því hvorki sveitarfélög, landið í heild eða aðrir verða reknir fyrir endalausar lántökur og ríkissjóður getur ekki þanist út með skatttekjum af skuldasöfnun“, sagði Kristján L. Möller, ráðherra samgöngu- og sveitarstjórnarmála, þegar Skessuhorn ræddi við hann eftir fund um eflingu sveitarstjórnarstigsins, sem haldinn var í Borgarnesi í gær. Hann segir ýmsa hagræðingarmöguleika í aukinni sameiningu sveitarfélaga. Það hafi sést í sameiningum víða. „Við eigum að nota þetta kreppuástand og færa aukin verkefni heim í hérað því þar eru mörg hagræðingartækifæri.“
...
Meira

Ríkisstjórnin hefur ekki sett fram neinar áætlanir um að breyta um stefnu í landbúnaðarmálum. Þetta kemur m.a. fram í svörum sjávarútvegs- og landbúnaðarráðuneytisins við spurningum Evrópusambandsins um landbúnað, í tengslum við aðildarumsókn Íslands að ESB. Þýðing á svörunum hefur verið birt á heimasíðu ráðuneytisins, en Jón Bjarnason markaði þá stefnu á síðasta ári að þýða bæði spurningar og svör ráðuneytisins yfir á íslensku. Þýðing á svörum um sjávarútveginn verður birt fljótlega.
...
Meira

„Af því við erum að fjalla um spurningakeppni er tilvalið að ljúka þessu með lítilli gátu. Inga Lára á hvítan kött, mjög skankalangan, hann er hálfur skógarköttur. Þetta er skemmtilegur köttur og gaman að fylgjast með honum. Hann virðist vera dálítið fljótfær og framkvæmir á stundinni það sem honum dettur í hug. Hann er líka feykiduglegur veiðiköttur og hefur mikinn áhuga á fuglum. Og þá er spurningin: Hvað heitir kötturinn?“
...
Meira