Bjarni Ómar Haraldsson, tónlistarmaður og deildarstjóri Tónskólans á Hólmavík, heldur ásamt Stefáni Steinari Jónssyni píanóleikara tónleika í Skriðulandi í Saurbæ þriðjudagskvöldið 16. júní og hefjast þeir kl. 20.30. Þar flytja þeir lögin sem hljómplatan Fyrirheit hefur að geyma, í þægilegum útsetningum fyrir píanó, kassagítar og söng, og rekja tilurð texta og laga ásamt því segja frá því sem kemur upp í hugann. Frítt er á tónleikana en að þeim loknum mun Bjarni selja og árita diskinn fyrir áhugasama. Tónleikarnir eru styrktir af Menningarráði Vestfjarða.
...
Meira

Niðurstaða krufningar 318 lamba og 20 áa í Þingeyjarsýslum sýnir að 70-80 prósent lambadauða í burði stafa af fjórum þáttum. Það eru innvortis blæðingar vegna áverka, köfnun, sýking og selenskortur. Sigurður Sigurðarson dýralæknir gerði þessa rannsókn fyrir Búnaðarsamband Norður-Þingeyinga og krufði fé af ríflega 50 bæjum.
...
Meira

Bjarkalundur er ekki bara elsta sveitahótel á Íslandi heldur líka það frægasta. Pannan sem Gugga fékk í hausinn er ennþá notuð til að steikja hamborgara. Allt er eins og það var í sjónvarpsþáttunum. Þarna er matsalurinn og barinn, en svo virðist sem eldhúsið hafi mesta aðdráttaraflið enda gerðist þar örlagaríkasti atburðurinn þegar Gugga var slegin í hausinn með pönnu. Hótelstjórinn var þó ekki alveg sáttur við hvernig þáttaröðin endaði.
...
Meira

„Núna fyrir stuttu fór ég hringinn í kringum landið og á leið minni kom ég við í ýmsum bæjum og þorpum. Ég ætla samt ekki að fara hér yfir ferðasöguna heldur ætla ég að skrifa um upplifun mína þegar ég kom hingað heim á Reykhóla. Ég komst að einni niðurstöðu, að Reykhólar eru subbulegur bær. Mér finnst þetta skelfileg uppgötvun hjá mér. Ég veit ekki hvort þetta er athugunarleysi, áhugaleysi eða hreinlega níska að vilja ekki gera meira fyrir byggðarkjarnann okkar.“ Þannig kemst Ásta Sjöfn Kristjánsdóttir á Litlu-Grund meðal annars að orði í pistli sem hún sendi til birtingar hér á vefnum.
...
Meira

Vísitasíu biskups Íslands í Vestfjarðaprófastsdæmi og þá jafnframt í Reykhólaprestakalli lýkur á morgun með messu í kirkjunni í Flatey. Í dag kl. 14 syngur hann messu í kirkjunni á Skálmarnesmúla í Múlasveit en í kvöld predikar hann við messu í Reykhólakirkju sem hefst kl. 20. Sóknarpresturinn hvetur mömmur og pabba, ömmur og afa til að koma í kirkju með börnin og barnabörnin og eiga þar góða stund saman. Að lokinni guðsþjónustu verður kirkjukaffi í Reykhólaskóla.
...
Meira

Sundmót Ungmennasambands Dalamanna og Norður-Breiðfirðinga (UDN) 2009 verður haldið í Grettislaug á Reykhólum á mánudag, 15. júní, og hefst kl. 17.30. Skráning er hjá Ingibjörgu í síma 848 4964 fyrir kl. 19 á sunnudagskvöld. Umf. Afturelding í Reykhólahreppi selur pylsur og ávaxtadrykk vægu verði. Keppt verður í eftirtöldum flokkum og greinum:
...
Meira

Skriðuland í Saurbæ er gamalgróinn verslunar- og veitingastaður við þjóðveginn fáeina kílómetra sunnan við Gilsfjarðarbrú. Staðurinn stendur hátt og þaðan er gott útsýni yfir sveitina. Dóróthea (Dóra) Sigvaldadóttir frá Hafrafelli í Reykhólasveit rekur Skriðuland ásamt sínu fólki. Í sumar er opið alla daga vikunnar frá kl. níu á morgnana til kl. tíu á kvöldin og grillið er opið á sama tíma.
...
Meira

Ferðafólk sumarsins er talsvert farið að láta sjá sig úti um land. Eins og venjulega er verslunin Hólakaup á Reykhólum opin alla daga yfir sumartímann og lengur dag hvern en yfir veturinn. Í Hólakaupum ættu ferðamenn að fá flest sem þeir þurfa, hvort heldur það eru matvörur eða bensín eða eitthvað annað fyrir sjálfa sig eða bílinn. Opið er alla sjö daga vikunnar frá kl. níu á morgnana til kl. níu á kvöldin.
...
Meira

Þessa dagana er unnið að endurbótum á veginum frá bryggjunni og inn í þorpið í Flatey. Til verksins fékk Reykhólahreppur fjárveitingu frá Vegagerðinni samkvæmt heimild í vegalögum. Samið var við BB & syni ehf. í Stykkishólmi um kaup á malarefni, Sæferðir fóru fyrir tveimur dögum aukaferð með efnið út í eyju og verktakinn sem hefur annast viðgerð á bryggjunni í Flatey sér um að koma þessum 300 tonnum af möl í hinn viðhaldsþurfandi veg. Framfarafélag Flateyjar lagði sveitarfélaginu gott lið með því að annast umsjón með verkinu.
...
Meira

Vegagerðin hefur svarað erindi frá þingmönnum Sjálfstæðisflokksins í NV-kjördæmi, þeim Einari K. Guðfinnssyni og Ásbirni Óttarssyni, varðandi vegagerð úr Vattarfirði í Kjálkafjörð. Skipulagsstofnun ákvað að vísa framvæmdinni í mat á umhverfisáhrifum en sú ákvörðun var kærð til umhverfisráðherra, sem er nú með málið á sínu borði. Erindi þingmannanna snerist um það hvort hægt væri að bjóða út þá hluta vegarins sem eru nærri núverandi veglínu og ættu því ekki að þurfa að fara í umhverfismat. Svar Vegagerðarinnar var neikvætt.
...
Meira