Vegagerðin hefur hætt við mokstur á Hrafnseyrarheiði að sinni vegna snjóflóðahættu. Geir Sigurðsson, rekstrarstjóri hjá Vegagerðinni, segir að reynt hafi verið að sprengja niður snjóhengjur en ekki tekist. Hann á ekki von á því að mokað verði fyrir páska. Frá þessu er greint á ruv.is. Samkvæmt snjómokstursreglum átti vormokstur að hefjast 20. mars en ekki hefur verið unnt að ráðast í hann vegna erfiðrar tíðar og snjóflóðahættu. Einnig er Dynjandisheiði ennþá lokuð.
...
Meira

Kosning utan kjörfundar vegna Alþingiskosninganna 25. apríl verður hjá sýslumanni á skrifstofu Reykhólahrepps við Maríutröð á Reykhólum í dag, þriðjudaginn 7. apríl, frá klukkan 12 á hádegi til klukkan 15. Sýslumaðurinn á Patreksfirði, Úlfar Lúðvíksson, verður einnig að öðru leyti til viðtals á sama stað og tíma.
...
Meira

Hinn víðlendi Reykhólahreppur með fjölbreyttu lífríki til lands og sjávar og óteljandi eyjum og hólmum út um Breiðafjörð státar af einhverju fjölskrúðugasta fuglalífi landsins. Á Djúpavogi á hinum enda landsins er líka paradís fuglaskoðara. Í kvöld, þriðjudag, flytur Kristján Ingimarsson frá Djúpavogi fyrirlestur í Reykjavík um fuglaverkefnið á Djúpavogi, sem er afar áhugavert og hefur laðað að fjölda innlendra sem erlendra fuglaskoðara til að skoða hið fjölbreytta og merkilega fuglalíf sem þar er að finna.
...
Meira

Verulegar breytingar virðast verða á fylgi stjórnmálaflokkanna í Norðvesturkjördæmi ef marka má nýja könnun Capacent Gallup fyrir Ríkisútvarpið og Morgunblaðið sem birt var í dag. Vinstri græn mælast stærsti flokkur kjördæmisins og bæta við sig nærri 10 prósentustigum, fara úr 16% í kosningunum 2007 í 25,7% í þessari könnun. Samkvæmt þessu bætir flokkurinn við sig einum manni og fengi tvo. Samfylkingin bætir einnig við sig fylgi, fengi nú 24,7% en hafði 21,2% árið 2007. Samfylkingin fékk tvo þingmenn kjörna síðast og það yrði óbreytt.
...
Meira

Guðjón Dalkvist Gunnarsson á Reykhólum (sem jafnan er kallaður Dalli) hefur um árabil framleitt lífrænan áburð fyrir gróður undir nafninu Glæðir. Hráefnið er klóþang, vatn og kalíumsódi. Við Breiðafjörðinn eru hæg heimatökin hvað þangið varðar eins og Þörungaverksmiðjan í Karlsey framan við Reykhólaþorp er til vitnis um. Liðlega áratugur er frá því að Dalli byrjaði rannsóknir og tilraunir með þangvökva til áburðar. Fyrstu árin eftir að framleiðslan hófst fóru í kynningu og prófanir fagmanna í garðyrkju en vorið 2001 kom Glæðir á almennan markað.
...
Meira

Kristján L. Möller samgönguráðherra segir að háhraðanettengingu dreifbýlla sveita ljúki innan 18 mánaða eða jafnvel fyrr. Sturla Böðvarsson átelur eftirmann sinn harðlega fyrir seinagang og segir að verkinu hefði mátt ljúka í fyrra. Þegar Síminn var seldur voru tveir og hálfur milljarður króna teknir til hliðar í því skyni að fjármagna háhraðatengingu þeirra svæða sem símafyrirtækin treystu sér ekki til að tengja á markaðslegum forsendum.
...
Meira

Jón Bjarnason alþingismaður skipar eins og áður efsta sætið á lista Vinstrihreyfingarinnar - græns framboðs í Norðvesturkjördæmi við komandi Alþingiskosningar. Hér gildir einnig það sem sagði um lista Sjálfstæðisflokksins vegna samræmis við aðra lista sem birtir hafa verið hér á þessum vef: Á vef flokksins þar sem listinn er birtur eru aðeins nöfn þeirra sem hann skipa en ekki starfsheiti eða búseta.
...
Meira

Árshátíð Reykhólaskóla var haldin í gærkvöldi. Samkoman hófst með skemmtun, þar sem nemendur stigu á svið með söng og leik og líka voru sýndar stuttmyndir og skyggnur. Að venju önnuðust foreldrar kaffiveitingar en að kaffinu loknu hófst diskó. Þar tóku foreldrar virkan þátt í marseringu og leikjum með yngri börnunum. Fagnaðurinn stóð til miðnættis þó að yngri hluti nemendanna væri farinn heim nokkru fyrr.
...
Meira

Guðmundur Halldór Benediktsson á Reykhólum var jarðsunginn frá Reykhólakirkju í dag. Útförin fór fram í kyrrþey að hans ósk og var því ekki auglýst. Guðmundur heitinn fæddist 3. september 1929 í Bæjum á Snæfjallaströnd við Djúp og lést á Landspítalanum 24. mars. Hann var því á 80. aldursári. Foreldrar hans voru Fanney Gunnlaugsdóttir og Benedikt Helgi Ásgeirsson. Þau hjónin eignuðust sex börn. Eftirlifandi systur Guðmundar eru Guðrún og Ingibjörg en látin eru Bogi, Kristrún og Ásgeir.
...
Meira

Núna um mánaðamótin var dregið úr dreifingu Fréttablaðsins á landsbyggðinni. Blaðinu verður áfram dreift í hús á höfuðborgarsvæðinu og á Akureyri „og fer á flest önnur byggð ból á landinu", sagði þó í frétt blaðsins af þessari breytingu. Meðal byggðra bóla sem blaðið er hætt að berast til eru Vestfjarðakjálkinn og verulegur hluti Vesturlands. Forstjóri 365 sem gefur blaðið út sagði í samtali við Svæðisútvarp Vestfjarða að hringvegurinn um landið sé látinn ganga fyrir.
...
Meira