Á vef Menningarráðs Vestfjarða kemur fram, að umsóknarfrestur í þrjá sjóði er í þann veginn að renna út. Frestur til að sækja um styrki úr Æskulýðssjóði og Sænsk-íslenska samstarfssjóðnum rennur út núna á mánudag, 1. febrúar, en frestur til að sækja um styrk úr Fornleifasjóði rennur út 15. febrúar.
...
Meira

Barðstrendingafélagið í Reykjavík er sífellt að efla starfsemi sína á ný, nú síðast með opnum húsum sem verða æ vinsælli. Opnu húsin eru mánaðarlega, alltaf á miðvikudögum. Annað kvöld eða þann 27. janúar verður þorraþema þar sem boðið verður upp á þorramat í bitum, skemmtiatriði og söng. Að þessu sinni verður Reykhólasveitin í stóru hlutverki þar sem sungin verða lög eftir Guðlaug Theódórsson og Ebenezer Jensson og textar verða meðal annars eftir Jón Snæbjörnsson og Aðalheiði Hallgrímsdóttur. Það er hljómsveitin Um það bil kvart úr Tungunni sem flytur en hún er skipuð mæðgum frá Mýrartungu I og II.
...
Meira

„Nú er enginn maður með mönnum nema viðkomandi hafi fengið birta af sér mynd í vefútgáfu Spiegel, berrössuðum. Með grein sem hét Í bað með Björk birtist mynd af tveim fermingarstelpum í laug. Við nánari athugun reyndust þetta vera Svana og Sólrún í þarabaði, og betri auglýsingu er varla hægt að fá. Fólk úti í heimi veit nú samt ekkert hvernig þær litu út áður en þær fóru að stunda þaraböðin.“
...
Meira

Starfsemi Breiðfirðingafélagsins syðra er kraftmikil sem endranær. Í gærkvöldi var haldin árshátíð á þorra en aðalfundur félagsins verður annað kvöld. Meðal þess sem á dagskránni verður fyrri hluta ársins, fyrir utan reglubundið prjónakaffi, spilakvöld og fleira, eru dansleikur og skemmtun Breiðfirðingakórsins í byrjun marsmánaðar, páskabingó, vorfagnaður, dagur aldraðra, gróðursetningarferð í Heiðmörk og svo sumarferð að Varmalandi í Borgarfirði.
...
Meira

Þorrablótið í Reykhólahreppi 2010 verður í íþróttahúsinu á Reykhólum í kvöld, fyrsta laugardaginn í þorra. Á borðum verður fjölbreyttur úrvals þorramatur að hætti Árna í Bjarkalundi en hljómsveitin Vítamín sér um dansfjörið. Undir borðum verða að venju ýmis gamanmál höfð í frammi. Húsið verður opnað kl. 20.00 en borðhaldið hefst kl. 20.30. Aldurstakmark er 16 ár. Miðaverð er kr. 5.500. Ef eingöngu er farið á dansleikinn er miðaverðið kr. 2.500.
...
Meira

Svæðisútsendingar Ríkisútvarpsins leggjast af í núverandi mynd vegna sparnaðaraðgerða sem kynntar voru í dag. Sex starfsmönnum á þremur svæðisstöðvum var sagt upp störfum, þar á meðal Guðrúnu Sigurðardóttur á Ísafirði, forstöðumanni Svæðisútvarps Vestfjarða. Í frétt á ruv.is segir að ljóst sé að fréttaþjónusta Ríkisútvarpsins á landsbyggðinni taki miklum breytingum á næstunni, en meðal annars sé stefnt að því hefja útsendingar á landsvísu á sérstökum þætti með efni frá fréttamönnum úti á landi.
...
Meira

Prjónakaffi á vegum Breiðfirðingafélagsins var haldið í fyrsta skipti í Breiðfirðingabúð í Reykjavík á mánudag og var vel sótt. Þar komu 38 manns, bæði konur og karlar, ungir sem aldnir. Á boðstólum var kaffi, gos og kleinur og mikið spjallað, prjónað og saumað. Ákveðið var að koma aftur saman núna á mánudaginn, 25. janúar kl. 20, og síðan verði prjónakaffið annan hvern mánudag fram eftir vetri. Eins og gefur að skilja voru teknar myndir við þetta tækifæri. Nánari upplýsingar um prjónakaffið gefa Erla í síma 898 6747 og Maddý í síma 695 2425.
...
Meira

Styrkir til atvinnumála kvenna eru nú lausir til umsóknar, en það er félags- og tryggingamálaráðherra sem veitir þá ár hvert. Að þessu sinni eru 30 milljónir til úthlutunar. Umsóknarfrestur er til og með 7. febrúar. Hægt er að sækja um styrki til gerðar viðskiptaáætlunar, vöruþróunar, markaðsmála og vegna efniskostnaðar og hönnunar, svo eitthvað sé nefnt....
Meira

Svæðisskrifstofa málefna fatlaðra á Vestfjörðum og Auður Ólafsdóttir hjúkrunarfræðingur á Ísafirði skrifuðu í gær undir samkomulag um úttekt á aðgengismálum fyrir hreyfihamlaða og aðra sem búa við skerta hreyfigetu í Ísafjarðarbæ, Bolungarvík, Súðavík, á Hólmavík, Drangsnesi og Reykhólum. Markmið verkefnisins er að koma á framfæri ábendingum til byggingarnefnda um úrbætur á sviði ferlimála. Fram kemur í samningnum að mikilvægt sé að benda verslunar- og þjónustuveitendum á ábyrgð þeirra, sem er að gefa öllum tækifæri á að nýta sér þjónustu þeirra. Einnig á að meta hvort það sé ákjósanlegt fyrir fatlaða ferðamenn að heimsækja Vestfirði.
...
Meira

Hestamenn í Búðardal og nágrenni eru mjög hamingjusamir um þessar mundir. Þessa dagana er að komast í not nýja reiðhöllin sem verið hefur í byggingu síðustu misserin. „Þetta er algjör bylting fyrir hestamennskuna í Dölunum. Það var nauðsynlegt fyrir okkur að fá þetta hús til að bæta aðstöðu hins almenna hestamanns, sinna fræðslustarfi félagsins og geta hugsað um börnin okkar. Við höfum frá því í haust verið að ljúka við frágang þannig að höllin komist í nothæft ástand. Við erum byrjaðir að selja árslykla fyrir notendur og stillum gjaldinu í hóf þannig að fólk sjái sér hag í því að nýta aðstöðuna. Mikill hestaáhugi er hér á svæðinu og greinilegt að tilkoma hallarinnar verður algjör vítamínsprauta í starfinu hjá okkur", segir Eyþór Jón Gíslason, formaður Hestamannafélagsins Glaðs, í samtali við Skessuhorn.
...
Meira