Haraldur Benediktsson á Vestra-Reyni var á Búnaðarþingi í vikunni endurkjörinn formaður Bændasamtaka Íslands og fékk hann öll 45 atkvæði þeirra sem þingið sátu. Sex vou kosin í stjórn með Haraldi en ellefu gáfu kost á sér til setu í stjórn. Sveinn Ingvarsson í Reykjahlíð fékk 45 atkvæði, Jóhannes Sigfússon á Gunnarsstöðum 41 atkvæði, Sigurbjartur Pálsson á Skarði 40 atkvæði, Vigdís M. Sveinbjörnsdóttir á Egilsstöðum 40 atkvæði, Árni Brynjólfsson á Vöðlum 23 atkvæði og Guðný Helga Björnsdóttir á Bessastöðum 22 atkvæði.
...
Meira

Forgangsröðun í nýtingu vatnsafls og jarðhita er eitt af brýnustu grundvallarmálum fyrir íbúa á Vestfjörðum. Eru virkjunarkostir á Vestfjörðum innan sjónmáls í þeirri forgangsröðun eða ekki? Ef ekki, hvaða aðgerða þarf þá að grípa til svo að samfélög og atvinnulíf á Vestfjörðum njóti sömu gæða og öryggis í raforkumálum líkt og aðrir landshlutar hafa haft um áratuga skeið?
...
Meira

Félag eldri borgara í Reykhólahreppi og Dalabyggð hefur gert lista yfir opið hús hjá félaginu í mars og apríl, með fyrirvara þó um breytingar. Opið hús er á fimmtudögum kl. 13.30 í húsnæði Rauða krossins við Vesturbraut í Búðardal. Kaffi og meðlæti kostar 200 krónur. Opið hús verður sem hér segir:
...
Meira

Menningarráð Vestfjarða hefur nú auglýst eftir styrkumsóknum vegna fyrri úthlutunar 2010. Umsóknarfrestur er til sunnudags 28. mars. Bent er sérstaklega á nánari upplýsingar í úthlutunarreglum sem samþykktar hafa verið fyrir þessa úthlutun, en þær er að finna á vef ráðsins á slóðinni www.vestfirskmenning.is. Menningarfulltrúi Vestfjarða, Jón Jónsson, gefur einnig allar nánari upplýsingar í síma 891-7372 eða í netfanginu menning@vestfirdir.is.
...
Meira

Stóra upplestrarkeppnin í 7. bekk grunnskólanna er komin á lokastig þetta árið. Á Reykhólum fer hún að þessu sinni fram í íþróttahúsinu á Reykhólum á mánudaginn, 8. mars, og hefst kl. 17. Fulltrúi Reykhólaskóla í keppninni er Elínborg Egilsdóttir á Mávavatni. Allir eru velkomnir á samkomuna.
...
Meira

Kjörfundur vegna þjóðaratkvæðagreiðslu í Reykhólahreppi verður haldinn laugardaginn 6. mars 2010. Kosið verður í einni kjördeild í sveitarfélaginu, í Hótel Bjarkalundi. Kjörfundur hefst kl. 10:00 og honum lýkur kl. 18:00. Sérstök athygli er vakin á því að kjósendum er skylt að gera kjörstjórn grein fyrir sér með því að framvísa persónuskilríkjum með mynd. Aðsetur kjörstjórnar Reykhólahrepps á kjördegi verður í Hótel Bjarkalundi. Kjörskrá liggur frammi á skrifstofu Reykhólahrepps frá 27. febrúar fram á kjördag.
...
Meira

Kjörskráin í Reykhólahreppi vegna þjóðaratkvæðagreiðslunnar um Icesave-lögin á laugardag liggur frammi á skrifstofu hreppsins við Maríutröð á Reykhólum. Samkvæmt henni eru samtals 211 manns á kjörskrá í hreppnum eða 108 karlar og 103 konur. Skrifstofan er opin virka daga frá kl. 10 til 15.
...
Meira

Handverksfélagið Assa í Reykhólahreppi áformar að gangast fyrir helgarnámskeiði til að læra að tálga úr tré og beini, svo sem ýmsa nytjahluti, dýr og fugla. Námskeiðið verður í Kaupfélagshúsinu í Króksfjarðarnesi. Það gæti orðið 6.-7. mars eða 13.-14. mars og þá frá kl. 11 til 16 báða dagana. Þátttaka ræður því hvor helgin yrði nýtt og jafnvel báðar ef með þarf. Kennari er Helgi Bjarnason.
...
Meira

Nú er að hefjast átak sem beinist að fermingarbörnum og forráðamönnum þeirra, þar sem bent er á hættuna sem fylgir því að ungt fólk fari í ljósabekki. Skilaboðin eru frá Félagi íslenskra húðlækna, Geislavörnum ríkisins, Krabbameinsfélaginu, Landlæknisembættinu og Lýðheilsustöð. Þetta er sjöunda árið sem farið er í fræðsluherferð undir slagorðinu Hættan er ljós. Birtar verða auglýsingar í dagblöðum og á vefsíðum, m.a. Facebook, og fjallað um málið í fjölmiðlum. Vakin er athygli á því að börn og unglingar eru næmari en aðrir fyrir skaðlegum áhrifum geislunar frá ljósabekkjum og sól. Tíðni húðkrabbameins hefur aukist mikið á síðustu áratugum, einkum tíðni svonefndra sortuæxla, en þau eru alvarlegasta tegund húðkrabbameins og algengasta tegund krabbameins hjá konum á aldrinum frá 15 til 34 ára.
...
Meira

Hin árvissa saltkjötsveisla og bókmenntastund hjá Reykhóladeild Lions verður á föstudagskvöldið, 5. mars. Tilhögun verður með sama hætti og undanfarin ár. Að þessu sinni verður fjallað um skáldkonuna Höllu Eyjólfsdóttur á Laugabóli í Djúpi, en hún fæddist og ólst upp í Múla við Gilsfjörð. Jafnframt verða sungin lög Sigvalda Kaldalóns við ljóð Höllu.
...
Meira