Vinnuskóli verður starfandi hjá Reykhólahreppi í sumar frá 8. júní til 18. júlí. Rétt til vinnu hafa unglingar fæddir á árunum 1993-96. Helstu verkefni verða sem fyrr garðsláttur og hreinsun opinna svæða, lítils háttar viðhaldsverkefni og annað tilfallandi. Flokksstjóri verður Jón Kjartansson eins og í fyrra.
...
Meira

Heiðin, kvikmynd Einars Þórs Gunnlaugssonar frá Hvilft, verður sýnd á Alþjóðlegu kvikmyndahátíðinni í Sjanghæ sem stendur frá 13. til 21. júní. Þetta er stærsta kvikmyndahátíð í Kína og er nú haldin í tólfta sinn. Það er ekki nóg að komast í gegnum valnefnd hátíðarinnar til að komast þar að. Myndirnar þurfa auk þess að komast í gegnum tvær ritskoðunarnefndir, annars vegar borgarritskoðunina í Sjanghæ og hins vegar kvikmyndaritskoðun Kína í Peking.
...
Meira

Snemma í síðasta mánuði skoraði Byggðarráð Dalabyggðar á vegamálastjóra að bjóða hið fyrsta út framkvæmdir við endurbætur á veginum um Laxárdal, sem er þjóðleið milli Dala og Stranda og „ekki boðlegur eins og ástand hans er í dag“, eins og sagði í áskorun ráðsins. Nú hefur Vegagerðin boðið út endurgerð á 3,6 km kafla á Laxárdalsvegi frá slitlagsenda við Höskuldsstaði rétt austur fyrir Leiðólfsstaði. Verkinu skal að fullu lokið í nóvemberlok. Tilboð verða opnuð 26. maí.
...
Meira

Síðasti afgreiðsludagur fyrir árlega sumarlokun Héraðsbókasafns Reykhólahrepps verður á þriðjudaginn og verður þá opið kl. 16-18 eins og venjulega. Kennararnir Ásta Sjöfn og Kolfinna Ýr sem hafa umsjón með safninu hvetja alla sem eru með bækur í láni til að skila þeim og nota jafnframt tækifærið að taka bækur fyrir sumarið. Síðan er vonast til að allir sjáist hressir og kátir á nýjan leik að hausti í stærra húsnæði sem safninu hefur hlotnast í gamla íþróttasalnum í Reykhólaskóla.
...
Meira

Í fundarboði sem dreift hefur verið vegna aðalfundar Fornleifafélags Barðstrendinga og Dalamanna hefur dagsetning hans misritast. Fundurinn verður þriðjudaginn 19. maí en ekki á miðvikudag eins og þar stendur. Hann verður haldinn í Stjórnsýsluhúsinu í Búðardal og hefst kl. 20. Að loknum venjulegum aðalfundarstörfum mun Þorvaldur Friðriksson fornleifafræðingur og fréttamaður á Ríkisútvarpinu flytja erindi um keltnesk menningaráhrif við Breiðafjörð og í Dölum að fornu og nýju.
...
Meira

Hópur úr Kvennakirkjunni er í heimsókn í Reykhólaprestakalli núna um helgina og gistir á heimavist Reykhólaskóla. Fyrir hádegi í dag voru umræður um ábyrgð á eigin heilsu og lífshamingju. Eftir hádegið verður farið í vettvangsferð og síðan verður sungin messa í Reykhólakirkju kl. 17. Kvennakirkjan sem stofnuð var árið 1993 er sjálfstæður hópur sem starfar innan íslensku þjóðkirkjunnar og byggir starf sitt á kvennaguðfræði.
...
Meira

Sú ákvörðun Skipulagsstofnunar, að vegagerð milli Eiðs í Vattarfirði og Þverár í Kjálkafirði við mörk Reykhólahrepps að vestanverðu skuli háð umhverfismati „... setur í uppnám og frestar fyrirsjáanlega bráðnauðsynlegum vegabótum á leið sem löngu er tímabært að sé lagfærð. Þessi ákvörðun kemur í kjölfar þess að fullkomin óvissa ríkir um aðra vegagerð á þessum vegi, það er á leiðinni frá Þorskafirði að Skálanesi, með þverunum Gufufjarðar og Djúpafjarðar“, segir í bréfi sem Einar K. Guðfinnsson alþingismaður hefur ritað vegamálastjóra, en ásamt honum undirritar Ásbjörn Óttarsson alþingismaður bréfið.
...
Meira

Samkvæmt nýrri könnun Ferðamálastofu um ferðaáform Íslendinga innanlands má búast við líflegu ferðasumri innanlands í ár. Þar kemur fram að níu Íslendingar af hverjum tíu ætla að ferðast innanlands í sumar, sem er hærra hlutfall en fyrri kannanir Ferðamálastofu hafa sýnt. Flestum finnast Vestfirðir það svæði sem sé mest spennandi til ferðalaga. Rúmlega 60% ætla eingöngu að ferðast innanlands, tæplega helmingur ætlar að eyða fleiri gistinóttum á ferðalögum innanlands í sumar en á síðasta ári og tveir þriðju ætla að fara að minnsta kosti þrjár ferðir.
...
Meira

Vegna árlegs vorviðhalds verður Grettislaug á Reykhólum lokuð næstu tvær vikurnar. Stefnt er að því að laugin verði opnuð á nýjan leik fyrir hvítasunnuhelgi eða föstudaginn 29. maí. Nánar verður auglýst síðar hvenær dagsins hún verður opin í sumar.
...
Meira

Starfsfólki og stjórnendum safna, setra og sögusýninga hefur verið boðið á stefnumót í Edinborgarhúsinu á Ísafirði í kvöld og á morgun. Allt áhugafólk um safnastarf og sögutengda ferðaþjónustu er einnig velkomið. Hugmyndin er að þarna hittist fólk sem vinnur að þróun og uppbyggingu safna, setra og sýninga á Vestfjörðum, kynnist hvert öðru og beri saman bækur sínar, skiptist á reynslu og skoðunum, segi frá verkefnum sem verið er að vinna að og ræði um sameiginleg hagsmunamál og frekari möguleika til eflingar þessarar starfsemi.
...
Meira