Framúrakstur utan á beygjunni á Hrafnanesi á leiðinni að Reykhólum.

Magnús á Seljanesi á Ferguson 1952. Tveir af sonum hans koma á eftir.

Lansinn er óneitanlega sérstæður.

Feðgar og fleiri á áfangastað.

Frá þrautakeppninni.

Veðrið lék við mannskapinn.

Jói á Lansanum heima á Seljanesi.

« 1 af 7 »

Bjarki Þór Magnússon frá Seljanesi í Reykhólasveit setti mynd nr. 1 sem hér fylgir inn á Facebook með þessum ummælum: „Pabbi heldur að hann sé í formúlunni – á leiðinni til Reykhóla á Reykhóladögum.“ Auðvitað voru Bjarki og fjölskylda á Reykhóladögum eins og venjulega þó að þau séu búsett nánast eins langt í burtu og hægt er á Íslandi - austur á Kirkjubæjarklaustri.

Reykhólaskóli / Árni Geirsson.

Staða stuðningsfulltrúa við Reykhólaskóla er laus til umsóknar. Ráðið er tímabundið frá 15. ágúst 2013 til 23. maí 2014. Starfshlutfall er 75%. Umsóknarfrestur er til 13. ágúst. Karlar jafnt sem konur eru hvattir til að sækja um starfið. Launakjör samkvæmt kjarasamningi Launanefndar sveitarfélaga og viðkomandi stéttarfélags.

Myndina tók Óskar Steingrímsson þegar fyrsta Ólafsdalshátíðin var haldin 2008.

Minnt skal á tvo viðburði í héraðinu núna um helgina, messuna í Flatey og hátíðina í Ólafsdal við Gilsfjörð. Á morgun, laugardag, verður hin árlega messa í Flateyjarkirkju þar sem sr. Elína Hrund predikar, Viðar spilar á nýuppgert orgelið og félagar úr kór Reykhólaprestakalls syngja. Eyjasigling verður að venju í förum. Ólafsdalshátíðin verður haldin á sunnudag, sjötta árið í röð. Hún verður fjölbreytt að venju og raunar verður tekið forskot á sæluna með tveimur dagskrárliðum á morgun.

SamVest-íþróttamót fyrir börn og unglinga verður haldið í Borgarnesi þriðjudaginn 13. ágúst. Meðal þeirra sem standa að þessu móti er Ungmennasamband Dalamanna og Norður-Breiðfirðinga (UDN), þar sem Umf. Afturelding í Reykhólahreppi er meðal aðildarfélaga. Hér er slegið saman í eitt öflugt mót ágústmóti 10 ára og yngri auk mótsins fyrir 11 ára og eldri sem vera átti í júní en var frestað vegna veðurs.

Anna Greta Ólafsdóttir skólastjóri á Reykhólum.

Skólahald leikskóladeildar Reykhólaskóla að loknu sumarfríi hefst kl. 7.45 á föstudaginn eftir viku, 16. ágúst. Grunnskóladeild tekur síðan til starfa í vikunni þar á eftir eða miðvikudaginn 21. ágúst kl. 8.30. Þá verður fyrst stutt skólasetning á sal en eftir það fara nemendur með umsjónarkennurum í sínar stofur þar sem afhentar verða stundatöflur ásamt innkaupalistum. Foreldrum barna í fyrsta bekk er boðið í kaffi og spjall með skólastjóra að skólasetningu lokinni. Kennsla hefst strax að lokinni setningu eins og venja er.

Silvía Björk með viðskiptavin í stólnum.

Hársnyrtistofan Flottir lokkar á Reykhólum (Silvía Björk Birkisdóttir) verður opnuð á ný eftir sumarfrí núna á mánudaginn, 12. ágúst. Tímapantanir í síma 845 4550. Stofan er á neðri hæðinni í húsi Grettislaugar og fagnaði tveggja ára afmæli 25. júní.

Frá og með mánudegi (12. ágúst) verður „opinber afgreiðslutími“ í versluninni Hólakaupum á Reykhólum kl. 10-18 sex daga vikunnar og kl. 13-17 á sunnudögum. Í sumar hefur eins og áður verið opið til kl. 22 alla daga. Kunnugir vita hvað átt er við með orðalaginu „opinber afgreiðslutími“ því að Eyvi kaupmaður er yfirleitt kominn til starfa löngu fyrir auglýstan afgreiðslutíma.

Hallgrímur Sveinsson.

Þó að glæpasögur séu margar góðar sem slíkar er hæpið að láta þær verða aðallesmál þjóðarinnar. Það er svipað og með melrakkann. Hann var fyrir í landinu þegar mannskepnan kom og á sinn þegnrétt. En rebbi má ekki vaxa okkur yfir höfuð. Þá er voðinn vís.

Árbæjarkonur með körfuna frá Kötlu.

Rabarbarakökukeppni var meðal dagskrárliða á Reykhóladögum 2013. Kökurnar sem bárust voru til sýnis og smökkunar í skólanum og voru alls 73 gestir sem fengu sér bita. Árbæjarkonur fengu verðlaun fyrir bragðbestu kökuna en Sigrún Kristjánsdóttir fyrir þá flottustu. Verðlaunin sem þær Árbæjarkonur fengu var karfa frá Kötlu. Sigrún fékk gjafabréf frá Rjómabúinu Erpsstöðum í Dölum. Uppskriftin að kökunni bragðgóðu frá Árbæ í Reykhólasveit kemur hér:

Sumardagur við Grýluvog / ÁG.

Súlurit: Reykhólavefurinn skv. tölum Hagstofu Íslands (2012).

Tafla: Reykhólavefurinn skv. tölum Hagstofu Íslands (2012). Sérkennilegt má telja, að íbúafjöldi þriggja af hreppunum fimm skuli vera nákvæmlega sá sami 1901 og 1910. Auðvitað getur svo verið þó að tölfræðilegar líkur fyrir slíku séu afar litlar. Þess vegna kemur í hugann sú spurning, hvort einhver hafi einhvern tímann farið línuvillt eða dálkavillt. Því fer þó fjarri að slíku sé hér slegið föstu.

« 1 af 3 »

Kraftur hefur verið settur í heimasíðu Framfarafélags Flateyjar og nýtt efni kemur þar stöðugt inn. Vefsíðan er fjölbreytt og fróðleg og má þar nefna, auk almennra frétta, urmul ljósmynda af fólki, byggð og ýmsu öðru á fyrri tíð og fram til þessa dags. Þarna er einnig að finna ágrip af sögu Flateyjar og sagt er frá náttúru eyjarinnar, jarðfræði, gróðri og fuglalífi. Sérstakur kafli er um húsin í Flatey.